完整藏文原文 · 德格版页 当前仅加载第 37 函德格 101a 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་ལྷ་དང་མིར་སྐྱེ་བའི་ཕྱིར་དགེ་བའི་རྩ་བ་སྐྱེད་ཅིག །འཕགས་པའི་སྐྱེ་མཆེད་ཡོངས་སུ་ཟུངས་ཤིག །མི་ཁོམ་པར་སྐྱེ་བ་ཡོངས་སུ་སྤོངས་ཤིག །སྒྲ་དེ་ཐོས་ནས་ཀྱང་སེམས་ཅན་རྣམས་མ་ནོར་བར་ནན་ཏན་རབ་ཏུ་བྱེད་དེ།
D44.037.0101a01.01དེ་དག་མ་ནོར་བར་ནན་ཏན་བྱེད་ཅིང་། དགེ་བ་ཡོངས་སུ་སྤྱོད་དོ། །དེ་དག་དགེ་བ་སྤྱོད་པའི་ནན་ཏན་ལ་ཞུགས་པས་མི་ཁོམ་པར་སྐྱེ་བ་ཡོངས་སུ་སྤོང་སྟེ། ལྷ་དང་མིར་སྐྱེ་བའི་སྐྱེ་མཆེད་ཀྱང་རབ་ཏུ་འཛིན་ཏོ། །དེ་ནས་དེ་བཞིན་གཤེགས་པའི་ཆོས་ཉིད་རབ་ཏུ་
D44.037.0101a02.01ཐོབ་པས། སྒྲ་ཆེན་པོའི་དབྱངས་ཆེན་པོ་གཉིས་པ་འབྱུང་སྟེ། ཀྱེ་མ་འདུས་བྱས་འདི་དག་ནི་ཤིན་ཏུ་སྡུག་བསྔལ་བ་སྟེ། འབར་བ་ཀུན་ནས་འབར་བ་རབ་ཏུ་འབར་བ། ལྕགས་ཀྱི་གོང་བུ་དང་འདྲ་བ་མི་རྟག་ཅིང་འགྱུར་བའི་ཆོས་ཅན་དག་གོ །འདུས་
D44.037.0101a03.01མ་བྱས་ནི་ཞི་བ་གདུང་བ་མེད་པ། བསིལ་པ་ཡོངས་སུ་གདུང་བ་དང་བྲལ་བའོ། །སྒྲ་དེ་ཐོས་ནས་ཀྱང་སེམས་ཅན་རྣམས། དགེ་བའི་ཆོས་ལ་མངོན་པར་བརྩོན་པར་བྱེད་དེ། དེ་ལྟར་མངོན་པར་བརྩོན་པས་ཉན་ཐོས་ཀྱི་ཐེག་པ་ལ། སྒྲའི་རྗེས་སུ་འགྲོ་བའི་
D44.037.0101a04.01བཟོད་པ་འཐོབ་པར་འགྱུར་རོ། །དེ་ནས་དེ་བཞིན་གཤེགས་པའི་ཆོས་ཉིད་ཐོབ་པས་སྒྲ་ཆེན་པོའི་དབྱངས་ཆེན་པོ་གསུམ་པ་འབྱུང་སྟེ། ཀྱེ་མ་ཉན་ཐོས་ཀྱི་ཐེག་པ་འདི་ནི་གཞན་གྱི་སྒྲའི་རྗེས་སུ་འབྲང་བས་ཤིན་ཏུ་ཆུང་བ་སྟེ། འདི་བས་མཐོ་བའི་ཐེག་པ་འདི་ལྟ་སྟེ།
D44.037.0101a05.01རང་གིས་མངོན་པར་འཚང་རྒྱ་བར་བྱ་བ། སློབ་དཔོན་མེད་པ། རང་སངས་རྒྱས་ཀྱི་ཐེག་པ་ཡོད་དོ། །སྒྲ་དེ་ཐོས་ནས་ཀྱང་སེམས་ཅན་མོས་པ་ཆེ་བ་རྣམས་རང་སངས་རྒྱས་ཀྱི་ཐེག་པ་ལ་ནན་ཏན་བྱེད་ཅིང་ཉན་ཐོས་ཀྱི་ཐེག་པ་སྤངས་ནས། རང་སངས་རྒྱས་
D44.037.0101a06.01ཀྱི་བྱང་ཆུབ་ཏུ་འཇུག་གོ །དེ་ནས་དེ་བཞིན་གཤེགས་པའི་ཆོས་ཉིད་རབ་ཏུ་ཐོབ་པས་སྒྲ་ཆེན་པོའི་དབྱངས་ཆེན་པོ་བཞི་པ་འབྱུང་སྟེ། ཀྱེ་མ་ཉན་ཐོས་དང་རང་སངས་རྒྱས་ཀྱི་ཐེག་པ་ལས་འདས་པའི་ཐེག་པ་ཆེན་པོ་བྱང་ཆུབ་སེམས་དཔའི་སྤྱོད་པ་དང་། མཐུན་པ་ཕ་རོལ་
D44.037.0101a07.01