完整藏文原文 · 德格版页 当前仅加载第 37 函德格 66a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་རབ་ཏུ་བརྟག་པ་རྣམ་པར་དག་པ་དང་། སངས་རྒྱས་ཐམས་ཅད་ཀྱི་རིགས་སུ་ནན་ཏན་ཏུ་བྱ་བ་རྣམ་པར་དག་པ་སྟེ། རྣམ་པར་དག་པར་བྱེད་པའི་ཆོས་བཅུ་པོ་དེ་དག་རབ་ཏུ་འཛིན་ཏོ། །དེ་དེ་ལྟ་བུའི་ཆོས་བཅུ་པོ་དེ་དག་ལ་
D44.037.0066a01.01གནས་པས་ཡེ་ཤེས་འབྱམ་ཀླས་པ་བཅུ་ལ་འཇུག་པར་འགྱུར་ཏེ། བཅུ་གང་ཞེ་ན། འདི་ལྟར་སེམས་ཅན་ཐམས་ཅད་ཀྱི་སེམས་དང་སྤྱོད་པ་ལ་འཇུག་པ་དང་། འགྲོ་བ་ཐམས་ཅད་ཀྱི་ལས་ཀྱི་རྣམ་པར་སྨིན་པ་རབ་ཏུ་ཕྱེ་བ་ལ་འཇུག་པ་དང་། སངས་རྒྱས་ཀྱི་
D44.037.0066a02.01ཆོས་ཐམས་ཅད་ལ་ཡེ་ཤེས་སྣང་བས་འཇུག་པ་དང་། སངས་རྒྱས་ཀྱི་ཆོས་ཀྱི་ཚུལ་དང་ལྡེམ་པོ་དག་ལ་ཡེ་ཤེས་ཀྱིས་འཇུག་པ་དང་། གཟུངས་ཀྱི་སྒོ་ཐམས་ཅད་ལ་ཡེ་ཤེས་ཀྱིས་འཇུག་པ་དང་། ཡི་གེ་ཐམས་ཅད་ལ་སྤོབས་པའི་ཡེ་ཤེས་ཀྱིས་འཇུག་
D44.037.0066a03.01པ་དང་། སེམས་ཅན་ཐམས་ཅད་ཀྱི་སྐད་དང་ཐ་སྙད་དང་། ཚིག་ལ་མཁས་པའི་ཡེ་ཤེས་ལ་འཇུག་པ་དང་། འཇིག་རྟེན་གྱི་ཁམས་ཐམས་ཅད་དུ་ལུས་བསྟན་པའི་ཡེ་ཤེས་ལ་འཇུག་པ་དང་། འཁོར་གྱི་དཀྱིལ་འཁོར་ཐམས་ཅད་དུ་གཟུགས་བརྙན་འབྱུང་
D44.037.0066a04.01བ་བསྟན་པའི་ཡེ་ཤེས་ལ་འཇུག་པ་དང་། སྐྱེ་མཆེད་ཐམས་ཅད་དུ་ཐམས་ཅད་མཁྱེན་པའི་ཡེ་ཤེས་ལ་འཇུག་པ་སྟེ། ཡེ་ཤེས་འབྱམ་ཀླས་པ་བཅུ་པོ་དེ་དག་རབ་ཏུ་འཛིན་ཏོ། །དེ་དེ་ལྟར་ཡེ་ཤེས་འབྱམ་ཀླས་པ་བཅུ་ལ་རབ་ཏུ་གནས་པས་ཡང་དག་པར་
D44.037.0066a05.01གཟུད་པ་ལ་འཇུག་པ་བཅུ་འཐོབ་སྟེ། བཅུ་གང་ཞེ་ན། འདི་ལྟར་འཇིག་རྟེན་གྱི་ཁམས་ཐམས་ཅད་སྐྲའི་སྦུབས་སུ་གཟུང་པ་ལ་འཇུག་ཅིང་། སྐྲའི་སྦུབས་གཅིག་འཇིག་རྟེན་གྱི་ཁམས་བསམ་གྱིས་མི་ཁྱབ་པར་མངོན་པར་བསྒྲུབ་པ་ལ་འཇུག་པ་དང་། སེམས་
D44.037.0066a06.01ཅན་ཐམས་ཅད་ཀྱི་ལུས་སེམས་ཅན་གཅིག་གི་ལུས་སུ་བསྡུ་ཞིང་སེམས་ཅན་གཅིག་གི་ལུས་བརྗོད་དུ་མེད་པའི་ལུས་སུ་མངོན་པར་བསྒྲུབ་པ་ལ་འཇུག་པ་དང་། བསྐལ་པ་བརྗོད་དུ་{མྱེད་,མེད་}པ་སེམས་ཀྱི་སྐད་ཅིག་དུ་གཟུང་པ་ལ་འཇུག་ཅིང་སེམས་ཀྱི་སྐད་ཅིག་བརྗོད་
D44.037.0066a07.01