完整藏文原文 · 德格版页 当前仅加载第 37 函德格 10b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་སངས་རྒྱས་བཅོམ་ལྡན་འདས་རྣམས་སེམས་ཅན་རྣམས་ལ་སངས་རྒྱས་ཀྱི་ཕྲིན་ལས་སྒྲུབ་བོ། །སངས་རྒྱས་བཅོམ་ལྡན་འདས་རྣམས་ནི་བྱིན་གྱི་རླབས་ཀྱི་ཡུལ་དང་མི་དམིགས་པ་ཐམས་ཅད་ཡུལ་དུ་མཛད་པས་ཀྱང་སེམས་ཅན་རྣམས་ལ་
D44.037.0010b01.01སངས་རྒྱས་ཀྱི་ཕྲིན་ལས་སྒྲུབ་བོ། །སངས་རྒྱས་བཅོམ་ལྡན་འདས་རྣམས་ཀྱི་མཚན་ཀྱང་སེམས་ཅན་རྣམས་ལ་སངས་རྒྱས་ཀྱི་ཕྲིན་ལས་སྒྲུབ་བོ། །སངས་རྒྱས་བཅོམ་ལྡན་འདས་རྣམས་ནི་ཞིང་ལ་{དམྱིགས་,དམིགས་}པར་མཛད་པས་ཀྱང་སེམས་ཅན་
D44.037.0010b02.01རྣམས་ལ་སངས་རྒྱས་ཀྱི་ཕྲིན་ལས་སྒྲུབ་བོ། །སངས་རྒྱས་བཅོམ་ལྡན་འདས་རྣམས་ནི་སངས་རྒྱས་ཀྱི་ཞིང་རྣམ་པར་དག་པས་ཀྱང་སེམས་ཅན་རྣམས་ལ་སངས་རྒྱས་ཀྱི་ཕྲིན་ལས་སྒྲུབ་བོ། །སངས་རྒྱས་བཅོམ་ལྡན་འདས་རྣམས་མི་གསུང་བར་བཞུགས་པ་ཡང་སེམས་ཅན་རྣམས་ལ་སངས་
D44.037.0010b03.01རྒྱས་ཀྱི་ཕྲིན་ལས་སྒྲུབ་སྟེ། ཀྱེ་རྒྱལ་བའི་སྲས་བཅུ་པོ་དེ་དག་ནི་སངས་རྒྱས་བཅོམ་ལྡན་འདས་ཀྱི་སངས་རྒྱས་ཀྱི་ཕྲིན་ལས་སེམས་ཅན་རྣམས་ལ་སྒྲུབ་པའོ།། །།སངས་རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། བམ་པོ་གཉིས་
D44.037.0010b04.01པ། །ཀྱེ་རྒྱལ་བའི་སྲས་བཅུ་པོ་འདི་དག་ནི་སངས་རྒྱས་བཅོམ་ལྡན་འདས་རྣམས་ཀྱི་སེམས་ཅན་གྱི་གཙོ་བོའི་ཆོས་ཏེ། །བཅུ་གང་ཞེ་ན། སྨོན་ལམ་ཆེན་པོ་ལ་རབ་ཏུ་བརྟེན་ཞིང་སྨོན་ལམ་ཞིག་པ་མི་མངའ་བས་ཇི་སྐད་དུ་གསུང་བ་
D44.037.0010b05.01དེ་ལྟར་མཛད་ཅིང་གཉིས་སུ་མི་གསུང་བ་འདི་ནི་སེམས་ཅན་གྱི་གཙོ་བོའི་ཆོས་དང་པོའོ། །ཕྱི་མའི་མཐའི་མུར་ཐུག་པའི་བསྐལ་པ་ཐམས་ཅད་དུ་བྱང་ཆུབ་སེམས་དཔའི་སྤྱོད་པ་ལ་ཡོན་ཏན་ཐམས་ཅད་ཡོངས་སུ་རྫོགས་པར་མཛད་པས་རབ་ཏུ་བརྩོན་
D44.037.0010b06.01ཞིང་སྒྱིད་ལུག་པ་མི་མངའ་བ་འདི་ནི་སེམས་ཅན་གྱི་གཙོ་བོའི་ཆོས་གཉིས་པའོ། །སེམས་ཅན་འདུལ་བར་འགྱུར་བ་གཅིག་གཅིག་གཟིགས་ཀྱང་འཇིག་རྟེན་གྱི་ཁམས་བརྗོད་དུ་མེད་པའི་ཡང་བརྗོད་དུ་མེད་པར་གཤེགས་ཤིང་འཇིག་རྟེན་གྱི་ཁམས་
D44.037.0010b07.01