完整藏文原文 · 德格版页 当前仅加载第 37 函德格 61a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཡིད་ཀྱི་ལས་ཀྱིས་རྒྱ་ཆེར་བཤགས་པ་བྱས་ནས། དེ་དག་ལས་ཀྱི་སྒྲིབ་པ་རྣམ་པར་དག་པ་དང་། བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་རིན་པོ་ཆེ་སྣ་བདུན་གྱི་པདྨོ་རྡུལ་ཤིན་ཏུ་ཕྲ་བ་སྙེད་ལ་འཁོད་ཅིང་། འོད་
D44.037.0061a01.01ཆེན་པོ་རབ་ཏུ་གཏོང་བ་མཐོང་བར་གྱུར་ཏེ། དེ་དག་གི་དཔེ་བྱད་བཟང་པོ་རེ་རེ་ནས་ཀྱང་སེམས་ཅན་གྱི་ཁམས་དང་། མཉམ་པའི་འོད་ཟེར་མང་པོ་བྱུང་སྟེ། འོད་ཟེར་དེ་དག་ལ་ཡང་སེམས་ཅན་གྱི་ཁམས་དང་། མཉམ་པའི་དེ་བཞིན་གཤེགས་པ་བཞུགས་
D44.037.0061a02.01ཤིང་། སེམས་ཅན་རྣམས་ལ་བསམ་པ་ཇི་ལྟ་བ་བཞིན་དུ་ཆོས་སྟོན་པ་མཐོང་བར་གྱུར་ཀྱང་། དེ་ཙམ་གྱིས་ཏིང་ངེ་འཛིན་དྲི་མ་དང་བྲལ་བའི་སྤྱོད་ཡུལ་གྱི་ཆ་ཤས་ཙམ་ཡང་ལེགས་པར་མཐོང་བར་མ་གྱུར་ཏོ། །དེ་ནས་ལྷའི་བུ་དེ་དག་གིས་མེ་ཏོག་གི་སྤྲིན་ལ་{སྩོགས་,སོགས་}
D44.037.0061a03.01པ། སྔ་མ་དེ་དག་དང་བ་སྤུའི་བུ་ག་རེ་རེ་ནས་ཀྱང་སེམས་ཅན་གྱི་ཁམས་དང་། མཉམ་པའི་མེ་ཏོག་གི་སྤྲིན་མངོན་པར་སྤྲུལ་ཏེ། བྱང་ཆུབ་སེམས་དཔའ་རྣམ་པར་སྣང་མཛད་དང་། དེ་བཞིན་གཤེགས་པ་མཐའ་ཡས་པ་ལ་མཆོད་པ་བྱེད་པར་གྱུར་ཏོ། །མེ་
D44.037.0061a04.01ཏོག་ཇི་སྙེད་ཅིག་གཏོང་བ་དེ་དག་ཐམས་ཅད་ཀྱང་། དེ་བཞིན་གཤེགས་པའི་སྐུ་གཟུགས་སུ་གནས་པར་གྱུར་ཏོ། །སྤོས་ཀྱི་སྤྲིན་གྱི་ཆར་རབ་ཏུ་ཕབ་པ་དེ་དག་གིས་འཇིག་རྟེན་གྱི་ཁམས་སངས་རྒྱས་ཀྱི་ཞིང་ཚད་མེད་པའི་རྡུལ་ཤིན་ཏུ་ཕྲ་བ་སྙེད་དུ། སེམས་
D44.037.0061a05.01ཅན་གང་གི་ལུས་ལ་བབ་པ། དེ་དག་ཀྱང་འདི་ལྟ་སྟེ་དཔེར་ན། བསམ་གཏན་བཞི་བ་ལ་མཉམ་པར་བཞག་པའི་དགེ་སློང་གི་ལུས་ཀྱི་བདེ་བ་དེ་ལྟ་བུ་དང་ལྡན་པར་གྱུར་ཏོ། །གང་ལ་ལས་ཀྱི་སྒྲིབ་པའི་ཉེས་པ་མེད་པ་དེ་དག་ནི། སྤོས་ཀྱི་དྲི་དེ་ཚོར་བ་ཙམ་གྱིས་
D44.037.0061a06.01གཟུགས་དང་། སྒྲ་དང་། དྲི་དང་། རོ་དང་། རེག་བྱ་ལས་བྱུང་བའི་ཉོན་མོངས་པ་ཐམས་ཅད་བྱང་བར་གྱུར་ཏེ། ནང་གི་དངོས་པོའི་ཉོན་མོངས་པ་ལྔ་བརྒྱ་དང་། ཕྱི་རོལ་གྱི་དངོས་པོའི་ཉོན་མོངས་པ་ལྔ་བརྒྱ་དང་། འདོད་ཆགས་ལ་སྤྱོད་པའི་ཉོན་མོངས་པ་སྟོང་
D44.037.0061a07.01