完整藏文原文 · 德格版页 当前仅加载第 37 函德格 295a 版页；藏文 NFD、目录标记与异常页序保留在来源切片中，重复版页行以稳定序号区分。
དེས་ནི་འགྲོ་བའི་ཚོགས་ཆེན་པོ་སྤྱོད་ལམ་དང་ཆོ་ག་སྣ་ཚོགས་ཀྱིས་རྣམ་པར་སྤྱོད་པ། ཕྱོགས་ཐ་དད་དུ་མངོན་པར་བལྟས་པ། དབྱིབས་ཀྱི་རྣམ་པ་ཐ་དད་པ་ཁ་དོག་གི་རྣམ་པ་ཐ་དད་པ་དམིགས་པའི་ཚུལ་ཐ་དད་པ་ཐམས་
D44.037.0295a01.01ཅད་ཀྱང་མི་མཐོང་བ་མེད་དོ། །དེ་བཞིན་དུ་དེ་བཞིན་གཤེགས་པ་བྱང་ཆུབ་སེམས་དཔའི་ཚོགས་ཀྱི་འཁོར་མངའ་བ། རྣམ་པར་དག་ཅིང་ཆགས་པ་མི་མངའ་བའི་སྤྱན་དང་ལྡན་པས་འཇིག་རྟེན་ཐམས་ཅད་མཁྱེན་ཅིང་གཟིགས་ཏེ། སངས་རྒྱས་ཀྱི་ཏིང་ངེ་འཛིན་གྱི་
D44.037.0295a02.01རྣམ་པར་འཕྲུལ་པ་དང་ཆོ་འཕྲུལ་ཆེན་པོ་བསྟན་པ་མཛད་ཀྱང་། ཉན་ཐོས་ཆེན་པོ་དེ་དག་གིས་དེ་བཞིན་གཤེགས་པའི་ཡེ་ཤེས་དང་ཏིང་ངེ་འཛིན་གྱིས་རྣམ་པར་སྤྲུལ་པའི་ཆོ་འཕྲུལ་ཆེན་པོ་དེ་དག་མཐོང་བར་མ་གྱུར་ཏོ། །བྱང་ཆུབ་སེམས་དཔའ་
D44.037.0295a03.01ཆེན་པོའི་ཚོགས་ཆེན་པོ་དེ་ལྟ་བུ་ཡང་མཐོང་བར་མ་གྱུར་ཏོ། །འདི་ལྟ་སྟེ་དཔེར་ན། དགེ་སློང་ལ་ལ་ཞིག་སྐྱེ་བོ་མང་པོའི་ཚོགས་ཀྱི་དབུས་སུ་སས་ཁྱབ་པའི་ཏིང་ངེ་འཛིན་ལ་སྙོམས་པར་ཞུགས་པ་འམ། ཆུས་ཁྱབ་པའམ། མེས་ཁྱབ་པ་འམ། རླུང་གིས་
D44.037.0295a04.01ཁྱབ་པ་འམ། སྔོན་པོས་ཁྱབ་པའམ། སར་པོས་ཁྱབ་པ་འམ། དམར་པོས་ཁྱབ་པ་འམ། དཀར་པོས་ཁྱབ་པ་འམ། ལྷས་ཁྱབ་པ་འམ། སེམས་ཅན་སྣ་ཚོགས་ཀྱི་ལུས་ཀྱིས་ཁྱབ་པ་འམ། སྒྲ་དང་དབྱངས་ཀུན་གྱིས་ཁྱབ་པ་འམ། དམིགས་
D44.037.0295a05.01པ་ཐམས་ཅད་ཀྱིས་ཁྱབ་པའི་ཏིང་ངེ་འཛིན་ལ་སྙོམས་པར་ཞུགས་ན་འགྲོ་བ་མང་པོའི་ཚོགས་དེ་དག་གིས་ཆུའི་ཕུང་པོ་དེ་མི་མཐོང་ངོ་། །མེའི་སྣང་བ་དེ་ཡང་མི་མཐོང་ངོ་། །སེམས་ཅན་སྣ་ཚོགས་ཀྱི་ལུས་ཀྱིས་ཁྱབ་པ་དང་། དམིགས་པ་ཐམས་ཅད་ཀྱིས་ཁྱབ་པའི་བར་
D44.037.0295a06.01དུ་ཡང་མི་མཐོང་སྟེ། ཏིང་ངེ་འཛིན་དེ་ལ་སྙོམས་པར་ཞུགས་ཤིང་རྣམ་པར་སྤྱོད་པ་རྣམས་ནི་མ་གཏོགས་སོ། །དེ་བཞིན་དུ་དེ་བཞིན་གཤེགས་པས་སངས་རྒྱས་ཀྱི་ཏིང་ངེ་འཛིན་གྱི་ཡུལ་གྱི་རྣམ་པར་སྤྲུལ་པ་བསམ་གྱིས་མི་ཁྱབ་པ་དེ་དག་ཡོངས་སུ་བསྟན་
D44.037.0295a07.01