完整藏文原文 · 德格版页 当前仅加载第 37 函德格 138b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་བའི་སྲས་ཆོས་གཅིག་ལ་ཆོས་ཐམས་ཅད་ཚད་མེད་པའི་ཚུལ་དུ་ཡིད་ལ་བྱའོ། །ཀྱེ་རྒྱལ་བའི་སྲས་ཡོན་ཏན་དེ་ལྟ་བུ་དང་ལྡན་པའི་བྱང་ཆུབ་སེམས་དཔས་ནི་ལས་གྲོན་ཆུང་ངུར་རང་འབྱུང་གི་ཡེ་ཤེས་དང་མངའ་བསྒྱུར་བ་འཐོབ་པར་འགྱུར་རོ། །དེ་ནས་
D44.037.0138b01.01བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས་དོན་དེ་ཉིད་ཡང་བརྟག་པར་བྱ་བའི་ཕྱིར། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རྒྱལ་བ་དེ་དག་ཐོས་མཐོང་མཆོད་པ་བྱས་པས་ཀྱང་། །ཚད་མེད་པ་ཡི་བསོད་ནམས་ཕུང་པོ་འཕེལ་
D44.037.0138b02.01བར་འགྱུར། །ཉོན་མོངས་འཁོར་བའི་སྡུག་བསྔལ་ཐམས་ཅད་སྤངས་གྱུར་དུ། །འདུས་བྱས་འདི་ནང་བར་མ་དོར་ནི་ཟད་{མྱི་,མི་}འགྱུར། །སྐྱེས་བུ་ལ་ལས་རྡོ་རྗེ་ཟོས་གྱུར་དེ་ལ་ནི། །ཞུ་བར་མི་འགྱུར་གདོན་མི་ཟ་བར་ཕྱིར་འབྱུང་འགྱུར། །དེ་
D44.037.0138b03.01བཞིན་སྟོབས་བཅུ་རྣམས་ལ་མཆོད་བྱས་བསོད་ནམས་ཀྱི། །ཡེ་ཤེས་རྡོ་རྗེས་ཉོན་མོངས་མ་ལུས་བཅོམ་པར་འགྱུར། །རྩྭ་སྐམ་སྤུངས་པ་རི་བོའི་མཆོག་ཙམ་ཡོང་གྱུར་ཀྱང་། །{མྱེ་,མེ་}མདག་ཡུངས་འབྲུ་ཙམ་གྱིས་དེ་ནི་འཚིག་འགྱུར་ཏེ། །དེ་
D44.037.0138b04.01བཞིན་བདེ་གཤེགས་མཆོད་པ་ཆུད་ཟད་ཅིག་བྱས་ཀྱང་། །ཉོན་མོངས་ཐམས་ཅད་ཚིག་བྱེད་མྱ་ངན་འདས་རྒྱུར་འགྱུར། །རི་བོ་ཁ་བ་ཅན་ལ་མཐོང་ལེགས་སྨན་ཡོད་དེ། །མཐོང་ཞིང་རེག་པས་ནད་རྣམས་ཐམས་ཅད་ཞི་བར་བྱེད། །དེ་བཞིན་སྟོབས་
D44.037.0138b05.01བཅུ་རྣམས་ནི་མཐོང་ངམ་ཐོས་ཀྱང་རུང་། །ཡོན་ཏན་ཀུན་ལྡན་སངས་རྒྱས་ཡེ་ཤེས་འཐོབ་པར་འགྱུར། །དེ་ནས་དེའི་ཚེ་སངས་རྒྱས་ཀྱི་མཐུས། ཕྱོགས་བཅུར་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་
D44.037.0138b06.01སྙེད་ཀྱི་འཇིག་རྟེན་གྱི་ཁམས་རྣམས་རྣམ་པ་དྲུག་དང་ལྟས་ཆེན་པོ་བཅོ་བརྒྱད་དུ་གཡོས་སོ། །རབ་ཏུ་གཡོས་སོ། །ཀུན་ཏུ་གཡོས་སོ། །འགུལ་ཏོ། །རབ་ཏུ་འགུལ་ཏོ། །ཀུན་ཏུ་འགུལ་ཏོ། །ལྡེག་གོ་རབ་ཏུ་ལྡེག་གོ །ཀུན་ཏུ་ལྡེག་གོ །ཆེམ་
D44.037.0138b07.01