完整藏文原文 · 德格版页 当前仅加载第 37 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
པས་ཕྱེ་སྟེ། སེམས་ཀྱི་སྤྲུལ་འདོད་པ་དང་། འཁྲུག་པ་དང་། ཉོན་མོངས་པའི་རྙོག་པ་ཅན་མངོན་པར་བླང་ཞིང་འབྱུང་བའི་ཕྱིར། ནམ་མཁའ་ལྡིང་གི་དབང་པོ་ཆེན་པོའི་རྣམ་པར་བསྒྱིངས་པ་དང་། འཇིགས་པ་དང་བག་ཚ་བ་ཐམས་ཅད་མེད་ཅིང་ཡེ་ཤེས་ཆེན་པོ་མཉམ་པ་
D44.037.0234b01.01ཉིད་ཀྱི་སྡེར་མོས་ངན་པར་ཚོགས་པའི་ཕས་ཀྱི་རྒོལ་བ་ཐམས་ཅད་རབ་ཏུ་གཞོམ་པའི་ཕྱིར་སེང་གེ་ཆེན་པོའི་རྣམ་པར་བསྒྱིངས་པ་དང་། འདོད་པ་དང་། འཁྲུག་པ་དང་ཉོན་མོངས་པའི་རྙོག་པའི་དགྲ་གནོད་པར་སེམས་པ་གདུལ་དཀའ་བ་ཐམས་ཅད་དབུས་ནས་གཞོམ་པའི་ཕྱིར་དཔའ་བོའི་
D44.037.0234b02.01རྣམ་པར་བསྒྱིངས་པ་དང་། ཕུང་པོ་དང་ཁམས་དང་སྐྱེ་མཆེད་དང་རྟེན་ཅིང་འབྲེལ་བར་འབྱུང་བ་ཐམས་ཅད་རབ་ཏུ་རྟོགས་པར་བྱེད་པའི་ཡེ་ཤེས་ཀྱིས་ཆོས་ཐམས་ཅད་ཀྱི་དབང་ཕྱུག་ཡང་དག་པར་བསྟན་པའི་ཕྱིར་ཡེ་ཤེས་ཀྱི་རྣམ་པར་བསྒྱིངས་པ་དང་། དྲན་པ་དང་
D44.037.0234b03.01བློ་གྲོས་དང་རྟོགས་པས་ཐོས་པ་ཐམས་ཅད་ཡོངས་སུ་བཟུང་སྟེ། མི་བརྗེད་པར་བཞག་པས་སེམས་ཅན་གཞན་གྱི་དབང་པོའི་རྒྱུད་དུ་ཕྱིན་པར་བྱ་བའི་ཕྱིར་གཟུངས་ཀྱི་རྣམ་པར་བསྒྱིངས་པ་དང་། མྱུར་ཞིང་མགྱོགས་ལ་དྲག་ཅིང་ཐོགས་པ་མེད་པ་དང་།
D44.037.0234b04.01ཆགས་པ་མེད་པར་ཚིག་ཐམས་ཅད་རབ་ཏུ་ཕྱེ་སྟེ་བསྟན་པས་སེམས་ཅན་ཐམས་ཅད་ཚིམ་པར་བྱེད་ཅིང་། དོན་ཡོད་ལ་རྨོངས་པ་མེད་པའི་སྤོབས་པ་དང་ལྡན་པས་སྤོབས་པའི་རྣམ་པར་བསྒྱིངས་པ་དང་། སེང་གེའི་ཁྲི་དམ་པའི་སྟེང་དུ་ཕྱིན་ཏེ། བདུད་ཀྱི་རྒོལ་བ་
D44.037.0234b05.01ཐམས་ཅད་བཅོམ་ནས་ཐམས་ཅད་མཁྱེན་པའི་ཡེ་ཤེས་ཀྱི་ཚོགས་ཡོངས་སུ་རྒྱས་པའི་ཕྱིར་སེམས་ཀྱི་སྐད་ཅིག་གཅིག་དང་ལྡན་པའི་ཤེས་རབ་ཀྱིས་གང་འཐོབ་པར་བྱ་བ་དེ་ཐམས་ཅད་དུ་འདི་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་
D44.037.0234b06.01འཚང་རྒྱ་བས་སངས་རྒྱས་ཀྱི་རྣམ་པར་བསྒྱིངས་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་རྣམ་པར་བསྒྱིངས་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་ཆོས་ཐམས་ཅད་ལ་དབང་བསྒྱུར་བའི་རྣམ་པར་
D44.037.0234b07.01