完整藏文原文 · 德格版页 当前仅加载第 37 函德格 98b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ཡི་དོན་ཞིག་བྱ་ཞེས་ཡོངས་སུ་རྟོག་མི་མངའ། །ཇི་ལྟར་འཛམ་བུའི་གླིང་དུ་ཉི་མ་འཆར་འགྱུར་ཚེ། །མུན་པ་མ་ལུས་སེལ་ཅིང་རབ་ཏུ་སྣང་བ་བྱེད། །ཤིང་དང་པད་མོའི་ནགས་ཚལ་ས་རྣམས་གར་བབ་པའི། །སྣ་ཚོགས་གནས་ཀྱིས་སེམས་ཅན་ཐམས་ཅད་
D44.037.0098b01.01ཉེ་བར་འཚོ། །དེ་བཞིན་རྒྱལ་བའི་ཉི་མ་སེམས་ཅན་ཀུན་འཚོ་སྟེ། །ལྷ་མི་འཇིག་རྟེན་རྣམས་ཀྱི་འདུས་བྱས་དགེ་རྩ་ལ། །མུན་པའི་ཐིབས་པོ་བསྩལ་ཅིང་ཤེས་རབ་སྣང་འགྱུར་བས། །མི་ཡི་དབང་པོ་མཆོག་མཐོང་བདེ་བ་ཐམས་ཅད་འཐོབ། །ཉི་མའི་འོད་
D44.037.0098b02.01ཟེར་ཐོག་མ་རི་རབ་ཁོར་ཡུག་ལ། །ཤར་ནས་དེ་ཡི་འོག་ཏུ་རི་བོ་མང་ལ་འཆར། །དེ་ནས་ས་སྟེངས་འདི་ཡི་ཕྱོགས་རྣམས་མཐོ་མཐོ་ལ། །དེ་ནས་ས་སྟེངས་དམའ་བའི་ཕྱོགས་རྣམས་སྣང་བར་བྱེད། །བདེ་གཤེགས་འོད་ཟེར་ཐོག་མར་རྒྱལ་སྲས་ལུས་ལ་
D44.037.0098b03.01འཆར། །དེ་ཡི་འོག་ཏུ་རང་རྒྱལ་ཐེག་ལ་གནས་པར་འཆར། །དེ་ནས་དབང་བསྒྱུར་དེ་ནས་སློབ་པ་རྣམས་ལ་འཆར། །དེ་ནས་མ་ལུས་འགྲོར་འཆར་སངས་རྒྱས་རྟོག་མི་མངའ། །མིག་དང་མི་ལྡན་ཉི་མ་ཀུན་ཏུ་སྣང་མི་མཐོང་། །འོན་ཀྱང་ཉི་མའི་གྲངས་
D44.037.0098b04.01ཀྱིས་དེ་དག་ཉེ་བར་འཚོ། །བཀྲེས་པ་སྤོང་ཞིང་ལུས་ལ་ཤིན་ཏུ་ལྷམ་པར་བྱེད། །དེ་ལྟར་སེམས་ཅན་ཐམས་ཅད་ཉི་མས་ཉེ་བར་འཚོ། །དད་དང་མི་ལྡན་སངས་རྒྱས་ཉི་མ་མི་མཐོང་སྟེ། །འོན་ཀྱང་རྒྱལ་བའི་བྱིན་གྱིས་དེའང་ཉེ་བར་འཚོ། །རྒྱལ་བའི་མཚན་
D44.037.0098b05.01ཐོས་བདེ་གཤེགས་འོད་ལ་རེག་གྱུར་ཀྱང་། །དེ་ལ་བྱང་ཆུབ་གོ་འཕང་བར་གྱི་རྒྱུར་འགྱུར་རོ། །ཟླ་བ་ཤར་བ་སྐར་མ་ཐམས་ཅད་ཟིལ་གྱིས་གནོན། །འགྲོ་བ་རྣམས་ལ་འཕེལ་དང་འགྲིབ་པ་ཡང་དུ་སྟོན། །ཆུ་མཚོ་ཀུན་ལ་གཟུགས་བརྙན་རབ་ཏུ་སྣང་བར་
D44.037.0098b06.01བྱེད། །གང་རྣམས་ཆུ་ལ་ལྟ་བ་དེ་ལ་མངོན་པར་སྣང་། །རྒྱལ་བའི་ཟླ་བ་ཤར་བ་ཉན་ཐོས་ཟིལ་གྱིས་གནོན། །འདུལ་བ་ཇི་བཞིན་རང་སྐུ་འཕེལ་དང་འགྲིབ་པ་སྟོན། །ལྷ་དང་མི་ཡི་སེམས་ལ་གཟུགས་བརྙན་རབ་ཏུ་སྣང་། །འགྲོ་བ་ཀུན་གྱིས་བདག་
D44.037.0098b07.01