完整藏文原文 · 德格版页 当前仅加载第 37 函德格 187b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་དག་ནི་ཉན་ཐོས་ཀྱི་ཆོས་སོ། །འདི་དག་ནི་སོ་སོའི་སྐྱེ་བོའི་ཆོས་སོ། །འདི་དག་ནི་དགེ་བ་དང་མི་དགེ་བའི་ཆོས་སོ། །འདི་དག་ནི་འཇིག་རྟེན་གྱི་ཆོས་སོ། །འདི་དག་ནི་འཇིག་རྟེན་ལས་འདས་པའི་ཆོས་སོ། །འདི་དག་ནི་ཁ་ན་མ་ཐོ་བ་དང་བཅས་པའི་
D44.037.0187b01.01ཆོས་སོ། །འདི་དག་ནི་ཁ་ན་མ་ཐོ་བ་མེད་པའི་ཆོས་སོ། །འདི་དག་ནི་ཟག་པ་དང་བཅས་པའི་ཆོས་སོ། །འདི་དག་ནི་ཟག་པ་མེད་པའི་ཆོས་སོ། །འདི་དག་ནི་འདུས་བྱས་ཀྱི་ཆོས་སོ། །འདི་དག་ནི་འདུས་མ་བྱས་ཀྱི་ཆོས་སོ། །ཞེས་བྱ་བར་རབ་
D44.037.0187b02.01ཏུ་ཤེས་པ་འདི་ནི་བྱང་ཆུབ་སེམས་དཔའ་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་རྣམ་པར་སྤྱོད་པ་རིན་པོ་ཆེ་ལྟ་བུ་བདུན་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་ནི་སངས་རྒྱས་བཅོམ་ལྡན་འདས་ཀྱང་མི་
D44.037.0187b03.01དམིགས། བྱང་ཆུབ་སེམས་དཔའ་ཡང་མི་དམིགས་ཆོས་ཀྱང་མི་དམིགས་སེམས་ཅན་ཡང་མི་དམིགས་ཏེ། འདི་ལྟར་སེམས་ཅན་ཐམས་ཅད་གདུལ་བ་དང་། ཆོས་ཐམས་ཅད་རྟོགས་པར་བྱ་བའི་ཕྱིར་སྨོན་ལམ་གྱི་རྒྱུན་ཀྱང་མི་གཅོད་དོ། །
D44.037.0187b04.01དེ་ཅིའི་ཕྱིར་ཞེ་ན། ཀྱེ་རྒྱལ་བའི་སྲས་དེ་ནི་བྱང་ཆུབ་སེམས་དཔའ་སེམས་ལ་མཁས་པས་སེམས་ཅན་གཞན་གྱི་རབ་ཏུ་རྟོག་པ་ལ་མཁས་པ་དང་། སེམས་ཅན་ཐམས་ཅད་ཀྱི་དམིགས་པ་ལ་མཁས་པས། སེམས་ཅན་ཐམས་ཅད་ལ་གདམས་
D44.037.0187b05.01ངག་རྗེས་སུ་སྟོན་པ་ལ་མཁས་པ་དང་། སེམས་ཅན་ཐམས་ཅད་ཡོངས་སུ་མྱ་ངན་ལས་འདའ་བར་བྱ་བ་ལ་མཁས་པའི་ཕྱིར་ཏེ། བྱང་ཆུབ་སེམས་དཔའི་སྤྱོད་པ་དེ་ཡང་སྨོན་ལམ་ཡོངས་སུ་རྫོགས་པར་བྱ་བའི་ཕྱིར་སྤྱོད་པ་འདི་ནི་བྱང་ཆུབ་སེམས་
D44.037.0187b06.01དཔའི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་རྣམ་པར་སྤྱོད་པ་རིན་པོ་ཆེ་ལྟ་བུ་བརྒྱད་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་ནི་འདུ་ཤེས་ཀྱི་བྱིན་གྱི་རླབས་ཐམས་ཅད་ལ་མཁས་པས། ཆོས་རབ་ཏུ་སྟོན་ཅིང་
D44.037.0187b07.01