完整藏文原文 · 德格版页 当前仅加载第 37 函德格 55a 版页；藏文 NFD、目录标记与异常页序保留在来源切片中，重复版页行以稳定序号区分。
དབྱིངས་རྒྱ་མཚོ་སྟོན་ཅིང་སྙིང་པོ་བྱང་ཆུབ་ཀྱི་གང་ན་ཡོངས་སུ་སྟོན་པས། སངས་རྒྱས་ཀྱི་འོད་ཀྱི་དབྱིངས་རིན་པོ་ཆེའི་འོད་ཟེར་འཛིན་པ་རབ་ཏུ་བཀྱེ་བས། ཡོངས་སུ་རྒྱས་ཤིང་མཚན་ཉིད་གཅིག་པས་ཆོས་ཀྱི་དབྱིངས་མ་འདྲེས་པར་
D44.037.0055a01.01རྒྱན་གཞན་དང་གཞན་དུ་རྣམ་པར་འཕྲུལ་པའི་འོད་ཀྱི་སྤྲིན་ཅེས་བྱ་བ་མངའོ། །དེ་བཞིན་གཤེགས་པའི་ཞབས་ཀྱི་མཐིལ་རྟིང་པ་ལོགས་ན། དེ་བཞིན་གཤེགས་པའི་མཚན་ཆོས་ཀྱི་དབྱིངས་རྒྱ་མཚོ་ཐམས་ཅད་སྣང་བའི་མཚན་གྱི་རྒྱན་གྱིས། སངས་
D44.037.0055a02.01རྒྱས་ཀྱི་རྣམ་པར་འཕྲུལ་པ་རྣམ་པར་བཀོད་པ་ལ། ཀུན་ནས་འཇུག་པའི་སྤྲུལ་པའི་འཁོར་ལོ་རྒྱ་མཚོ་དང་རིན་པོ་ཆེ་དང་། སྤོས་ཀྱི་འོད་འཕྲོ་བ་རྒྱ་མཚོ་དང་། རི་རབ་རིན་པོ་ཆེ་མེ་ཏོག་བཻཌཱུརྱ་སྣ་ཚོགས་མ་འདྲེས་པའི་རང་བཞིན་གྱིས་གཞི་བྱས་པ། ཆོས་ཀྱི་
D44.037.0055a03.01དབྱིངས་ཐམས་ཅད་དུ་སྤྲུལ་པའི་རྒྱུད་ཀྱིས་ཡོངས་སུ་ཁེབས་པར་མཛད་ཅིང་། རང་རང་གི་ཆོས་རྒྱ་མཚོ་སྒྲར་སྒྲོག་པའི་སྤྲིན་ཅེས་བྱ་བ་མངའོ། །དེ་བཞིན་གཤེགས་པའི་ཞབས་ལ་དེ་བཞིན་གཤེགས་པའི་མཚན་རིན་པོ་ཆེའི་གཞི་སྣ་ཚོགས་ཤིན་ཏུ་ཟབ་
D44.037.0055a04.01པའི་འོད་ཟེར་གྱི་དཀྱིལ་འཁོར་གྱིས་རྣམ་པར་སྣང་ཞིང་། འཛམ་བུ་ཆུ་ཀླུང་གི་གསེར་གྱི་འོད་ལྟ་བུར་སྣང་བས་ཕྱོགས་ཐམས་ཅད་ཀྱི་ཆོས་ཀྱི་དབྱིངས་རྣམ་པར་སྣང་བར་མཛད་ཅིང་། འཇིག་རྟེན་གྱི་ཁམས་དང་། རི་རབ་ཀྱི་སྤྲིན་གྱིས་མངོན་པར་ཁྱབ་པ་དང་།
D44.037.0055a05.01སྙིང་པོ་བྱང་ཆུབ་ཀྱི་རྒྱན་ཐམས་ཅད་ཡོངས་སུ་སྟོན་པའི་འོད་ཀྱི་སྤྲིན་ཅེས་བྱ་བ་མངའོ། །དེ་བཞིན་གཤེགས་པའི་ཞབས་ལ་རིན་པོ་ཆེ་ཐམས་ཅད་ཀྱི་འོད་ཟེར་རྣམ་པར་སྣང་བ་ཟླ་བ་དང་། རིན་པོ་ཆེའི་འོད་འཕྲོ་བས་ཤིན་ཏུ་བརྒྱན་པའི་སྙིང་པོ་ཅན་
D44.037.0055a06.01ཨིནྡྲ་ནཱི་ལའི་དྲ་བས་གཞི་ཀུན་ནས་བརྒྱན་པར། ཆོས་ཀྱི་དབྱིངས་སུ་སྣང་བའི་སྤྲིན་ནོར་བུའི་རྒྱལ་པོའི་སྤོས་ཀྱི་སྒྲོན་མ་ཐམས་ཅད་ཀྱི་འོད་ཀུན་ཏུ་འཕྲོ་བ་ལྟ་བུའི་སྤྲིན་དེ་བཞིན་གཤེགས་པའི་མཐུས་དགོངས་པའི་སྐད་ཅིག་རེ་རེ་ལ་ཆོས་ཀྱི་དབྱིངས་རྒྱ་མཚོ་
D44.037.0055a07.01