完整藏文原文 · 德格版页 当前仅加载第 37 函德格 57a 版页；藏文 NFD、目录标记与异常页序保留在来源切片中，重复版页行以稳定序号区分。
འོད་ཟེར་གཅིག་ཡོན་ཏན་ཡོངས་སུ་དག་པའི་འོད་ཅེས་བྱ་སྟེ། དེ་ནི་འཇིག་རྟེན་གྱི་ཁམས་སངས་རྒྱས་ཀྱི་ཞིང་བྱེ་བ་ཁྲག་ཁྲིག་གི་རྡུལ་ཤིན་ཏུ་ཕྲ་བ་སྙེད་སྣང་བར་བྱེད་དོ། །ཡུལ་ཇི་ལྟ་བ་དང་བསམ་པ་ཇི་ལྟ་བ་དང་། ཡོངས་སུ་སྨིན་
D44.037.0057a01.01པའི་ཁྱད་པར་ཇི་ལྟ་བ་བཞིན་དུ། མནར་མེད་པའི་སེམས་ཅན་དམྱལ་བ་ཆེན་པོའི་སེམས་ཅན་རྣམས་ཀྱང་སྣང་བར་བྱེད་དེ། དེ་དག་དེ་ནས་ཤི་འཕོས་ནས་དགའ་ལྡན་གྱི་ལྷ་དང་སྐལ་བ་མཉམ་པར་སྐྱེའོ། །དེ་དག་དེར་སྐྱེས་ནས་ཀྱང་ལྷའི་རྔའི་སྒྲ་ལས། ཀྱེ་བཙུན་པ་
D44.037.0057a02.01ལྷའི་སྲས་པོ་དག་ལེགས་ཀྱིས་བྱང་ཆུབ་སེམས་དཔའ་རྣམ་པར་སྣང་མཛད་དེ་ཉིད་ལ་ཕྱག་འཚོལ་ཅིག །བྱང་ཆུབ་སེམས་དཔའ་རྣམ་པར་སྣང་མཛད་ནི་འདི་ཡིན་ཏེ། དྲི་མ་དང་བྲལ་བ་ཞེས་བྱ་བའི་ཏིང་ངེ་འཛིན་ལ་མཉམ་པར་བཞག་ཅིང་བཞུགས་སོ་ཞེས་བྱ་བའི་
D44.037.0057a03.01སྒྲ་ཐོས་པར་འགྱུར་རོ། །དེ་ནས་ལྷའི་བུ་དེ་དག་རྔ་དེས་བསྐུལ་བ་དང་། ཡིད་དུ་འོང་བའི་སྒྲ་འདི་ལྟ་བུ་གང་ནས་བྱུང་ཞེས་ངོ་མཚར་དུ་འཛིན་པར་འགྱུར་རོ། །དེ་ནས་ཡང་རྔ་དེ་ཉིད་ལས་སྒྲ་འདི་སྐད་དུ་འབྱུང་བར་འགྱུར་ཏེ། ལྷའི་སྲས་པོ་དག་བདག་ནི་ལྷའི་རྔ་ཞེས་བྱ་
D44.037.0057a04.01བ་སྟེ། དགེ་བའི་རྩ་བའི་སྟོབས་དང་ཤུགས་ཀྱིས་གྲུབ་པའོ། །ལྷའི་སྲས་པོ་དག་འདི་ལྟ་སྟེ། དཔེར་ན། ལྷའི་རྔ་ཁོ་བོ་ནི་བདག་ཅེས་བྱ་བའི་སྒྲ་རྗོད་ཀྱང་བདག་ལ་བདག་ཏུ་བྱ་བ་རྒྱུ་བ་མེད་དོ། །ལྷའི་སྲས་པོ་དག་དེ་བཞིན་དུ་སངས་རྒྱས་བཅོམ་ལྡན་འདས་རྣམས་
D44.037.0057a05.01ཀྱང་ང་ནི་སངས་རྒྱས་ཞེས་གསུང་སྟེ། དེ་དག་ལ་བདག་ཏུ་བྱ་བ་མི་མངའ་འོ། །བདག་གིར་བྱ་བ་མི་མངའ་འོ། །ལྷའི་སྲས་པོ་དག་འདི་ལྟ་སྟེ་དཔེར་ན། བདག་གི་སྒྲ་ནི་ཤར་ཕྱོགས་ནས་ཀྱང་མ་འོངས། ལྷོ་ཕྱོགས་ནས་ཀྱང་མ་ཡིན། ནུབ་ཕྱོགས་ནས་ཀྱང་མ་ཡིན།
D44.037.0057a06.01བྱང་ཕྱོགས་ནས་ཀྱང་མ་ཡིན་ཏེ། ཕྱོགས་བཅུ་ཀུན་ནས་ཀྱང་འོངས་པ་མེད་དོ། །ལྷའི་སྲས་པོ་དག་དེ་བཞིན་དུ་སངས་རྒྱས་བཅོམ་ལྡན་འདས་རྣམས་ཀྱི་ཕྲིན་ལས་རྣམ་པར་སྨིན་པ་ཡང་ཤར་ཕྱོགས་ནས་མ་འོངས། ལྷོ་ཕྱོགས་ནས་མ་ཡིན། ནུབ་ཕྱོགས་ནས་མ་ཡིན།
D44.037.0057a07.01