完整藏文原文 · 德格版页 当前仅加载第 37 函德格 93a 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བའི་ཚུལ་གྱིས་སྣང་བར་བྱའོ། །དེའི་འོག་ཏུ་ཆུང་ངུ་ན་སེམས་ཅན་ལོག་པར་ངེས་པ་ཡན་ཆད། སེམས་ཅན་ཐམས་ཅད་ཀྱི་བསམ་པ་ཡོངས་སུ་སྦྱང་བར་བྱའོ། །ལྟ་བ་བསྲང་བར་བྱའོ་ཞེས་རྣམ་པར་རྟོག་པ་མི་མངའ།
D44.037.0093a01.01སྤྲོས་པ་མི་མངའ་སྟེ། འོན་ཀྱང་འོད་ཟེར་མཉམ་པར་འགྱེད་པས། འོད་ཟེར་གྱི་མཉམ་པ་ཉིད་ཀུན་ཏུ་བསྒྲིབས་པ་མེད་པར་སེམས་ཅན་ཐམས་ཅད་ལ་རབ་ཏུ་སྣང་བར་འགྱུར་ཏེ། དེ་ནི་དེ་བཞིན་གཤེགས་པའི་ཡེ་ཤེས་ཀྱི་སྐུ་ཉི་མའི་དཀྱིལ་འཁོར་ལ་རྣམ་པར་རྟོག་པ་མི་
D44.037.0093a02.01མངའ་བའི་ཕྱིར་རོ། །དེ་ཡང་འདི་ལྟ་སྟེ་དཔེར་ན། ཉི་མའི་དཀྱིལ་འཁོར་རྣམ་པར་རྟོག་པ་མེད་ཅིང་། འོད་ཟེར་མཉམ་པ་ཉིད་དུ་འཆར་ཡང་རི་ཆེན་པོ་རྣམས་ལ་རྣམ་པ་ཐ་དད་དུ་སྣང་བར་འགྱུར་རོ། །དེ་བཞིན་དུ་དེ་བཞིན་གཤེགས་པའི་ཡེ་ཤེས་ཀྱི་སྐུ་ཉི་མའི་
D44.037.0093a03.01དཀྱིལ་འཁོར་རྣམ་པར་རྟོག་པ་མི་མངའ་ཞིང་། འོད་ཟེར་མཉམ་པ་ཉིད་དུ་འཆར་ཡང་སེམས་ཅན་རྣམས་ཀྱི་དགེ་བའི་རྩ་བ་རྣམ་པ་ཐ་དད་པ་དང་། བསམ་པའི་རྣམ་པ་ཐ་དད་པས། དེ་བཞིན་གཤེགས་པའི་འོད་ཟེར་རྣམ་པ་ཐ་དད་པ་ཡང་སྣང་ཞིང་ཡོད་དོ། །
D44.037.0093a04.01ཀྱེ་རྒྱལ་བའི་སྲས་བྱང་ཆུབ་སེམས་དཔའ་སེམས་དཔའ་ཆེན་པོས་ཁོང་དུ་ཆུད་པར་བྱ་བའི་སྒོ་བཞི་པ་འདིས་ཀྱང་། དེ་བཞིན་གཤེགས་པའི་སྐུ་བལྟར་ཡོད་པར་ཤེས་པར་བྱའོ། །ཀྱེ་རྒྱལ་བའི་སྲས་གཞན་ཡང་འདི་ལྟ་སྟེ་དཔེར་ན། ཉི་མའི་དཀྱིལ་འཁོར་དེ་ཉིད་
D44.037.0093a05.01ཤར་ཀྱང་སེམས་ཅན་དམུས་ལོང་རྣམས་ཀྱི་མིག་ལམ་དུ་སྣང་བར་མི་འགྱུར་ཏེ། དེ་ནི་མིག་དང་མི་ལྡན་པའི་ཕྱིར་རོ། །ཀྱེ་རྒྱལ་བའི་སྲས་དེ་ལྟར་ཉི་མའི་དཀྱིལ་འཁོར་དེ་སེམས་ཅན་དམུས་ལོང་རྣམས་མིག་དང་མི་ལྡན་པའི་ཕྱིར་མིག་ལམ་དུ་མི་སྣང་དུ་ཟིན་གྱིས་
D44.037.0093a06.01ཀྱང་། སེམས་ཅན་དམུས་ལོང་རྣམས་ལ་ཡང་ཉི་མར་གདགས་པ་དང་། ཁ་ཟས་འཇུ་བ་དང་། བདེ་བར་སྤྱོད་པ་དང་། ལུས་ཀྱི་གྲང་བ་བསྩལ་པ་དང་། ལུས་ཡང་བ་དང་། {མྱིག་,མིག་}ནད་དང་། ལུས་ལ་གནས་པའི་ནད་རླུང་ངམ། མཁྲིས་པའམ། བད་ཀན་ལས་
D44.037.0093a07.01