完整藏文原文 · 德格版页 当前仅加载第 37 函德格 164a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་དོ། །སེམས་ཅན་ཐམས་ཅད་ཡོངས་སུ་སྨིན་པར་བྱ་བ་དང་། གདུལ་བ་ལ་གནས་ཤིང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་དོ། །དགེ་
D44.037.0164a01.01བའི་བཤེས་གཉེན་ཐམས་ཅད་དགའ་བར་བྱ་བ་ལ་གནས་ཤིང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་དོ། །དགེ་བའི་རྩ་བ་རབ་ཏུ་བསྩགས་པ་ལ་གནས་ཤིང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་དོ། །སངས་
D44.037.0164a02.01རྒྱས་ཀྱི་ཞིང་ཡོངས་སུ་དག་པར་བྱ་བ་ལ་གནས་ཤིང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་དོ། །འགྲོ་བ་ཐམས་ཅད་ཡོངས་སུ་མི་གཏང་བ་ལ་གནས་ཤིང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་དོ། །ཕ་རོལ་
D44.037.0164a03.01ཏུ་ཕྱིན་པ་ཐམས་ཅད་ལ་འཇུག་པ་ལ་གནས་ཤིང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་དོ། །བྱང་ཆུབ་སེམས་དཔའི་སྨོན་ལམ་ཐམས་ཅད་ཡོངས་སུ་རྫོགས་པར་བྱ་བ་ལ་གནས་ཤིང་བྱང་ཆུབ་སེམས་དཔའ་བྱང་ཆུབ་སེམས་དཔའི་
D44.037.0164a04.01སྤྱད་པ་སྤྱོད་དོ། །བྱང་ཆུབ་ཀྱི་སེམས་ཚད་མེད་པ་ལ་གནས་ཤིང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་དོ། །སངས་རྒྱས་ཐམས་ཅད་ཀྱི་མངོན་པར་རྫོགས་པར་འཚང་རྒྱ་བ་ལ་གནས་ཤིང་བྱང་ཆུབ་སེམས་དཔའ་བྱང་ཆུབ་སེམས་
D44.037.0164a05.01དཔའི་སྤྱད་པ་སྤྱོད་དོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱིས་གནས་སུ་བྱ་བ་རྣམས་ཏེ། གནས་དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་བྱང་ཆུབ་སེམས་དཔའི་སྤྱད་པ་སྤྱོད་དོ། །ཀྱེ་རྒྱལ་བའི་སྲས་བཅུ་
D44.037.0164a06.01པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སེམས་བསྐྱེད་པ་བསྟན་པ་སྟེ། བཅུ་གང་ཞེ་ན་འདི་ལྟར་སྒྲིབ་པའི་ལས་ཐམས་ཅད་རྣམ་པར་བཟློག་པའི་ཕྱིར་སེམས་བརྟན་པ་བསྐྱེད་པ་དང་སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདས་
D44.037.0164a07.01