完整藏文原文 · 德格版页 当前仅加载第 37 函德格 102b 版页；藏文 NFD、目录标记与异常页序保留在来源切片中，重复版页行以稳定序号区分。
ཅིང་། རང་བྱུང་གི་ཡེ་ཤེས་ཚད་མེད་པ་དང་། བྱང་ཆུབ་སེམས་དཔའི་སྤྱོད་པ་མི་འཕྲོགས་པ་དང་། དེ་བཞིན་གཤེགས་པ་རྣམས་ཀྱི་ཡེ་ཤེས་ཀྱིས་ཐམས་ཅད་དུ་ཁྱབ་ཅིང་ལྷུན་གྱིས་གྲུབ་པ་ཡང་རབ་ཏུ་རྗོད་དོ། །སྒྲ་དེ་ཐོས་ནས་ཀྱང་སེམས་ཅན་ཚད་མེད་
D44.037.0102b01.01གྲངས་མེད་པ་དགེ་བའི་ཆོས་ལ་ཤིན་ཏུ་བརྩོན་པར་འགྱུར་ཏེ། ལ་ལ་ནི་ཉན་ཐོས་ཀྱི་ཐེག་པ་ལ། ལ་ལ་ནི་རང་སངས་རྒྱས་ཀྱི་ཐེག་པ་ལ། ལ་ལ་ནི་བླ་ན་མེད་པའི་ཐེག་པ་ཆེན་པོ་ལ། མངོན་པར་འཇུག་ཀྱང་། དེ་བཞིན་གཤེགས་པའི་གསུང་དེ་ནི་གང་ལའང་ཞུགས་
D44.037.0102b02.01པ་མེད་དེ། གང་གིས་ཀྱང་ཚིག་ཏུ་མི་བརྗོད་དོ། །ཀྱེ་རྒྱལ་བའི་སྲས་ཁོང་དུ་ཆུད་པར་བྱ་བའི་སྒོ་གསུམ་པ་འདིས་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པའི་གསུང་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་གཞན་ཡང་འདི་ལྟ་སྟེ།
D44.037.0102b03.01དཔེར་ན། ལྷའི་རྒྱལ་པོ་དབང་བསྒྱུར་གྱི་ལྷའི་བུ་མོ་བཟང་མོ་ཞེས་བྱ་བའི་ཁའི་དབུགས་གཅིག་གིས་ལྷ་རྫས་ཀྱི་རོལ་མོའི་སྒྲ་ཡན་ལག་བརྒྱ་ཕྲག་སྟོང་དང་ལྡན་པའི་ང་རོ་འབྱུང་སྟེ། སྒྲ་དེ་འབྱུང་བ་ན་སྒྲ་རྣམ་པ་ཐ་དད་པ་བརྒྱ་ཕྲག་སྟོང་གི་དབྱངས་སུ་གྲག་གོ །ཀྱེ་
D44.037.0102b04.01རྒྱལ་བའི་སྲས་ལྟོས་དང་། དེ་ལྟར་ཁའི་དབུགས་གཅིག་པུ་ལས་ཀྱང་། སྒྲའི་དབྱངས་ཚད་མེད་པ་འབྱུང་བར་རུང་ངོ་། །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པའི་གསུང་གཅིག་འབྱུང་ཡང་ཚད་མེད་པར་ཁྱབ་སྟེ། སེམས་ཅན་གྱི་
D44.037.0102b05.01བསམ་པ་ཇི་ལྟ་བ་བཞིན་དུ་སེམས་ཀྱི་རྒྱུད་ལ་མོས་པའི་ཚུལ་དང་འདྲ་བར་ཚད་མེད་པའི་སྒྲའི་རྣམ་པར་དེ་བཞིན་གཤེགས་པའི་གསུང་གྲག་གོ །ཀྱེ་རྒྱལ་བའི་སྲས་ཁོང་དུ་ཆུད་པར་བྱ་བའི་སྒོ་བཞི་པ་འདིས་ཀྱང་། དེ་བཞིན་གཤེགས་པའི་གསུང་ཁོང་དུ་ཆུད་
D44.037.0102b06.01པར་བྱའོ། །ཀྱེ་རྒྱལ་བའི་སྲས་གཞན་ཡང་འདི་ལྟ་སྟེ་དཔེར་ན། ཚངས་པ་ཆེན་པོ་ནི་ཚངས་པའི་འཇིག་རྟེན་ན་འདུག་ཀྱང་འདོད་ན། ཚངས་པའི་འཁོར་ཐམས་ཅད་དུ་ཚངས་པའི་དབྱངས་ཀྱིས་གོ་བར་བྱེད་དོ། །དབྱངས་དེ་ཡང་ཚངས་པའི་འཁོར་ལས་
D44.037.0102b07.01