完整藏文原文 · 德格版页 当前仅加载第 37 函德格 141a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིན་ཏུ་ཕྲ་བ་སྙེད་ཕྱིན་པར་གྱུར་ཏེ། ཐམས་ཅད་ནའང་དེ་བཞིན་གཤེགས་པའི་མངའ་མི་འཕྲོགས་པའི་ཆོས་འདི་ཉིད་ཚིག་འདི་དག་ཉིད་དང་། ཡི་གེ་འདི་དག་ཉིད་དང་། ངེས་པའི་ཚིག་མངོན་པར་བསྒྲུབ་པ་འདི་དག་ཉིད་ཀྱིས་དོན་འདི་ཉིད་བརྗོད་དེ་
D44.037.0141a01.01ལྷག་ཆད་{མྱེད་,མེད་}པར་བརྗོད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས་བྱང་ཆུབ་སེམས་དཔའི་ཚོགས་ཐམས་ཅད་ལ་རྣམ་པར་བལྟས་ནས་དེ་བཞིན་གཤེགས་པའི་རིགས་བརྗོད་ཅིང་སངས་རྒྱས་ཀྱི་ཆེ་བ་ཉིད་སྨོས་པ་དང་།
D44.037.0141a02.01དེ་བཞིན་གཤེགས་པའི་ཆོས་ཉིད་མི་འཕྲོགས་པ་ཡོངས་སུ་བརྗོད་པ་དང་སྔོན་གྱི་དགེ་བའི་རྩ་བ་ཚད་མེད་ཅིང་ཡངས་པ་དོན་ཡོད་པར་བརྗོད་པ་དང་། རྣམ་པའི་མཆོག་ཐམས་ཅད་དང་ལྡན་པའི་སངས་རྒྱས་སྐྱེ་བ་སྨོས་པ་དང་། སེམས་ཅན་མ་ལུས་པ་ཐམས་ཅད་ཀྱི་
D44.037.0141a03.01སེམས་ཀྱི་བསམ་པ་རབ་ཏུ་བརྟག་པ་དང་། འགྲོ་བ་ཐམས་ཅད་ལ་དུས་ལ་ཇི་ལྟར་འབབ་པ་བཞིན་དུ་ཆོས་བསྟན་པ་རྣམ་པར་དགོད་པ་ཡོངས་སུ་མི་གཏོང་བ་དང་། བྱང་ཆུབ་སེམས་དཔའ་ཐམས་ཅད་ཀྱི་ཆོས་སྣང་བ་མཐའ་དང་དབུས་མེད་པ་
D44.037.0141a04.01ཡང་དག་པར་བསྐྱེད་པ་དང་། དེ་བཞིན་གཤེགས་པའི་སྤྲུལ་པ་དང་། བྱིན་གྱི་རླབས་རྣམ་པར་དགོད་པ་ཆེན་པོ་རབ་ཏུ་བསྟན་པ་དང་། དེ་བཞིན་གཤེགས་པ་ཐམས་ཅད་དང་རང་བཞིན་གཅིག་པའི་ལུས་མི་འཁྲུགས་པར་བྱ་བ་བྱེད་ཅིང་སྔོན་གྱི་སྤྱོད་
D44.037.0141a05.01པའི་སྟོབས་དང་ཤུགས་ཀྱིས་མངོན་པར་བསྒྲུབས་ཏེ་རང་གི་རྒྱུད་ཀྱི་མཐུས་ཡང་དག་པར་བླངས་པའི་སངས་རྒྱས་ཀྱི་བྱིན་གྱི་རླབས་ཀྱིས་དེའི་ཚེ་ཚིགས་སུ་བཅད་པ་འདི་དག་སྨྲས་སོ། །དཔེ་རྣམས་ཇི་སྙེད་འཇིག་རྟེན་ཀུན་ན་གང་ཡོད་པ། །དེ་དག་
D44.037.0141a06.01ཐམས་ཅད་སངས་རྒྱས་སྤྱོད་ལམ་འདི་དང་བྲལ། །འོན་ཀྱང་འགྲོ་ལ་ཕན་ཕྱིར་སེམས་ཅན་བསྟན་པའི་ཕྱིར། །དཔེ་མེད་རྣམས་ལ་དོན་གྱི་ཚུལ་གྱིས་དཔེ་ཡང་བླངས། །བདེ་གཤེགས་གསང་བ་འདི་དག་ཐ་མལ་དམས་མི་ཐོས། །བསྐལ་པ་
D44.037.0141a07.01