完整藏文原文 · 德格版页 当前仅加载第 37 函德格 216b 版页；藏文 NFD、目录标记与异常页序保留在来源切片中，重复版页行以稳定序号区分。
སྙིང་པོ་བྱང་ཆུབ་ཀྱིས་ཡོངས་སུ་རྒྱས་པར་གང་བར་མོས་པ་ལ་འཇུག་པ་དང་། འཇིག་རྟེན་གྱི་ཁམས་ཐམས་ཅད་དུ་སྒྲའི་དབྱངས་གཅིག་གིས་གོ་བར་བྱ་བ་དང་། སེམས་ཅན་གྱི་ཁམས་ཐམས་ཅད་ཀྱི་སྒྲ་སྐད་རྣམ་པ་ཐ་དད་པ་ལ་འཇུག་པས་ཚིམ་པར་བྱ་བར་མོས་པ་ལ་
D44.037.0216b01.01འཇུག་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་འཇིག་རྟེན་གྱི་ཁམས་སུ་མོས་པ་ལ་འཇུག་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་སངས་རྒྱས་ཀྱི་ཞིང་ལ་མོས་པ་བླ་ན་མེད་
D44.037.0216b02.01པ་འཐོབ་པར་འགྱུར་བ་དག་གོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སེམས་ཅན་གྱི་ཁམས་སུ་མོས་པ་ལ་འཇུག་པ་སྟེ། བཅུ་གང་ཞེ་ན་འདི་ལྟར་སེམས་ཅན་གྱི་ཁམས་ཐམས་ཅད་རང་བཞིན་གྱིས་ལུས་མེད་པར་མོས་པ་ལ་
D44.037.0216b03.01འཇུག་པ་དང་། སེམས་ཅན་གྱི་ཁམས་ཐམས་ཅད་སེམས་ཅན་གཅིག་གི་ལུས་ཀྱི་རྒྱུད་དུ་འདུས་པར་མོས་པ་ལ་འཇུག་པ་དང་། སེམས་ཅན་གྱི་ཁམས་ཐམས་ཅད་བྱང་ཆུབ་སེམས་དཔའི་ཁོང་དུ་འདུས་པར་མོས་པ་ལ་འཇུག་པ་དང་། སེམས་ཅན་
D44.037.0216b04.01གྱི་ཁམས་ཐམས་ཅད་དེ་བཞིན་གཤེགས་པའི་སྐུར་འདུས་པར་མོས་པ་ལ་འཇུག་པ་དང་། སེམས་ཅན་གྱི་ཁམས་ཐམས་ཅད་དུ་སེམས་ཅན་གཅིག་གི་ལུས་ཡོངས་སུ་ཞུགས་པར་འགྱུར་བར་མོས་པ་ལ་འཇུག་པ་དང་། སེམས་ཅན་གྱི་ཁམས་
D44.037.0216b05.01ཐམས་ཅད་སངས་རྒྱས་ཀྱི་ཆོས་ཀྱི་སྣོད་དུ་མོས་པ་ལ་འཇུག་པ་དང་། སེམས་ཅན་གྱི་ཁམས་ཐམས་ཅད་བརྒྱ་བྱིན་དང་། ཚངས་པ་དང་། འཇིག་རྟེན་གྱི་མགོན་པོ་དང་། ཅི་འདོད་པ་དང་། གར་མོས་པའི་གཟུགས་དང་། ཁ་དོག་དང་ཆ་
D44.037.0216b06.01བྱད་དུ་མངོན་པར་བལྟ་བར་མོས་པ་ལ་འཇུག་པ་དང་། སེམས་ཅན་གྱི་ཁམས་ཐམས་ཅད་ཉན་ཐོས་དང་། རང་སངས་རྒྱས་ཀྱི་གཟུགས་དང་ཁ་དོག་དང་ཆ་བྱད་དུ་ཡོངས་སུ་བསྟན་པར་མོས་པ་ལ་འཇུག་པ་དང་། སེམས་ཅན་གྱི་ཁམས་ཐམས་ཅད་བྱང་
D44.037.0216b07.01