完整藏文原文 · 德格版页 当前仅加载第 37 函德格 345b 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་གྱི་ལམ་རྣམ་པ་ཐ་དད་པ་དང་། སེམས་ཅན་གྱི་སྐྱེས་གནས་རྣམ་པ་ཐ་དད་པ་དང་། སེམས་ཅན་གྱི་ཚོགས་རྣམ་པ་ཐ་དད་པ་དང་། སེམས་ཅན་གྱི་དགེ་བའི་རྩ་བའི་རྒྱུད་རྣམ་པ་ཐ་དད་པ་དང་། སེམས་ཅན་གྱི་ལམ་གྱི་རྒྱུད་རྣམ་པ་ཐ་དད་པ་དང་། སེམས་ཅན་གྱི་བསམ་པའི་རྒྱུད་རྣམ་པ་ཐ་དད་པ་དང་།
D44.037.0345b01.01སེམས་ཅན་གྱི་མོས་པའི་རྒྱུད་རྣམ་པ་ཐ་དད་པ་དང་། སེམས་ཅན་གྱི་དབང་པོའི་རྒྱུད་རྣམ་པ་ཐ་དད་པ་དང་། དུས་ཀྱི་རྒྱུད་རྣམ་པ་ཐ་དད་པ་དང་། སེམས་ཅན་གྱི་ལས་ཀྱི་བྱེ་བྲག་རྣམ་པ་ཐ་དད་པ་དང་། སེམས་ཅན་གྱི་ལས་མི་མཐུན་པ་རྣམ་པར་ཐ་དད་པ་དང་།
D44.037.0345b02.01སེམས་ཅན་གྱི་འཇིག་རྟེན་རྣམ་པར་དབྱེ་བ་རྣམ་པ་ཐ་དད་པ་དང་། སེམས་ཅན་གྱི་ཚུལ་ལམ་དང་སྤྱོད་པ་རྣམ་པ་ཐ་དད་པ་ལ་རྣམ་པར་སྤྱོད་པ་དང་། སེམས་ཅན་རྒྱ་མཚོ་བསམ་པ་དང་སྦྱོར་བའི་རྣམ་པ་ཐ་དད་པ་དང་དབང་པོ་མི་མཐུན་པ་སྣ་ཚོགས་རྣམ་པར་དག་པ་དང་།
D44.037.0345b03.01ཉོན་མོངས་པ་དང་། བག་ཆགས་སྣ་ཚོགས་བག་ལ་ཉལ་བར་གྱུར་པའི་སེམས་ཅན་འབྱམ་ཀླས་པ་རྣམས་ལ་སངས་རྒྱས་ཀྱི་རྣམ་པར་འཕྲུལ་པ་རྣམ་པ་སྣ་ཚོགས་ཡོངས་སུ་བསྟན་པ་དང་། ཡུལ་སྣ་ཚོགས་ཀྱི་ངེས་པའི་ཚིག་དང་། དབྱངས་ཀྱི་ཡན་ལག་དང་གསུང་
D44.037.0345b04.01རྣམ་པ་སྣ་ཚོགས་སུ་བསྒྲུབས་པ་དང་། མདོ་སྡེ་སྣ་ཚོགས་ཀྱི་ཚུལ་རབ་ཏུ་བརྗོད་པ་དང་། གཟུངས་ཀྱི་སྒོ་རྣམ་པ་ཐ་དད་པའི་རྒྱུད་དང་སོ་སོ་ཡང་དག་པར་རིག་པའི་ཚུལ་གྱི་གཞུང་སྣ་ཚོགས་དང་། འཕགས་པའི་བདེན་པའི་མིང་རྒྱ་མཚོའི་རྒྱུད་རྣམ་པ་སྣ་ཚོགས་
D44.037.0345b05.01དང་། སངས་རྒྱས་ཀྱི་ཁྱུ་མཆོག་དང་སེང་གེའི་ང་རོ་རབ་ཏུ་བསྒྲགས་པ་དང་། སེམས་ཅན་གྱི་དགེ་བའི་རྩ་བ་སྣ་ཚོགས་བསྟན་པའི་ཆོ་འཕྲུལ་ཡོངས་སུ་བསྟན་པ་དང་། དྲན་པའི་སྒོ་སྣ་ཚོགས་ཅན་ཤིན་ཏུ་བསྟན་པའི་རྣམ་པར་འཕྲུལ་པ་དང་། བྱང་ཆུབ་སེམས་
D44.037.0345b06.01དཔའ་ལུང་བསྟན་པའི་སེང་གེའི་ང་རོ་སྣ་ཚོགས་དང་། དེ་བཞིན་གཤེགས་པའི་ཆོས་ཀྱི་འཁོར་ལོའི་མཐུ་ཕྱུང་བ་རྣམ་པ་སྣ་ཚོགས་ཀྱི་འཁོར་གྱི་དཀྱིལ་འཁོར་མཐའ་དང་དབུས་མེད་པ་མཐའ་ཡས་པར་རྣམ་པར་ཐ་དད་པ་ཕན་ཚུན་མཆོད་པ་དང་། རྣམ་པར་དག་པའི་འཁོར་
D44.037.0345b07.01