完整藏文原文 · 德格版页 当前仅加载第 37 函德格 242a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཐམས་ཅད་སྤང་ཞིང་དགེ་བའི་ཆོས་ཐམས་ཅད་ཡང་དག་པར་བསྡུ་བར་བྱ་བའི་ཕྱིར་ཡོངས་སུ་བསྔོ་བའི་རྣམ་པ་བཅུའི་རྗེས་སུ་འབྲང་བའི་བསོད་ནམས་ཀྱི་ཚོགས་དང་། འཇིག་རྟེན་གསུམ་གྱི་བསོད་ནམས་ཟིལ་གྱིས་གནན་པའི་ཕྱིར་ཤེས་རབ་
D44.037.0242a01.01དང་ཡེ་ཤེས་བསྟན་པའི་བསོད་ནམས་ཀྱི་ཚོགས་དང་། སེམས་ཅན་གྱི་ཁམས་ཐམས་ཅད་ཕ་རོལ་གྱི་མཐར་བསྒྲལ་བའི་ཕྱིར་ཡོངས་སུ་སྐྱོ་བ་མེད་པའི་བསོད་ནམས་ཀྱི་ཚོགས་དང་། ཡོངས་སུ་གཟུང་བ་ཐམས་ཅད་གཏང་བའི་ཕྱིར་ནང་དང་ཕྱིའི་དངོས་པོ་ཐམས་ཅད་
D44.037.0242a02.01ཡོངས་སུ་གཏོང་བའི་བསོད་ནམས་ཀྱི་ཚོགས་དང་། བརྩོན་འགྲུས་ཆེན་པོ་བརྩམ་པས་སེམས་ཀྱི་སྒོ་གཏན་འབྱེད་ཅིང་མཆོད་སྦྱིན་རབ་ཏུ་བྱ་བའི་ཕྱིར་མཚན་དང་དཔེ་བྱད་བཟང་པོ་ཡོངས་སུ་རྫོགས་པར་བྱ་བའི་བསོད་ནམས་ཀྱི་ཚོགས་དང་། ཐབས་དང་ཚུལ་
D44.037.0242a03.01དང་འཐད་པས་ཡོངས་སུ་གཟུང་བའི་ཕྱིར་དགེ་བའི་རྩ་བ་རབ་འབྲིང་དང་ཐ་མས་རློམ་སེམས་མེད་པའི་ཡོངས་སུ་བསྔོ་བའི་བསོད་ནམས་ཀྱི་ཚོགས་དང་། སྐྱེས་བུ་དམ་པའི་རྣམ་པར་གནོན་པ་ཡོངས་སུ་བསྟན་པའི་ཕྱིར་ཡང་དག་པ་དང་། ལོག་པར་ངེས་པ་དང་
D44.037.0242a04.01ཉམས་དམའ་ཞིང་དགེ་བའི་རྩ་བ་མ་བསགས་པ་རྣམས་ལ་བརྙས་པ་མེད་ཅིང་སྙིང་རྗེ་ཆེན་པོ་དང་ལྡན་པའི་བསོད་ནམས་ཀྱི་ཚོགས་དང་། ལྷག་པའི་བསམ་པ་བརྟན་པས་ཡོངས་སུ་སྐྱོང་བའི་ཕྱིར་དེ་བཞིན་གཤེགས་པ་ཐམས་ཅད་ལ་མཆོད་ཅིང་རིམ་གྲོ་བྱ་བ་དང་། བྱང་ཆུབ་
D44.037.0242a05.01སེམས་དཔའ་ཐམས་ཅད་ལ་སྟོན་པ་ལྟར་དབེན་པར་སེམས་པ་དང་། སེམས་ཅན་ཐམས་ཅད་ཀྱི་བྱ་བ་ཅི་ཡོད་པ་བྱེད་པ་ལ་བརྩོན་པའི་བསོད་ནམས་ཀྱི་ཚོགས་དང་། ཀྱེ་རྒྱལ་བའི་སྲས་དགེ་བའི་རྩ་བ་བསྐལ་པ་གྲངས་མེད་པར་བསགས་ཤིང་ཡོངས་སུ་བསྡུས་
D44.037.0242a06.01ཏེ། ལག་པའི་མཐིལ་དུ་ཕྱིན་ཅིང་བདག་ལ་དབང་ཡོད་པར་གྱུར་པའི་བྱང་ཆུབ་ཀྱང་། སེམས་ཅན་ལ་ལ་ཞིག་ལ་ཡོངས་སུ་བཏང་སྟེ། བྱིན་ན་མི་དགའ་བ་མེད་ལ་འགྱོད་པ་མེད་ཅིང་དེ་བཞིན་དུ་སེམས་ཅན་མ་ལུས་པ་ཐམས་ཅད་ལ་ཡང་རང་ལ་དབང་ཡོད་པར་ཡོངས་སུ་
D44.037.0242a07.01