完整藏文原文 · 德格版页 当前仅加载第 37 函德格 369b 版页；藏文 NFD、目录标记与异常页序保留在来源切片中，重复版页行以稳定序号区分。
པའོ། །རིགས་ཀྱི་བུ་མངོན་པར་ཤེས་པའི་སྟོབས་ཀྱིས་ཞིང་ཐམས་ཅད་དུ་སེམས་ཅན་རྣམས་ཀྱི་བསམ་པ་དང་། མོས་པ་ཅི་ལྟ་བ་བཞིན་དུ་འོད་ཀྱི་དྲ་བའི་འཁོར་ལོ་མངོན་པར་བསྒྲུབ་པས་བྱང་ཆུབ་སེམས་དཔའ་རྣམས་ནི་ཚད་མེད་པའོ། །རིགས་ཀྱི་
D44.037.0369b01.01བུ་སོ་སོ་ཡང་དག་པར་རིག་པའི་སྟོབས་ཀྱིས་ཚིག་གཅིག་བརྗོད་ཀྱང་འགྲོ་བ་ཐམས་ཅད་ཤིན་ཏུ་ཚིམ་པར་བྱེད་པས། བྱང་ཆུབ་སེམས་དཔའ་རྣམས་ནི་ཚད་མེད་པའོ། །རིགས་ཀྱི་བུ་ལུས་རྣམ་པར་དག་པས། སངས་རྒྱས་ཀྱི་ཞིང་
D44.037.0369b02.01ཐམས་ཅད་རང་གི་ལུས་ཀྱིས་རྒྱས་པར་འགེངས་པས། བྱང་ཆུབ་སེམས་དཔའ་རྣམས་ནི་ཚད་མེད་པའོ། །ནོར་{བཟངས་ཀྱིས་,བཟང་གིས་}སྨྲས་པ། འཕགས་མ་ཁྱོད་ཇི་སྲིད་ཅིག་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་
D44.037.0369b03.01པར་འཚང་རྒྱ་བར་འགྱུར། །སྨྲས་པ་རིགས་ཀྱི་བུ་འདི་ལྟ་སྟེ། སེམས་ཅན་གཅིག་ཅིག་ལ་དམིགས་ཤིང་གདུལ་བར་བྱ་བ་དང་། སྨིན་པར་བྱ་བའི་ཕྱིར། བྱང་ཆུབ་སེམས་དཔའ་རྣམས་ཀྱི་སེམས་བྱང་ཆུབ་ཏུ་སྐྱེ་བ་མ་ཡིན་ཏེ། སེམས་
D44.037.0369b04.01ཅན་བརྒྱའི་ཕྱིར་མ་ཡིན། སེམས་ཅན་སྟོང་གི་ཕྱིར་མ་ཡིན། སེམས་ཅན་བརྒྱ་ཕྲག་སྟོང་གི་ཕྱིར་མ་ཡིན། སེམས་ཅན་བྱེ་བའི་ཕྱིར་མ་ཡིན། སེམས་ཅན་བྱེ་བ་བརྒྱའི་ཕྱིར་མ་ཡིན། སེམས་ཅན་བྱེ་བ་སྟོང་གི་ཕྱིར་མ་ཡིན། སེམས་ཅན་བྱེ་བ་བརྒྱ་ཕྲག་སྟོང་གི་ཕྱིར་མ་ཡིན་ཏེ།
D44.037.0369b05.01སེམས་ཅན་བྱེ་བ་ཁྲག་ཁྲིག་བརྒྱ་ཕྲག་སྟོང་གི་དོན་དུ། བྱང་ཆུབ་སེམས་དཔའ་རྣམས་ཀྱི་སེམས་བྱང་ཆུབ་ཏུ་སྐྱེ་བ་མ་ཡིན་ནོ། །སེམས་ཅན་ཐམས་ཐམས་ཅད་ཀྱི་ཕྱིར་མ་ཡིན། སེམས་ཅན་ཁྲག་ཁྲིག་གི་ཕྱིར་མ་ཡིན། །སེམས་ཅན་གང་
D44.037.0369b06.01ཡའི་ཕྱིར་མ་ཡིན། སེམས་ཅན་བན་བུན་གྱི་ཕྱིར་མ་ཡིན། སེམས་ཅན་ཕྱར་ཕྱུར་གྱི་ཕྱིར་མ་ཡིན། སེམས་ཅན་བྱང་བྱིང་གི་ཕྱིར་མ་ཡིན། སེམས་ཅན་ཉེར་འཇལ་གྱི་ཕྱིར་མ་ཡིན། སེམས་ཅན་ཕྱལ་ཕྱོལ་གྱི་ཕྱིར་མ་ཡིན།
D44.037.0369b07.01