完整藏文原文 · 德格版页 当前仅加载第 37 函德格 27b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་རྣམས་སྡོམ་པ་ལ་དགོད་པ་མཛད་ཅིང་། ཡོངས་སུ་མྱ་ངན་ལས་འདའ་བ་སྟོན་པས་ཀྱང་། །སངས་རྒྱས་ཀྱི་ཕྲིན་ལས་རྒྱུན་མི་འཆད་དེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཕྲིན་ལས་དགུ་པའོ། །དེ་བཞིན་གཤེགས་
D44.037.0027b01.01པ་རྣམས་མྱ་ངན་ལས་འདའ་བའི་ཚེ། འཇིག་རྟེན་ཐམས་ཅད་ན་སེམས་ཅན་རྣམས་སྨྲེ་སྔགས་འདོན་ཅིང་ངུ་བ་དང་། མྱ་ངན་བྱེད་པ་དང་། མཆི་མ་འབྱིན་པ་དང་། ཡང་དག་པར་རྫོགས་པའི་སངས་རྒྱས་ཞེའམ། ཐུགས་རྗེ་ཆེན་པོ་ཞེའམ། དེད་
D44.037.0027b02.01དཔོན་ཆེན་པོ་ཞེའམ། ཕན་པར་བཞེད་པ་ཐུགས་བརྩེ་བ་ཅན་ཞེའམ། ལྷ་དང་བཅས་པའི་འཇིག་རྟེན་གྱི་སེམས་ཅན་ཐམས་ཅད་ཀྱི་སྐྱབས་སུ་གྱུར་པ། མགོན་དུ་གྱུར་པ། རྟེན་དུ་གྱུར་པ། བླ་ན་མེད་པ། བསོད་ནམས་ཀྱི་ཞིང་ནུབ་པར་གྱུར་
D44.037.0027b03.01ཏོ་ཞེའམ། སངས་རྒྱས་བཅོམ་ལྡན་འདས་རྣམས་ནི་འབྱུང་བར་དཀའ་འོ། །ཞེས་རྣམ་པ་དེ་ལྟ་བུར་སྨྲེ་སྔགས་འདོན་ཅིང་། མྱ་ངན་བྱེད་པ་དང་། སངས་རྒྱས་མཐོང་བ་རྗེས་སུ་དྲན་པའི་སེམས་ཅན་རྣམས་ཀྱི་བསམ་པ་དང་། ཡིད་ལ་བྱ་བ་དེ་
D44.037.0027b04.01དང་དེ་དག་གི་སྒོར་སངས་རྒྱས་ཀྱི་ཕྲིན་ལས་ཚད་མེད་པ་རྒྱུན་མི་འཆད་དོ། །སངས་རྒྱས་བཅོམ་ལྡན་འདས་རྣམས་ཡོངས་སུ་མྱ་ངན་ལས་འདའ་བའི་ཚེ། འདི་ལྟ་སྟེ། སེམས་ཅན་རྣམས་ཀྱི་སེམས་དང་པར་བྱ་བའི་དབང་དང་། སེམས་ཅན་རྣམས་
D44.037.0027b05.01དད་པས་མཆོད་པར་བྱ་བའི་དབང་དང་། སེམས་ཅན་རྣམས་ལྷག་པའི་བསམ་པ་རྣམ་པར་སྤྱོད་པར་བྱ་བའི་དབང་དང་། སེམས་ཅན་རྣམས་ཡོངས་སུ་སྨིན་པར་བྱ་བའི་དབང་དང་། སེམས་ཅན་རྣམས་ཡོངས་སུ་སྦྱང་བར་བྱ་བའི་དབང་དང་། སེམས་ཅན་རྣམས་གདུལ་བའི་དབང་དང་།
D44.037.0027b06.01སེམས་ཅན་རྣམས་ཀྱི་བསོད་ནམས་ཀྱི་ཚོགས་ཡོངས་སུ་རྫོགས་པར་བྱ་བའི་དབང་དང་། སེམས་ཅན་རྣམས་དེ་བཞིན་གཤེགས་པ་ལ་མཆོད་པས་དམིགས་པར་བྱ་བའི་དབང་དང་། དེ་བཞིན་གཤེགས་པའི་མཆོད་རྟེན་རྣམ་པ་སྣ་ཚོགས་སུ་བརྒྱན་པས། ཕྱོགས་དང་
D44.037.0027b07.01