完整藏文原文 · 德格版页 当前仅加载第 37 函德格 201b 版页；藏文 NFD、目录标记与异常页序保留在来源切片中，重复版页行以稳定序号区分。
བསམ་གྱིས་མི་ཁྱབ་པ་ཐམས་ཅད་བ་སྤུའི་ཁུང་བུ་གཅིག་ཏུ་བྲེས་ཏེ། འཇིག་རྟེན་གྱི་ཁམས་ཐམས་ཅད་དུ་འགྲོ་ཡང་སེམས་ཅན་རྣམས་སྡང་བར་མི་འགྱུར་བའི་རྫུ་འཕྲུལ་ལ་རྣམ་པར་འཕྲུལ་པ་དང་། བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པ་
D44.037.0201b01.01བསྐལ་པ་གཅིག་ཏུ་བྱིན་གྱིས་བརླབས་ཏེ། བསྐལ་པ་གཅིག་ལ་བརྗོད་དུ་མེད་པའི་ཡང་བརྗོད་དུ་མེད་པའི་བསྐལ་པ་འདུ་བ་དང་། འཇིག་པ་སྟོན་ཀྱང་སེམས་ཅན་ལ་གནོད་པར་མི་འགྱུར་བའི་རྫུ་འཕྲུལ་ལ་རྣམ་པར་འཕྲུལ་པ་དང་། འཇིག་
D44.037.0201b02.01རྟེན་གྱི་ཁམས་ཐམས་ཅད་དུ་ཆུས་འཇིག་པ་ཡོངས་སུ་བསྟན་པ་དང་། མེ་དང་རླུང་གིས་འཇིག་པ་ཡོངས་སུ་བསྟན་ཀྱང་སེམས་ཅན་ལ་གནོད་པར་མི་འགྱུར་བའི་རྫུ་འཕྲུལ་ལ་རྣམ་པར་འཕྲུལ་དང་། འཇིག་རྟེན་གྱི་ཁམས་ཐམས་ཅད་
D44.037.0201b03.01འཚིག་ཅིང་ཆུ་དང་། མེ་དང་རླུང་གིས་འཇིག་ཀྱང་ལོངས་སྤྱོད་དང་། ཉེ་བར་སྤྱོད་པ་ཐམས་ཅད་ཀྱིས་ཡོངས་སུ་གང་བར་བྱས་ཤིང་སེམས་ཅན་ལ་ཀུན་ཏུ་སྟོན་པའི་རྫུ་འཕྲུལ་ལ་རྣམ་པར་འཕྲུལ་པ་དང་། འཇིག་རྟེན་གྱི་ཁམས་བསམ་གྱིས་མི་ཁྱབ་
D44.037.0201b04.01པ་ལག་པའི་མཐིལ་ཀྱིས་བླངས་ཏེ། འཇིག་རྟེན་གྱི་ཁམས་བརྗོད་དུ་མེད་པའི་ཡང་བརྗོད་དུ་མེད་པར་བཀོད་ཀྱང་སེམས་ཅན་ལ་གནོད་པར་མི་འགྱུར་བའི་རྫུ་འཕྲུལ་ལ་རྣམ་པར་འཕྲུལ་པ་དང་། ཞིང་ཐམས་ཅད་ནམ་མཁའི་རང་བཞིན་དུ་ཡོངས་སུ་
D44.037.0201b05.01བསྟན་པས་སེམས་ཅན་གྱིས་གོ་བར་བྱེད་པའི་རྫུ་འཕྲུལ་ལ་རྣམ་པར་འཕྲུལ་པ་སྟེ། ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་རྫུ་འཕྲུལ་ལ་རྣམ་པར་འཕྲུལ་པའོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་
D44.037.0201b06.01སེམས་དཔའ་རྣམས་ཀྱི་སྟོབས་ལ་རྣམ་པར་འཕྲུལ་པ་སྟེ། བཅུ་གང་ཞེ་ན། འདི་ལྟར་ཡོངས་སུ་སྨྱིན་པར་བྱ་བ་དང་། འདུལ་བ་{མྱི་,མི་}གཏོང་བས་སེམས་ཅན་གྱི་སྟོབས་ལ་རྣམ་པར་འཕྲུལ་པ་དང་། ནམ་མཁའ་བརྗོད་དུ་མེད་པའི་
D44.037.0201b07.01