完整藏文原文 · 德格版页 当前仅加载第 37 函德格 323b 版页；藏文 NFD、目录标记与异常页序保留在来源切片中，重复版页行以稳定序号区分。
དཔལ། །དེ་ལྟར་ཁྱོད་ནི་ཀུན་ཏུ་བཟང་པོའི་སྤྱོད་པ་ལ། །འགྲོ་ལ་ཕན་ཕྱིར་སྨོན་བྱེད་པ། །བསོད་ནམས་རྒྱ་མཚོ་དགེ་ཞིང་དག་པའི་མཚན། །མཐའ་དང་དབུས་{མྱེད་,མེད་}ཚད་{མྱེད་,མེད་}པའི། །ཕྱོགས་བཅུའི་འཇིག་རྟེན་སངས་རྒྱས་ཀུན་ཀྱང་མཐོང་བར་འགྱུར། །དྲན་
D44.037.0323b01.01པའི་མཐུ་དང་སྟོབས་ཀྱིས་ཀྱང་། །དེ་དག་ཆོས་ཀྱི་སྤྲིན་ཀྱང་ཡོངས་སུ་འཛིན་པར་འགྱུར། །དེ་ལྟར་ཁྱོད་ཀྱིས་ཕྱོགས་བཅུ་ཡི། །སངས་རྒྱས་ཞིང་རྣམས་ཀུན་ཏུ་རྒྱལ་བ་མཐོང་ནས་ཀྱང་། །བྱང་ཆུབ་སྤྱོད་པའི་དོན་གྱི་ཕྱིར། །དེ་དག་ཀུན་ལ་སྨོན་ལམ་རྒྱ་མཚོ་
D44.037.0323b02.01དག་བྱེད་འགྱུར། །འཇིག་རྟེན་གཙོ་ལ་སློབ་བྱེད་ཅིང་། །གང་རྣམས་སངས་རྒྱས་ས་ལ་གནས་ནི་བཅས་བྱས་ཤིང་། །འདི་ཚུལ་རྒྱ་མཚོར་ཞུགས་གྱུར་པ། །དེ་དག་ཀུན་ཀྱང་ཐམས་ཅད་གཟིགས་པར་འགྱུར། །ཁྱོད་ནི་འབྱམ་ཀླས་ཞིང་ཀུན་ཏུ། །བསྐལ་
D44.037.0323b03.01མང་ཞིང་རྡུལ་སྙེད་དུ་ཀུན་ཏུ་བཟང་པོ་ཡི། །སྤྱོད་པའི་དམ་པ་སྤྱོད་བྱས་ཤིང་། །བྱང་ཆུབ་དམ་པ་ཞི་བ་འཐོབ་པར་འགྱུར། །ཞིང་རྣམས་མཐའ་དང་དབུས་མེད་པ། །མ་ལུས་ཀུན་ཏུ་བསྐལ་པ་རྒྱ་མཚོར་སྤྱད་པར་གྱིས། །ཀུན་ཏུ་བཟང་པོའི་སྤྱོད་མཆོག་ཕྱིར། །
D44.037.0323b04.01སྨོན་ལམ་རྒྱ་ཆེན་ཡོངས་སུ་རྫོགས་པར་བྱོས། །ཁྱོད་ནི་སྨོན་ལམ་ཐོས་གྱུར་ནས། །སེམས་ཅན་ཁྲག་ཁྲིག་དགའ་བ་ཡོངས་སུ་སྐྱེས་གྱུར་ཅིང་། །ཀུན་ཏུ་བཟང་པོའི་ཡེ་ཤེས་ཀྱིས། །བྱང་ཆུབ་མཆོག་ཏུ་སྨོན་པ་བྱེད་ལ་ལྟོས། །དེ་ནས་འཇམ་དཔལ་
D44.037.0323b05.01གཞོན་ནུར་གྱུར་པས་ཚིགས་སུ་བཅད་པ་དེ་དག་སྨྲས་ནས། ཚོང་དཔོན་གྱི་བུ་ནོར་{བཟངས་,བཟང་}ལ་འདི་སྐད་ཅེས་བསྒོའོ། །རིགས་ཀྱི་བུ་དེ་ལྟར་ཁྱོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ཅིང་། །བྱང་ཆུབ་སེམས་དཔའི་སྤྱོད་པ་ཡོངས་
D44.037.0323b06.01སུ་བཙལ་བར་སེམས་པ་ལེགས་སོ་ལེགས་སོ། །རིགས་ཀྱི་བུ་འདི་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དེ་ལྟ་བུའི་སེམས་ཅན་ཡང་རབ་ཏུ་དཀོན་ཏེ། དེ་བས་ཀྱང་གང་གིས་བླ་ན་མེད་པ་ཡང་དག་པར་རྫོགས་པའི་བྱང་
D44.037.0323b07.01