完整藏文原文 · 德格版页 当前仅加载第 37 函德格 65b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ཕན་ཚུན་དུ་ངན་སེམས་ཀྱི་སེམས་བསྐྱེད་པ་ལྟ་བུར་ཁ་ན་མ་ཐོ་བ་ཆེ་བའི་ཆོས་འགའ་ཙམ་ཡང་མ་མཐོང་ངོ་། །དེ་བས་ན་རྒྱལ་བའི་སྲས་དག་བྱང་ཆུབ་སེམས་དཔའི་སྤྱོད་པ་མྱུར་དུ་རྫོགས་པར་བྱ་བར་འདོད་པའི་བྱང་ཆུབ་སེམས་དཔའ་ཆོས་བཅུ་ལ་བརྩོན་པར་བྱའོ།། །།
D44.037.0065b01.01བཅུ་གང་ཞེ་ན། སེམས་ཅན་ཐམས་ཅད་ཡོངས་སུ་མི་གཏོང་བ་དང་། བྱང་ཆུབ་སེམས་དཔའ་ཐམས་ཅད་ལ་སྟོན་པའི་སེམས་སུ་བྱ་བ་དང་། སངས་རྒྱས་ཀྱི་ཆོས་ཐམས་ཅད་མི་སྤང་བ་དང་། ཞིང་ཐམས་ཅད་ལ་མི་ཟད་པའི་ཡེ་ཤེས་ཀྱིས་འཇུག་པ་དང་། བྱང་
D44.037.0065b02.01ཆུབ་སེམས་དཔའི་སྤྱོད་པ་ཐམས་ཅད་ལ་མོས་པ་དང་དད་པ་ཆེ་བ་དང་། ནམ་མཁའི་དབྱིངས་ཀྱིས་ཀླས་པའི་ཆོས་ཀྱི་དབྱིངས་མཉམ་པ་ཉིད་རྣམ་པར་བསྒོམ་པའི་བྱང་ཆུབ་ཀྱི་སེམས་མི་གཏང་བ་དང་། དེ་བཞིན་གཤེགས་པའི་སྟོབས་ལ་འཇུག་པས། སངས་རྒྱས་
D44.037.0065b03.01ཀྱི་བྱང་ཆུབ་ལ་རྣམ་པར་དཔྱད་པ་དང་། སོ་སོ་ཡང་དག་པར་རིག་པ་ལ་བརྩོན་པར་བྱ་བ་དང་། སེམས་ཅན་ཐམས་ཅད་ཡོངས་སུ་སྨིན་པར་བྱ་བས་ཡོངས་སུ་མི་སྐྱོ་བ་དང་། འཇིག་རྟེན་གྱི་ཁམས་ཐམས་ཅད་དུ་གནས་པ་ལ་མངོན་པར་ཆགས་པ་མེད་པ་སྟེ། ཀྱེ་
D44.037.0065b04.01རྒྱལ་བའི་སྲས་དག་བྱང་ཆུབ་སེམས་དཔས་ཆོས་བཅུ་པོ་དེ་དག་ལ་མངོན་པར་བརྩོན་པར་བྱའོ། །དེ་ཆོས་བཅུ་པོ་དེ་དག་ལ་གནས་པས་རྣམ་པར་དག་པར་བྱེད་པའི་ཆོས་བཅུ་རབ་ཏུ་འཐོབ་སྟེ། བཅུ་གང་ཞེ་ན་འདི་ལྟ་སྟེ། ཆོས་ཟབ་མོ་ལ་འཇུག་པ་རྣམ་པར་དག་པ་དང་། དགེ་
D44.037.0065b05.01བའི་བཤེས་གཉེན་དང་། འགྲོགས་པ་རྣམ་པར་དག་པ་དང་། སངས་རྒྱས་ཀྱི་བསྟན་པ་ཡོངས་སུ་བཟུང་བ་རྣམ་པར་དག་པ་དང་། ནམ་མཁའི་དབྱིངས་རྣམ་པར་བསྒོམ་པ་རྣམ་པར་དག་པ་དང་། ཆོས་ཀྱི་དབྱིངས་ལ་འཇུག་པ་རྣམ་པར་དག་པ་དང་། མཐའ་
D44.037.0065b06.01དང་དབུས་མེད་པའི་སེམས་རྣམ་པར་དཔྱད་པ་རྣམ་པར་དག་པ་དང་། བྱང་ཆུབ་སེམས་དཔའ་ཐམས་ཅད་ཀྱིས་གྲོགས་བྱ་བའི་དགེ་བའི་རྩ་བ་རྣམ་པར་དག་པ་དང་། བསྐལ་པ་ཐམས་ཅད་ལ་མངོན་པར་ཆགས་པ་མེད་པ་རྣམ་པར་དག་པ་དང་། དུས་གསུམ་
D44.037.0065b07.01