完整藏文原文 · 德格版页 当前仅加载第 37 函德格 322a 版页；藏文 NFD、目录标记与异常页序保留在来源切片中，重复版页行以稳定序号区分。
བཞག་གསོལ། །སེམས་ཅན་ཐམས་ཅད་འདུལ་ལས་མི་ལྡོག་པ། །བསམ་གཏན་ཏིང་འཛིན་ཁ་ཁྱེར་མཐོར་སྒྲོན་ཅིང་། །ཤེས་རབ་ཐབས་གཉིས་འབྱོར་མཐུན་འགྲོ་རྒྱུ་བའི། །ཆོས་ཀྱི་ཐེག་པའི་མཆོག་ལ་བདག་བཞག་གསོལ། །
D44.037.0322a01.01སྨོན་ལམ་འཁོར་ལོས་ལམ་གྱི་འཁོར་སྦྱོང་བ། །ཆོས་ཀྱི་གཟུངས་དམ་མཐུ་བརྟན་ཆེ་ལྡན་ཞིང་། །ཡེ་ཤེས་འཁྲུལ་འཁོར་ལེགས་སྦྱངས་ལེགས་བྱས་པའི། །ཆོས་ཀྱི་ཐེག་པ་དེ་ལ་བདག་སྐྱོན་གསོལ། །ཀུན་ཏུ་བཟང་པོའི་སྤྱོད་པས་རབ་སྦྱངས་ཤིང་། །སེམས་
D44.037.0322a02.01ཅན་ལྟ་བས་རྒྱུ་ལ་ཐོགས་མེད་པ། །ཀུན་ཏུ་བཟང་པོའི་སྤྱོད་པས་གནོན་གྱུར་པའི། །ཡེ་ཤེས་ཐེག་པས་བདག་ལ་བསྡུད་དུ་གསོལ། །དེ་ནི་བརྟན་པས་རྡོ་རྗེ་བཞིན་གནས་པ། །ཡེ་ཤེས་སྒྱུ་མས་ལེགས་སྦྱངས་ལེགས་བྱས་ཤིང་། །སྒྲིབ་དང་ཆགས་
D44.037.0322a03.01པ་ཐམས་ཅད་གཅོད་པ་ཡི། །བཟང་པོའི་ཐེག་ལ་བདག་ཀྱང་བསྐྱོན་དུ་གསོལ། །འགྲོ་མཉམ་དྲི་མེད་ཤིན་ཏུ་ཡངས་གྱུར་པ། །སེམས་ཅན་ཐམས་ཅད་སྐྱོབ་པས་བདེ་སྒྲུབ་ཅིང་། །ཆོས་དབྱིངས་ཤིན་ཏུ་རྒྱ་ཆེན་རྣམ་སྣང་བའི། །བྱང་ཆུབ་ཐེག་
D44.037.0322a04.01ལ་བདག་ཀྱང་བསྐྱོན་དུ་གསོལ། །སྡུག་བསྔལ་ཕུང་པོ་རབ་འབྱུང་གཅོད་བྱེད་པ། །ཉོན་མོངས་ལས་ཀྱི་རྡུལ་མང་སྦྱོང་སེལ་ཅིང་། །བདུད་དང་ཕས་ཀྱི་རྒོལ་བ་ཀུན་འཇོམས་པའི། །ཆོས་ཀྱི་ཐེག་ལ་བདག་ཀྱང་བསྐྱོན་དུ་གསོལ། །ཕྱོགས་རྣམས་ཀུན་ཏུ་ཡེ་ཤེས་
D44.037.0322a05.01རབ་སྣང་བ། །ཆོས་དབྱིངས་ནམ་མཁའ་རྣམ་པར་ཀླུབས་བྱེད་ཅིང་། །སེམས་ཅན་ཀུན་གྱི་བསམ་པ་རྫོགས་བྱེད་པའི། །ཆོས་ཀྱི་ཐེག་ལ་བདག་ཀྱང་བསྐྱོན་དུ་གསོལ། །རྣམ་དག་མཁའ་ལྟར་ཚད་མེད་མི་ཟད་པ། །སྲེད་དང་མ་རིག་ལྟ་བའི་སྐྱོན་མེད་ཅིང་། །
D44.037.0322a06.01སེམས་ཅན་ཀུན་ལ་ཕན་པར་རབ་གནས་པའི། །ཆོས་ཀྱི་ཐེག་ལ་བདག་ཀྱང་བསྐྱོན་དུ་གསོལ། །རླུང་ཆེན་ལངས་པའི་ཤུགས་ཀྱི་ཤུགས་ལྡན་པས། །སྨོན་ལམ་མཐུ་ཡིས་འཇིག་རྟེན་ཀུན་འཛིན་ཅིང་། །ཞི་བའི་གནས་རབ་ཀུན་སར་སྐྱེལ་བྱེད་པའི། །
D44.037.0322a07.01