完整藏文原文 · 德格版页 当前仅加载第 37 函德格 326b 版页；藏文 NFD、目录标记与异常页序保留在来源切片中，重复版页行以稳定序号区分。
མངོན་པར་འཚང་རྒྱ་བ་རྣམ་པར་དག་པའི་སྒོས་རྣམ་པར་འཕྲུལ་པ་རྣམ་པ་སྣ་ཚོགས་མངའ་བ་དང་། སངས་རྒྱས་ཀྱི་ཁྱུ་མཆོག་དང་སེང་གེའི་ང་རོ་རྣམ་པར་སྒྲོག་པ་མང་པོ་མཐོང་ངོ་། །དེ་ལྟར་རིགས་ཀྱི་བུ་ཁོ་བོས་ནི་སྒོ་ཀུན་ནས་དམིགས་པ་ཐམས་ཅད་རྣམ་པར་རིག་པ་
D44.037.0326b01.01ལ་ཡང་དག་པར་གཞོལ་བའི་སངས་རྒྱས་རྗེས་སུ་དྲན་པ་འདི་ཐོབ་པར་ཟད་ན། བྱང་ཆུབ་སེམས་དཔའ་ཡེ་ཤེས་ཀྱི་དཀྱིལ་འཁོར་རྣམ་པར་དག་པ་གང་གིས། དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་དང་། སངས་རྒྱས་ཀྱི་ཞིང་དང་ཕོ་བྲང་རྣམ་པར་དག་
D44.037.0326b02.01པའི་རྒྱན་མངོན་པར་མཐོང་བས། སངས་རྒྱས་རྗེས་སུ་དྲན་པའི་སྒོ་ཀུན་ནས་སྣང་བའི་དཀྱིལ་འཁོར་རབ་ཏུ་ཐོབ་པ་དང་། བསམ་པ་ཇི་ལྟ་བ་བཞིན་དུ་རྣམ་པར་དམིགས་པར་དེ་བཞིན་གཤེགས་པ་མཐོང་བ་རྣམ་པར་དག་པས། སངས་རྒྱས་རྗེས་སུ་དྲན་པའི་སྒོ་
D44.037.0326b03.01འགྲོ་བ་ཐམས་ཅད་དུ་སྒྲོ་བཏགས་པ་རབ་ཏུ་ཐོབ་པ་དང་། གང་གིས་དེ་བཞིན་གཤེགས་པའི་སྟོབས་བཅུ་ཚད་མེད་པའི་རྗེས་སུ་འབྲང་བས་སངས་རྒྱས་རྗེས་སུ་དྲན་པའི་སྒོ། སྟོབས་ཀྱིས་སྒྲོ་བཏགས་པ་རབ་ཏུ་ཐོབ་པ་དང་། གང་གིས་ཆོས་མཉན་པའི་རྣམ་པས།
D44.037.0326b04.01དེ་བཞིན་གཤེགས་པ་ཐམས་ཅད་ཀྱི་སྐུའི་སྤྲིན་ལ་ལྟ་བས། སངས་རྒྱས་རྗེས་སུ་དྲན་པའི་སྒོ་ཆོས་ཀྱིས་སྒྲོ་བཏགས་པ་རབ་ཏུ་ཐོབ་པ་དང་གང་གིས་ཕྱོགས་རྒྱ་མཚོ་ཐམས་ཅད་ཀྱི་སངས་རྒྱས་རྒྱ་མཚོ་ཐ་མི་དད་པ་ལ་འཇུག་པས། སངས་རྒྱས་རྗེས་སུ་དྲན་པའི་
D44.037.0326b05.01སྒོ་ཕྱོགས་རྣམ་པར་སྣང་བའི་སྙིང་པོ་རབ་ཏུ་ཐོབ་པ་དང་། གང་གིས་དེ་བཞིན་གཤེགས་པའི་རྣམ་པར་འཕྲུལ་པ་དང་། ཁྱུ་མཆོག་གི་མཐུ་ཕྱུང་བ་ལ་རབ་ཏུ་ཕྲ་བར་དམིགས་ཤིང་འཇུག་པས། སངས་རྒྱས་རྗེས་སུ་དྲན་པའི་སྒོ་ཕྱོགས་ཐམས་ཅད་དུ་འཇུག་
D44.037.0326b06.01པ་རབ་ཏུ་ཐོབ་པ་དང་། བསྐལ་པ་ཐམས་ཅད་དུ་དེ་བཞིན་གཤེགས་པ་མཐོང་ཞིང་རྣམ་པར་དམིགས་པ་དང་མི་བྲལ་བས། སངས་རྒྱས་རྗེས་སུ་དྲན་པའི་སྒོ་བསྐལ་པར་སྒྲོ་བཏགས་པ་རབ་ཏུ་ཐོབ་པ་དང་། གང་གིས་དུས་ཐམས་ཅད་དུ་དེ་བཞིན་གཤེགས་པ་མཐོང་
D44.037.0326b07.01