完整藏文原文 · 德格版页 当前仅加载第 37 函德格 12b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱན་བརྒྱ་སྟོང་དུ་མས་རབ་ཏུ་བརྒྱན་པ་དང་། དབྱངས་ཀྱི་ཡན་ལག་མཐའ་ཡས་མུ་མེད་པས་རྣམ་པར་དག་པ་དང་། སངས་རྒྱས་ཀྱི་ཆོས་ཀྱི་དོན་དང་ཚིག་དང་ཡི་གེ་བརྗོད་དུ་མེད་པའི་ཡང་བརྗོད་དུ་མེད་པས་རབ་ཏུ་ཚིམ་པར་མཛད་པ་དང་། བག་
D44.037.0012b01.01ཚ་བ་མི་མངའ་བར་སེང་གེའི་ང་རོ་ཆེན་པོ་སྒྲོག་པ་དང་། འཇིགས་པ་{མྱེད་,མེད་}པ་ཆེན་པོས་བསྙེངས་པ་མི་མངའ་པར་གྱུར་པ་དང་། ཆོས་ཀྱི་དབྱིངས་མ་ལུས་པ་ཐམས་ཅད་དུ་སེམས་ཅན་ཐམས་ཅད་ལ་གྲག་ཅིང་གསལ་ཏེ། ཁོང་དུ་ཆུད་པར་འགྱུར་བ་
D44.037.0012b02.01དང་། སེམས་ཅན་བསམ་པ་ཐ་དད་པ་དང་། དབང་པོ་ཐ་དད་པ་རྣམ་པ་སྣ་ཚོགས་འདུལ་བར་ཉེ་བར་གནས་པ་འདི་ནི་སངས་རྒྱས་བཅོམ་ལྡན་འདས་རྣམས་ཀྱི་གསུང་གི་རྒྱན་མཆོག་དམ་པ་བླ་ན་མེད་པའོ། །སངས་རྒྱས་བཅོམ་ལྡན་འདས་རྣམས་ཀྱི་
D44.037.0012b03.01ཐུགས་ཀྱི་ཕྲིན་ལས་ནི་སྟོབས་བཅུས་བརྒྱན་པ་སངས་རྒྱས་ཀྱི་ཏིང་ངེ་འཛིན་ཆེན་པོ་ཐམས་ཅད་ཀྱི་མེ་ཏོག་ཤིན་ཏུ་རྒྱས་པ་སངས་རྒྱས་ཀྱི་ཆོས་མ་འདྲེས་པ་{བཅྭོ་,བཅོ་}བརྒྱད་ཀྱི་རྒྱན་གྱིས་ཤིན་ཏུ་བརྒྱན་ཅིང་བསྒྲུབས་པས་ཆགས་པ་མེད་པའི་སྤྱོད་ཡུལ་དང་ལྡན་པ་ཆོས་ཀྱི་
D44.037.0012b04.01དབྱིངས་ཀྱི་གཞི་ལ་རབ་ཏུ་རྟེན་པ། སངས་རྒྱས་ཐམས་ཅད་ཀྱི་ཆོས་གཏིང་མེད་པ་རབ་ཏུ་བརྙེས་པ། ཆོས་ཀྱི་དབྱིངས་མ་ལུས་པ་ཐམས་ཅད་ཀྱི་རྒྱན་དུ་གྱུར་པ། དུས་གསུམ་གྱི་ཆོས་ཀྱི་དབྱིངས་མ་ལུས་པ་ཐམས་ཅད་ཀྱི་སེམས་ཅན་ཀུན་གྱི་
D44.037.0012b05.01སེམས་དང་སྤྱོད་པ་ཐམས་ཅད་སྐད་ཅིག་གཅིག་དང་ལྡན་པའི་ཤེས་རབ་ཀྱིས་རབ་ཏུ་མཁྱེན་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཐུགས་ཀྱི་རྒྱན་མཆོག་དམ་པ་བླ་ན་མེད་པའོ། །སངས་རྒྱས་བཅོམ་ལྡན་འདས་རྣམས་ནི་འོད་ཟེར་
D44.037.0012b06.01བྱེ་བ་བརྗོད་དུ་མེད་པ་རབ་ཏུ་འགྱེད་པར་མཛད་དེ། འོད་ཟེར་དེ་དག་རེ་རེ་ལ་ཡང་འོད་ཟེར་གྱི་འཁོར་གྱི་དྲ་བ་བརྗོད་དུ་མེད་པ་དང་ལྡན་པ། སངས་རྒྱས་ཀྱི་ཞིང་འབྱམ་ཀླས་པ་ཐམས་ཅད་མ་ལུས་པར་སྣང་བར་བྱེད་ཅིང་འཇིག་རྟེན་གྱི་ཁམས་ཀྱི་རྒྱུད་ཐམས་
D44.037.0012b07.01