完整藏文原文 · 德格版页 当前仅加载第 37 函德格 50a 版页；藏文 NFD、目录标记与异常页序保留在来源切片中，重复版页行以稳定序号区分。
དག་པར་སྟོན་ཅིང་། ཆོས་རྒྱ་མཚོའི་སྤྱོད་པ་རབ་ཏུ་བསྟན་པས། འདས་པ་དང་མ་བྱོན་པ་དང་། ད་ལྟར་བྱུང་བའི་དེ་བཞིན་གཤེགས་པ་དང་། བྱང་ཆུབ་སེམས་དཔའ་ཐམས་ཅད་རབ་ཏུ་སྟོན་པའི་སྤྲིན་ཅེས་བྱ་བ་མངའ་འོ། །
D44.037.0050a01.01དེ་བཞིན་གཤེགས་པའི་དཔལ་གྱི་བེའུ་གཡས་ཕྱོགས་ཀྱི་འོག་རོལ་འདབ་ཆགས་ན་དེ་བཞིན་གཤེགས་པའི་མཚན་རིན་པོ་ཆེའི་མེ་ཏོག་དང་། རིན་པོ་ཆེའི་མཛོད་སྤུས་རབ་ཏུ་བརྒྱན་པའི་རིན་པོ་ཆེའི་འཁོར་ལོ་རིན་པོ་ཆེའི་འོད་འཕྲོ་བའི་སྒྲོན་མ་དྲི་མ་མེད་པ་པད་
D44.037.0050a02.01མོའི་དབྱིབས་འཇིག་རྟེན་གྱི་ཁམས་སུ་སྟོན་པས་མེ་ཏོག་རྒྱས་པའི་སྤྲིན་ཅེས་བྱ་བ་མངའ་འོ། །དེ་བཞིན་གཤེགས་པའི་དཔལ་གྱི་བེའུའི་གཡོན་ཕྱོགས་ཀྱི་འོག་རོལ་གྱི་འདབ་ཆགས་ན། རིན་པོ་ཆེ་ཐམས་ཅད་ཀྱི་འོད་སེམས་ཀྱི་རྒྱལ་པོའི་སྙིང་པོ་
D44.037.0050a03.01ཅན་རིན་པོ་ཆེའི་རྒྱལ་པོའི་འོད་ཟེར་གྱི་འཁོར་ལོ་དང་། འོད་རབ་ཏུ་བཀྱེ་བས་ཀུན་ཏུ་དྲི་མ་མེད་པའི་རྒྱ་མཚོ་ཤིན་ཏུ་འཕགས་པའི་ཁོངས་སུ་སངས་རྒྱས་ཀྱི་ཚུལ་ཐམས་ཅད་རབ་ཏུ་སྣང་བའི་རིན་པོ་ཆེའི་ཕུང་པོ་མ་ལུས་པར་ཆུད་པའི་སྙིང་པོ་ཅན་ཆོས་ཀྱི་དབྱིངས་
D44.037.0050a04.01ཐམས་ཅད་དུ་གསེར་རབ་ཏུ་འབར་བའི་སྤྲིན་ཅེས་བྱ་བ་མངའོ། །དེ་བཞིན་གཤེགས་པའི་དཔལ་གྱི་བེའུའི་རྩེ་མོ་ལ་ནམ་མཁའི་དབྱིངས་སུ་རིན་པོ་ཆེའི་སྒྲོན་མ་སྤོས་རིན་པོ་ཆེའི་རྒྱལ་པོ་ལུས་ཐམས་ཅད་ལ་སྙིང་པོ་བྱང་ཆུབ་ཀྱི་འོད་ཟེར་རབ་ཏུ་འབར་ཞིང་བཻ་ཌཱུརྱའི་
D44.037.0050a05.01དཀྱིལ་འཁོར་གྱི་སྒྲོན་མ་ལ་སྤོས་ཀྱི་འཕྲོད་པས་ཕྱོགས་ཡངས་པ་ཐམས་ཅད་རྒྱས་པར་འགེངས་ཤིང་། ཀུན་ཏུ་གཡས་ཕྱོགས་སུ་འཁྱིལ་པ། སངས་རྒྱས་ཀྱི་དཔལ་གྱི་བེའུ་རྒྱ་མཚོའི་སྤྲིན་ཅེས་བྱ་བ་མངའོ། །དེའི་འོག་ན་རྗེས་སུ་འགྲོ་བའི་
D44.037.0050a06.01དཔལ་གྱི་བེའུ་གཉིས་པ་ཡོད་པའི་དབུས་ན་དེ་བཞིན་གཤེགས་པའི་མཚན། །མཚན་ཉིད་ཀྱི་པད་མོའི་གཞི་ལ་ཟེ་བ་བྱང་ཆུབ་སེམས་དཔའ་གཡས་ཕྱོགས་སུ་འཁོར་བར་འཁོད་པ་རབ་ཏུ་སྣང་བས་ཤིན་ཏུ་འཕགས་ཤིང་། ཡོངས་སུ་དག་ལ་ཆོས་ཀྱི་དབྱིངས་རྒྱ་མཚོར་
D44.037.0050a07.01