完整藏文原文 · 德格版页 当前仅加载第 37 函德格 123b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་རབ་ཏུ་འབེབས། །དེ་ལའང་འོང་དང་འགྲོ་བར་དམིགས་པ་མེད་པ་སྟེ། །ཀླུ་ཡི་དབང་པོའི་བསམ་པ་ཙམ་གྱིས་ཆར་ཡང་འབབ། །དེ་བཞིན་སྟོབས་བཅུ་གང་དག་ནས་ཀྱང་བྱོན་པ་མེད། །དེ་བཞིན་ཐུབ་པ་གང་དུ་ཡང་བཞུད་པ་མི་དམིགས་ཏེ། །
D44.037.0123b01.01ཐུགས་ཀྱིས་དགོངས་པས་སྐྲ་རྩེ་གཅིག་ལ་འཇུག་པར་ཡང་། །ཆོས་ཀྱི་དབྱིངས་ཀྱི་ཚད་དུ་དེ་དག་ཤིན་ཏུ་འབྱུང་། །རྒྱ་མཚོ་ཆུ་དང་རིན་ཆེན་ཚོགས་ཀྱིས་ཚད་མེད་དེ། །སེམས་ཅན་དག་དང་འབྱུང་པོ་གནས་པས་ཚད་ཀྱང་མེད། །རོ་གཅིག་རྙོག་པར་
D44.037.0123b02.01མི་ནུས་སེམས་ཅན་དེར་སྐྱེས་པ། །དེ་དག་ཀུན་ཀྱང་ཆུ་བོ་གཞན་ལ་སྤྱོད་མི་བྱེད། །དེ་བཞིན་རྒྱལ་བའི་ཡུལ་ཡང་མཁྱེན་པས་ཚད་མེད་དེ། །རིན་ཆེན་གསུམ་གནས་རིན་ཆེན་ཚོགས་ཀྱིས་ཚད་ཀྱང་མེད། །སློབ་དང་མི་སློབ་སེམས་ཅན་རྣམས་ཀྱིས་ཚད་
D44.037.0123b03.01མེད་དེ། །ཡེ་ཤེས་མཆོག་དོན་སྤྱོད་པའི་འབྱུང་པོས་ཚད་ཀྱང་མེད།། །།སངས་རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། །བམ་པོ་བཅུ་གཉིས་པ། དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་སེམས་དཔའ་
D44.037.0123b04.01ཆེན་པོ་དེ་བཞིན་གཤེགས་པའི་རིགས་སུ་བྱུང་བའི་དཔལ་གྱིས། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པ་དགྲ་
D44.037.0123b05.01བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་སྤྱོད་ཡུལ་ཇི་ལྟར་བུར་ཤེས་པར་བྱ། དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་
D44.037.0123b06.01པའི་རིགས་སུ་བྱུང་བའི་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པའི་སྤྱོད་ཡུལ་ནི་ཆགས་པ་མེད་པའི་སྤྱོད་ཡུལ་དུ་ཤེས་པར་བྱ་སྟེ། ཇི་ལྟར་དེ་བཞིན་ཉིད་ནི་སྔོན་གྱི་
D44.037.0123b07.01