完整藏文原文 · 德格版页 当前仅加载第 37 函德格 384b 版页；藏文 NFD、目录标记与异常页序保留在来源切片中，重复版页行以稳定序号区分。
འབྱུང་བ་ཡང་ཞི་བར་བྱས་ཏེ། ལུས་སིམ་པར་བྱས་ནས་ཡིད་ཤིན་ཏུ་མོས་པར་བྱེད་དོ། །དེ་ལྟར་སེམས་ཤིན་ཏུ་མོས་པར་གྱུར་ནས། འཕགས་པ་འདི་ནི་བདག་ཅག་ལ་ཆོས་སྟོན་ཏེ། འདི་ལྟར་ཀླུའི་ལམ་གྱི་རྒྱུད་ངན་པ་རྣམ་པར་སྨད་པ་དང་། སྒྲིབ་པའི་
D44.037.0384b01.01ལས་ཐམས་ཅད་རབ་ཏུ་སྤང་བའི་ཕྱིར་ཉེས་པ་འཆགས་སུ་བཙུད་ཅིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དུ་བཙུད་དེ་ཐམས་ཅད་མཁྱེན་པ་ཉིད་ལ་རབ་ཏུ་དགོད་དོ། །གནོད་སྦྱིན་གྱི་དབང་པོ་སྟོང་ཕྲག་བཅུ་ཡང་ནམ་མཁའི་དབྱིངས་
D44.037.0384b02.01ལ་འཁོད་དེ། མཆོད་པ་རྣམ་པ་སྣ་ཚོགས་ཀྱིས་བྲམ་ཟེ་རྒྱལ་བའི་དྲོད་ཀྱི་སྐྱེ་མཆེད་དང་། ཚོང་དཔོན་གྱི་བུ་ནོར་{བཟངས་,བཟང་}ལ་མཆོད་པ་བྱས་ནས་འདི་སྐད་ཅེས་འཛེར་ཏོ། །རིགས་ཀྱི་བུ་འཕགས་པ་འདི་དཀའ་ཐུབ་ལྔས་ཡོངས་སུ་གདུང་བ་མཛད་པའི་ཚེ།
D44.037.0384b03.01ཁོ་བོ་ཅག་གི་འཁོར་ཀུན་ཀྱང་མི་རྣམས་ལ་བྱམས་པའི་སེམས་སྐྱེ་བར་འགྱུར་ཏེ། གནོད་སྦྱིན་དང་། སྲིན་པོ་དང་། གྲུལ་བུམ་ཐམས་ཅད་ཀྱང་བྱམས་པའི་སེམས་དང་ལྡན་པར་གྱུར་ཏོ། །དེ་དག་བྱམས་པའི་སེམས་དང་ལྡན་ཞིང་འཚེ་བ་མེད་
D44.037.0384b04.01པ་ལ་ཞུགས་པ་རྣམས་ཁོ་བོ་ཅག་གི་དྲུང་དུ་འོང་ངོ་། །ཁོ་བོ་ཅག་ཀྱང་དེ་ལྟར་བྱམས་པའི་དབང་གི་ཟིལ་གྱིས་ནོན་པས། རང་རང་གི་གནས་དེ་དང་། དེ་དག་ན་དགའ་བ་མེད་དེ། དེ་ལྟར་བདག་ཅག་ཀྱང་རང་རང་གི་སྐྱེ་བོའི་འཁོར་དང་བཅས་ཏེ།
D44.037.0384b05.01འཕགས་པ་འདིའི་དྲུང་དུ་འདོང་ངོ་། །འཕགས་པ་བདག་ཅག་དེ་ལྟར་འོངས་པ་རྣམས་ལ་འཕགས་པ་འདིའི་སྐུ་ལས་བྱུང་བའི་འོད་ཀྱིས་ལུས་ཐམས་ཅད་སྣང་བར་བྱས་ཤིང་། བདེ་བས་ཁྱབ་པར་མཛད་དེ། དེ་ལྟར་བདག་ཅག་ལུས་
D44.037.0384b06.01དང་སེམས་བདེ་བར་གྱུར་ནས། འཕགས་པ་འདི་ནི་ཅི་ནས་ཀྱང་བདག་ཅག་ལ་གནོད་སྦྱིན་དང་། སྲིན་པོ་དང་གྲུལ་བུམ་དང་། ལུས་སྲུལ་པོ་མང་པོ་བྱང་ཆུབ་ཏུ་སེམས་སྐྱེ་བར་འགྱུར་བ་དེ་ལྟར་ཆོས་སྟོན་ཏོ། །དྲི་ཟའི་དབང་པོ་སྟོང་ཕྲག་
D44.037.0384b07.01