完整藏文原文 · 德格版页 当前仅加载第 37 函德格 227b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པར་ཞུགས་པས། བྱང་ཆུབ་སེམས་དཔའ་རྣམས་ཀྱི་སྙིང་པོ་ཞིང་ཐམས་ཅད་དང་། ཆོས་ཐམས་ཅད་དང་སངས་རྒྱས་ཐམས་ཅད་མཉམ་པ་ཉིད་དུ་ཁོང་དུ་ཆུད་པར་གནས་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སྙིང་པོ་སྟེ། དེ་དག་
D44.037.0227b01.01ལ་གནས་ཤིང་བྱང་ཆུབ་སེམས་དཔའ་རྣམས་དགེ་བའི་རྩ་བ་ཐམས་ཅད་མ་ལོག་པས་དེ་བཞིན་གཤེགས་པའི་ཡེ་ཤེས་ཆེན་པོའི་སྙིང་པོ་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སྙིང་སྟེ། བཅུ་གང་
D44.037.0227b02.01ཞེ་ན་བརྩམས་པ་ཐམས་ཅད་མཐར་ཕྱིན་པར་བྱ་བའི་ཕྱིར་ཞེ་ནོན་པའི་སྙིང་དང་། མཚན་དང་དཔེ་བྱད་བཟང་པོའི་བསོད་ནམས་ཀྱི་ཚོགས་ཡོངས་སུ་བསྡུ་བའི་ཕྱིར་སེམས་ཞུམ་པ་མེད་པའི་སྙིང་དང་། བདུད་ཀྱི་སྡེ་ཐམས་ཅད་རབ་ཏུ་གཞོམ་པའི་ཕྱིར་རྣམ་པར་གནོན་པ་ཆེན་
D44.037.0227b03.01པོའི་སྙིང་དང་། ཉོན་མོངས་པ་ཐམས་ཅད་ཀྱིས་མི་ཚུགས་པའི་ཕྱིར་ཚུལ་བཞིན་དུ་སྦྱོར་བའི་སྙིང་དང་། སྙིང་པོ་བྱང་ཆུབ་ཀྱི་བར་དུ་ཕྱིན་པར་བྱ་བའི་ཕྱིར་ཕྱིར་མི་འགྱུར་ཞིང་། ཕྱིར་མི་ལྡོག་པའི་སྙིང་དང་། སེམས་འཕོ་བ་མེད་པར་ཁོང་དུ་ཆུད་པས་མངོན་
D44.037.0227b04.01པར་ཆགས་པ་མེད་པའི་ཕྱིར་རང་བཞིན་གྱི་འོད་གསལ་བའི་སྙིང་དང་། ཇི་ལྟར་མོས་པའི་ཚུལ་བཞིན་དུ་རྣམ་པར་ཐར་པ་འཐོབ་པ་བྱ་བའི་ཕྱིར། སེམས་ཅན་གྱི་ཚུལ་ཤེས་པའི་སྙིང་དང་། ཐེག་པ་གཞན་ལ་མོས་པ་མེད་པར་སེམས་ཅན་གྱི་ཁམས་ཡོངས་སུ་བསྐྱབ་
D44.037.0227b05.01པའི་ཕྱིར། ཚངས་པའི་རྣམ་པར་སྤྱོད་པ་རྒྱ་ཆེན་པོས་སངས་རྒྱས་ཀྱི་ཆོས་ལ་འཇུག་པའི་སྙིང་དང་། ལྟ་བའི་མཚན་མས་ཁམས་གསུམ་ལ་མངོན་པར་ཆགས་པ་མེད་པར་བྱ་བའི་ཕྱིར་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དང་། མངོན་
D44.037.0227b06.01པར་འདུ་བྱ་བ་མེད་པའི་སྙིང་དང་། སེམས་ཅན་ཐམས་ཅད་བདུད་དུ་གྱུར་པའི་སྒོས་བདུད་ཐམས་ཅད་འོངས་པར་གྱུར་ཀྱང་། སྤུ་གཅིག་ཀྱང་མི་གཡོ་བས་དཔལ་གྱི་བེའུས་བརྒྱན་ཅིང་རྡོ་རྗེའི་ཁམས་ལྟར་སྲ་ཞིང་བརྟན་པའི་སྙིང་པོ་དམ་པ་དང་ལྡན་པའི་སྙིང་ངོ་། །ཀྱེ་
D44.037.0227b07.01