完整藏文原文 · 德格版页 当前仅加载第 37 函德格 315b 版页；藏文 NFD、目录标记与异常页序保留在来源切片中，重复版页行以稳定序号区分。
ཟེར་གྱི་དྲ་བའི་དཀྱིལ་འཁོར་མང་པོ་བཀྱེ་བ། སངས་རྒྱས་ཀྱི་ཆོས་ཐམས་ཅད་རབ་ཏུ་སྒྲོག་ཅིང་སྤྱི་བོར་འཆར་བ་ལ་ལྟོས་ཤིག་ཅེས་དེ་དག་ལ་སོགས་པ་ཚེ་དང་ལྡན་པ་ཤཱ་རིའི་བུས། འཇམ་དཔལ་གཞོན་ནུར་གྱུར་པ་ལམ་དུ་ཞུགས་པའི་ཡོན་ཏན་གྱི་རྒྱན་ཚད་མེད་པ་དག །
D44.037.0315b01.01དགེ་སློང་དེ་དག་ལ་ཡོངས་སུ་བསྟན་ཏོ། །བརྗོད་དོ་བཤད་དོ། །སྨོས་སོ། །བཀྲོལ་ལོ། །རབ་ཏུ་བརྗོད་དོ། །རྣམ་པར་ཕྱེའོ། །གསལ་བར་བྱས་སོ། །དེ་ལྟར་གནས་བརྟན་ཤཱ་རིའི་བུས་འཇམ་དཔལ་གཞོན་ནུར་གྱུར་པའི་ཡོན་ཏན་ཅི་ཙམ་ཅི་ཙམ་དུ་བརྗོད་པ་དེ་ཙམ་དེ་ཙམ་དུ་དགེ་སློང་དེ་
D44.037.0315b02.01དག་གི་སེམས་རྣམ་པར་དག་པར་གྱུར་ཏོ། །དགའ་བའི་ཤུགས་རྣམ་པར་འཕེལ་བར་གྱུར་ཏོ། །མོས་པ་སྐྱེས་པར་གྱུར་ཏོ། །དེ་དག་གི་སེམས་ཀྱི་རྒྱུད་ལས་སུ་རུང་བར་གྱུར་ཏོ། །དབང་པོ་རབ་ཏུ་དང་བར་གྱུར་ཏོ། །ཡིད་བདེ་བ་རྣམ་པར་འཕེལ་བར་གྱུར་ཏོ། །
D44.037.0315b03.01ཡིད་{མྱི་,མི་}བདེ་བ་རབ་ཏུ་བྱང་བར་གྱུར་ཏོ། །སེམས་ཀྱི་སྐྱོན་དང་བྲལ་བར་གྱུར་ཏོ། །སྒྲིབ་པ་ཐམས་ཅད་ཕྱིར་ལྡོག་པར་གྱུར་ཏོ། །སངས་རྒྱས་བལྟ་བ་ལ་མངོན་པར་མོས་པར་གྱུར་ཏོ། །སངས་རྒྱས་ཀྱི་ཆོས་ལ་སེམས་རབ་ཏུ་གཞོལ་བར་གྱུར་ཏོ། །བྱང་ཆུབ་སེམས་
D44.037.0315b04.01དཔའི་དབང་པོ་ཡོངས་སུ་དག་པར་གྱུར་ཏོ། །བྱང་ཆུབ་སེམས་དཔའི་དད་པའི་ཤུགས་སྐྱེས་པར་གྱུར་ཏོ། །སྙིང་རྗེ་ཆེན་པོ་བྱུང་བར་གྱུར་ཏོ། །ཕ་རོལ་ཏུ་ཕྱིན་པའི་དཀྱིལ་འཁོར་གནོན་པར་གྱུར་ཏོ། །སྙིང་རྗེ་ཆེན་པོ་ཡོངས་སུ་སྐྱེས་པར་གྱུར་ཏོ། །ཕྱོགས་བཅུའི་སངས་
D44.037.0315b05.01རྒྱས་རྒྱ་མཚོ་ཡོངས་སུ་སྣང་བར་གྱུར་ཏོ། །དེ་ལྟར་དེ་དག་ཐམས་ཅད་མཁྱེན་པ་ཉིད་དུ་མོས་པའི་ཤུགས་ཐོབ་པར་གྱུར་ནས་འདི་སྐད་འཛེར་ཏོ། །མཁན་པོ་བདག་ཅག་ཀྱང་སྐྱེས་བུ་དམ་པ་དེའི་དྲུང་དུ་ཕྱིན་པར་མཛད་དུ་གསོལ་ཞེས་ནས། དེ་ནས་ཚེ་དང་ལྡན་པ་ཤཱ་རིའི་བུ་
D44.037.0315b06.01དགེ་སློང་དེ་དག་དང་འགྲོགས་ཏེ། འཇམ་དཔལ་གཞོན་ནུར་གྱུར་པ་གང་ན་བ་དེར་སོང་ནས་འདི་སྐད་ཅེས་སྨྲས་སོ། །འཇམ་དཔལ་དགེ་སློང་འདི་དག་ནི་ཁྱོད་ལ་བལྟ་བར་འདོད་པ་དག་གོ །དེ་ནས་འཇམ་དཔལ་གཞོན་ནུར་གྱུར་པས་དགེ་སློང་དེ་དག་དང་། འཁོར་
D44.037.0315b07.01