完整藏文原文 · 德格版页 当前仅加载第 37 函德格 59b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་མགོ་བྱིན་གྱིས་རློབས་ཤིག །སེམས་ཅན་གྱི་ཁམས་དང་མཉམ་པའི་མ་གོས་སེམས་ཅན་གྱི་ཁམས་དང་མཉམ་པའི་ལྕེ་བྱིན་གྱིས་རློབས་ཤིག །སེམས་ཅན་གྱི་ཁམས་དང་མཉམ་པའི་ལྕེས་སྒྲིབ་པ་དེ་དག་ཉེས་པ་ལ་ཉེས་པར་ཤོགས་ཤིག །
D44.037.0059b01.01དེ་སྐད་ཅེས་བརྗོད་པ་དང་། ལྷའི་བུ་དེ་དག་ངོ་མཚར་དང་རྨད་དུ་གྱུར་ཏེ། རབ་ཏུ་དགའ་ཞིང་སེམས་བདེ་བར་གྱུར་ནས། ཡང་ལྷའི་རྔ་དེ་ལས་བྱང་ཆུབ་སེམས་དཔའ་རྣམས་སྡིག་པ་འཆགས་པའི་རྣམ་པ་ཇི་ལྟ་བུ་ཞིག་ཡོད་ཅེས་ཕྱིར་འདྲིའོ། །དེ་ནས་
D44.037.0059b02.01ལྷའི་རྔ་དེ་བྱང་ཆུབ་སེམས་དཔའ་དེའི་ཏིང་ངེ་འཛིན་གྱི་བྱིན་གྱི་རླབས་དང་། ལྷའི་བུ་དེ་དག་གི་དགེ་བའི་རྩ་བའི་སྟོབས་དང་། བྱིན་གྱི་རླབས་ཀྱིས་རྣམ་པ་འདི་ལྟ་བུའི་སྒྲ་འབྱིན་ཏོ། །ལྷའི་སྲས་པོ་དག་ལས་ནི་ཤར་ཕྱོགས་ནས་མ་འོངས་ཏེ། སེམས་
D44.037.0059b03.01ལ་གནས་པ་མ་ཡིན། འདུག་པ་མ་ཡིན། ཚོགས་སུ་བསྩགས་པ་མ་ཡིན། ཕུང་པོར་གྱུར་པ་མ་ཡིན་ཏེ། ལྷོ་ཕྱོགས་ནས་མ་ཡིན། ནུབ་ཕྱོགས་ནས་མ་ཡིན། བྱང་ཕྱོགས་ནས་མ་ཡིན། ལས་དེ་ནི་ཕྱོགས་བཅུ་ཀུན་ནས་ཀྱང་འོངས་ཏེ་གནས་
D44.037.0059b04.01པ་མ་ཡིན་ནོ། །དེ་ལྟར་དེ་ནི་བྱང་ཆུབ་སེམས་དཔས་ཕྱིན་ཅི་ལོག་ལས་བྱུང་བ་སྟེ། གནས་{མྱེད་,མེད་}པར་ཡང་དག་པར་ཤེས་པས། དེའི་ཕྱིར་དེ་ལ་འགྱོད་པ་མེད་དོ། །ལྷའི་སྲས་པོ་དག་འདི་ལྟ་སྟེ་དཔེར་ན། ལྷའི་རྔ་བདག་ནི་ལས་ཀྱི་རྣམ་པར་སྨིན་
D44.037.0059b05.01པ་ཇི་ལྟ་བ་དང་། སྤྱོད་པ་ཇི་ལྟ་བ་དང་། ཚུལ་ཁྲིམས་ཇི་ལྟ་བ་དང་། དགའ་བ་ཇི་ལྟ་བ་དང་། ཤིན་ཏུ་བྱང་བ་ཇི་ལྟ་བ་དང་། ཏིང་ངེ་འཛིན་ཇི་ལྟ་བ་བཞིན་དུ་བདག་ཅེས་བརྗོད་དོ། །ལྷའི་སྲས་པོ་དག་དེ་བཞིན་དུ་སངས་རྒྱས་བཅོམ་ལྡན་འདས་
D44.037.0059b06.01རྣམས་དང་། བྱང་ཆུབ་སེམས་དཔའ་རྣམས་ཀྱང་བདག་ཅེས་བྱ་བའམ། བདག་གི་ཞེས་བྱ་བ་འམ། སེམས་ཅན་ཞེས་བྱ་བར་གསུང་རྗོད་ཅིང་འདོད་ཆགས་དང་ཞེ་སྡང་དང་གཏི་མུག་དང་། ལས་དང་བྱ་བའི་གསུང་ཡང་རྗོད་དེ། ལྷའི་སྲས་པོ་
D44.037.0059b07.01