完整藏文原文 · 德格版页 当前仅加载第 37 函德格 293b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། བླང་བའི་རྒྱུས་ཤེས་ཤིང་རིག་སྔགས་གྲུབ་པའི་སྐྱེས་བུ་གནས་པ། སྨན་གྱི་ཆོ་ག་ཐམས་ཅད་ཤེས་པ་སྨན་བླང་བའི་ལས་བྱེད་ཀྱང་། རི་བོའི་དབང་པོ་དེ་ཉིད་ལ་གནས་པའི་ཕྱུགས་དང་། བ་ལང་དང་ར་ལུག་འཚོ་བ་དང་། རྔོན་པ་དང་དེ་མ་ཡིན་པའི་{མྱི་,མི་}སྨན་གྱི་ཚུལ་
D44.037.0293b01.01{མྱི་,མི་}ཤེས་པ་གཞན་དག་གིས། སྨན་དེ་དག་གི་ཆོ་ག་དང་། སྨན་གྱི་རོ་དང་མཐུ་དང་ཡོན་ཏན་དང་བྱིན་དང་། ཐབས་དང་འཕྲོད་པ་མི་ཤེས་སོ། །དེ་བཞིན་དུ་བྱང་ཆུབ་སེམས་དཔའ་དེ་བཞིན་གཤེགས་པའི་ཡེ་ཤེས་ཀྱི་ཡུལ་ལ་ཞུགས་པ་བྱང་ཆུབ་སེམས་དཔའི་
D44.037.0293b02.01རྣམ་པར་འཕྲུལ་པའི་ཡུལ་གྱིས་བྱུང་བ། དེ་དག་གིས་དེ་བཞིན་གཤེགས་པའི་ཏིང་ངེ་འཛིན་གྱི་རྣམ་པར་འཕྲུལ་པའི་ཡུལ་དེ་དག་མཐོང་ཡང་ཉན་ཐོས་ཆེན་པོ་མཆོག་གི་ཟུང་དང་། བཟང་པོའི་ཟུང་ལ་{སྩོགས་,སོགས་}པ་རང་གི་དགོས་པས་ཚིམ་པར་གྱུར་པ། གཞན་གྱི་དགོས་
D44.037.0293b03.01པ་ཡལ་བར་གཞོག་པ། བཏང་སྙོམས་ཅན་དེ་དག་ཛེ་ཏའི་ཚལ་དེ་ཉིད་ན་གནས་ཀྱང་། ཚེ་འདི་ལ་བདེ་བར་སྤྱོད་པས་བདེ་ཞིང་དགའ་བར་གནས་པ་ལས་ཕར་དེ་བཞིན་གཤེགས་པའི་ཏིང་ངེ་འཛིན་གྱི་རྣམ་པར་འཕྲུལ་པའི་ཡུལ་དེ་དག་ཁོང་དུ་མི་ཆུད་དོ། །འདི་ལྟ་
D44.037.0293b04.01སྟེ་དཔེར་ན། ས་ཆེན་པོ་རིན་པོ་ཆེ་ཐམས་ཅད་ཀྱི་འབྱུང་གནས་ཕུན་སུམ་ཚོགས་པ། གཏེར་བརྒྱ་སྟོང་དུ་མས་གང་བ་རིན་པོ་ཆེ་སྣ་ཚོགས་རྣམ་པ་ཐ་དད་པས་ཡོངས་སུ་གང་བ་འདི་ལའང་རིན་པོ་ཆེའི་འབྱུང་གནས་དང་། གཏེར་གྱི་རྒྱུས་ལ་མཁས་ཤིང་བྱང་
D44.037.0293b05.01བའི་{མྱི་,མི་}རིན་པོ་ཆེ་བརྟག་པའི་གཙུག་ལག་གིས་བློ་ཤིན་ཏུ་བྱང་བ་གཏེར་གྱི་གཙུག་ལག་དང་རྒྱུས་དང་། དན་རྟགས་གྱ་ནོམ་པར་ལོབས་པ། བསོད་ནམས་རྒྱ་ཆེན་པོའི་སྟོབས་ཀྱིས་བརྟན་པ་དག་དེ་ལས་རིན་པོ་ཆེ་ཅི་འདོད་པར་བླངས་ཤིང་། བདག་ཀྱང་ཡོངས་སུ་
D44.037.0293b06.01ཚིམ་པར་བྱེད། ཕ་དང་མ་ལའང་ལེགས་པར་རིམ་གྲོ་བྱེད། བུ་ཕོ་སྨོས་ཀྱང་ལེགས་པར་གསོ་བར་བྱེད་ཅིང་། དེ་མ་ཡིན་པའི་སེམས་ཅན་རྒན་པ་དང་། ན་བ་དང་། དབུལ་བ་དང་། ཉམ་ཉེས་པ་དང་། ཁ་ཟས་དང་། གོས་ཀྱིས་{མྱི་,མི་}འབྱོར་པ་རྣམས་
D44.037.0293b07.01