完整藏文原文 · 德格版页 当前仅加载第 37 函德格 231b 版页；藏文 NFD、目录标记与异常页序保留在来源切片中，重复版页行以稳定序号区分。
འཐོབ་པར་བྱ་བའི་ཕྱིར་དོན་དང་། ཆོས་ཀྱི་རྒྱུད་དུ་འགྲོ་བ་དང་། འདུལ་བའི་དབང་གིས་སྐྱེ་བ་ཐམས་ཅད་དུ་འགྲོ་བ་དང་། དེ་བཞིན་གཤེགས་པ་བལྟ་བ་དང་། ཕྱག་བྱ་བ་དང་། བསྙེན་བཀུར་བའི་ཕྱིར་སངས་རྒྱས་ཀྱི་ཞིང་ཐམས་ཅད་དུ་མངོན་པར་ཤེས་པས་འགྲོ་བ་དང་།
D44.037.0231b01.01འཁོར་བའི་རྒྱུད་ཀྱི་རྒྱུན་མི་གཅད་པའི་ཕྱིར་མྱ་ངན་ལས་འདས་པའི་རྒྱུད་དུ་འགྲོ་བ་དང་། བྱང་ཆུབ་སེམས་དཔའི་སྤྱོད་པ་རྒྱུན་མི་གཅད་པའི་ཕྱིར་སངས་རྒྱས་ཀྱི་ཆོས་ཐམས་ཅད་ཡོངས་སུ་རྫོགས་པར་བྱ་བར་འགྲོ་བའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་
D44.037.0231b02.01སེམས་དཔའ་རྣམས་ཀྱི་འགྲོ་བ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པ་བཞུད་པ་དང་གཤེགས་པ་དང་། བྱོན་པ་མེད་པ་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་
D44.037.0231b03.01རྣམས་ཀྱི་གནས་ཏེ། བཅུ་གང་ཞེ་ན་འདི་ལྟར་ཉམས་པ་མེད་པའི་ཕྱིར་བྱང་ཆུབ་ཀྱི་སེམས་ལ་གནས་པ་དང་། ཚོགས་ཀྱིས་མི་ངོམས་པའི་ཕྱིར་ཕ་རོལ་ཏུ་ཕྱིན་པ་ལ་གནས་པ་དང་། ཤེས་རབ་ཤིན་ཏུ་སྦྱངས་པའི་ཕྱིར་ཆོས་ཀྱི་གཏམ་ལ་གནས་པ་དང་།
D44.037.0231b04.01བསམ་གཏན་ཆེན་པོ་ཁོང་དུ་ཆུད་པར་བྱ་བའི་ཕྱིར་བས་མཐའི་དགོན་པ་ལ་གནས་པ་དང་། བྱ་བ་ཉུང་བའི་ཕྱིར་ཐམས་ཅད་མཁྱེན་པ་ཉིད་དང་། མཐུན་པའི་སྦྱངས་པའི་ཡོན་ཏན་དང་ཆོག་ཤེས་པ་དང་འཕགས་པའི་རྒྱུད་ལ་གནས་པ་དང་། ཆོས་ཀྱི་བརྩོན་
D44.037.0231b05.01འགྲུས་རྗེས་སུ་འབྲང་བར་བྱ་བའི་ཕྱིར་ནན་ཏན་ལ་གནས་པ་དང་། སངས་རྒྱས་ཀྱི་སྤྱོད་ལམ་ཡོངས་སུ་རྫོགས་པར་བྱ་བའི་ཕྱིར། དེ་བཞིན་གཤེགས་པ་བསྙེན་བཀུར་བ་ལ་གནས་པ་དང་། ཡེ་ཤེས་ཆེན་པོ་ཡོངས་སུ་རྫོགས་པར་བྱ་བའི་ཕྱིར་མངོན་པར་ཤེས་པས་འབྱུང་
D44.037.0231b06.01བ་ལ་གནས་པ་དང་། ལུང་བསྟན་པ་ཡོངས་སུ་རྫོགས་པར་བྱ་བའི་ཕྱིར་བཟོད་པ་ཐོབ་པ་ལ་གནས་པ་དང་། སངས་རྒྱས་ཀྱི་ཆོས་ཐམས་ཅད་ཡོངས་སུ་རྫོགས་པར་བྱ་བའི་ཕྱིར་སྙིང་པོ་བྱང་ཆུབ་ལ་གནས་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་
D44.037.0231b07.01