完整藏文原文 · 德格版页 当前仅加载第 37 函德格 351a 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་བར་བྱེད་ཅིང་ཆོས་ཀྱི་ནོར་གྱིས་དབུལ་བའི་སེམས་ཅན་རྣམས་ལ་ཕན་གདགས་པ་དང་། སྡུག་བསྔལ་བའི་སེམས་ཅན་རྣམས་བདེ་བར་བྱ་བ་དང་། ལོག་པར་ལྟུང་བའི་སེམས་ཅན་རྣམས་མངོན་པར་གདོན་པ་དང་།
D44.037.0351a01.01ཐེག་པའི་གྲུ་ལ་ཉམ་ཉེས་སུ་གྱུར་པའི་སེམས་ཅན་རྣམས་དབུགས་དབྱུང་བ་དང་། འཇིགས་པའི་སེམས་ཅན་རྣམས་ཡོངས་སུ་བསྐྱབ་པ་དང་། དགེ་བའི་རྩ་བའི་སྒྲ་ཀུན་ཏུ་གྲགས་པར་བྱ་བ་དང་། སྡིག་པ་ལས་བཟློག་པའི་སྒྲ་ཡོངས་སུ་བསྒྲག་པ་དང་།
D44.037.0351a02.01དགེ་བའི་ཆོས་ཡང་དག་པར་བླང་བ་ལ་སེམས་ཅན་གཟུང་བ་དང་། དོན་སྤྱོད་པ་ལ་སེམས་ཅན་དགོད་པ་དང་། དགའ་བའི་ཤུགས་ཡོངས་སུ་བསྐྱེད་པ་དང་། སྙན་པར་སྨྲ་བའི་བསྡུ་བའི་དངོས་པོ་ཡོངས་སུ་བརྗོད་པ་དང་། འཇིག་རྟེན་ལ་དོན་
D44.037.0351a03.01མཐུན་པར་བསྒྲུབ་པ་སྟོན་པར་བྱེད་ཅིང་ཕྱོགས་བཅུ་རྒྱས་པར་བཀང་སྟེ་འདོང་བ་མཐོང་ངོ་། །ལྟེ་བའི་དཀྱིལ་འཁོར་ནས་དྲང་སྲོང་མང་པོ་འགྲོ་བ་ཐམས་ཅད་ཀྱི་ལུས་ཀྱི་དབྱིབས་སུ་འཁོད་པ། པགས་པ་དང་ཤུན་པའི་གོས་གྱོན་པ་རིལ་བ་ཐོགས་པ།
D44.037.0351a04.01གཟུགས་དང་ཆ་བྱད་དང་དབྱིབས་སྣ་ཚོགས་ཅན་སྤྱོད་ལམ་རབ་ཏུ་ཞི་བ་དག་བྱུང་བས། སྟེང་གི་བར་སྣང་ལས་སངས་རྒྱས་ཀྱི་ཡོན་ཏན་བརྗོད་པ་བྱེད་ཅིང་། ཆོས་ཀྱི་སྒྲ་ཡོངས་སུ་བསྒྲག་པ་དང་། སངས་རྒྱས་ཀྱི་སྒྲ་བརྗོད་པ་དང་། བྱང་ཆུབ་
D44.037.0351a05.01སེམས་དཔའི་དགེ་འདུན་ཡོངས་སུ་བསྟན་པ་དང་། ཚངས་པའི་སྤྱོད་པ་ཡོངས་སུ་བརྗོད་པ་དང་། དབང་པོ་དབེན་པ་ལ་སེམས་ཅན་དགོང་པ་དང་། རང་བཞིན་མེད་པའི་དོན་རབ་ཏུ་བརྟག་པ་དང་། ཡེ་ཤེས་ཀྱི་དོན་ལ་འཇིག་རྟེན་རབ་ཏུ་དགོད་པ་དང་།
D44.037.0351a06.01འཇིག་རྟེན་གྱི་གཙུག་ལག་གི་རྣམ་པ་ཡོངས་སུ་བརྗོད་པ་དང་། ཐམས་ཅད་མཁྱེན་པའི་ཡེ་ཤེས་ཀྱིས་འབྱུང་བའི་ལམ་གྱི་ཚུལ་རབ་ཏུ་བསྟན་པ་དང་། མཐར་གྱིས་བྱ་བའི་ལས་ལ་སེམས་ཅན་རབ་ཏུ་དགོད་པ་བྱེད་ཅིང་། ཕྱོགས་བཅུ་བཀང་སྟེ་འདོང་བ་
D44.037.0351a07.01