完整藏文原文 · 德格版页 当前仅加载第 37 函德格 13b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་རྣམས་ནི་འོད་ཚད་མེད་པ་མངའ་བ་སྟེ། འཇིག་རྟེན་གྱི་ཁམས་མ་ལུས་པ་ཐམས་ཅད་དུ་འོད་མ་འདྲེས་ཤིང་། རྒྱན་དུ་མ་དང་ལྡན་པ་ཁ་དོག་སྣ་ཚོགས་བརྗོད་དུ་མེད་པའི་ཡང་བརྗོད་དུ་མེད་པའི་རྒྱན་དང་ལྡན་པ། འོད་ཀྱི་སྣང་བ་ཀུན་ཏུ་ཐོགས་
D44.037.0013b01.01པ་མེད་ཅིང་། ཐམས་ཅད་དུ་ཆགས་པ་མེད་པ་འོད་ཀྱི་དཀྱིལ་འཁོར་བསྒྲིབས་པ་མེད་པ་ཚད་མེད་པའི་མཛོད་དུ་གྱུར་པ། འོད་ཐམས་ཅད་ཀྱི་འབྱུང་གནས་སུ་གྱུར་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་འོད་ཀྱི་རྒྱན་མཆོག་དམ་པ་བླ་ན་མེད་པའོ། །
D44.037.0013b02.01སངས་རྒྱས་བཅོམ་ལྡན་འདས་རྣམས་ནི་ཁ་དོག་མཐའ་ཡས་པ་མངའ་བ་སྟེ། ཁ་དོག་ཡིད་དུ་འོང་བ་མངའ་བའོ། །ཁ་དོག་འོད་གསལ་བ་མངའ་བའོ། །ཁ་དོག་ཚད་མེད་པ་མངའ་བའོ། །སེམས་ཅན་གྱི་ཁམས་མ་ལུས་པ་ཐམས་ཅད་ཀྱི་
D44.037.0013b03.01བསམ་པ་དང་། མོས་པ་བཞིན་དུ་རྣམ་པར་དམིགས་པའི་ཁ་དོག་མངའ་བའོ། །དེ་མ་ཡིན་པའི་ཁ་དོག་གཞན་ཁམས་གསུམ་དུ་གཏོགས་པ་ཐམས་ཅད་ཟིལ་གྱིས་གནོན་པའི་ཁ་དོག་མངའ་བའོ། །ཁ་དོག་ཐམས་ཅད་ཀྱི་ཕ་རོལ་ཏུ་ཕྱིན་པ་
D44.037.0013b04.01བརྙེས་པས་སངས་རྒྱས་བཅོམ་ལྡན་འདས་རྣམས་ནི་ཁ་དོག་བླ་ན་མེད་པ་མངའ་བ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཁ་དོག་གི་རྒྱན་མཆོག་དམ་པ་བླ་ན་མེད་པའོ། །སངས་རྒྱས་བཅོམ་ལྡན་འདས་རྣམས་ནི་དགེ་བས་ཤིན་ཏུ་རྣམ་པར་
D44.037.0013b05.01དག་པ་སྟེ། འདས་པ་དང་། མ་བྱོན་པ་དང་ད་ལྟར་བྱུང་བའི་སངས་རྒྱས་ཐམས་ཅད་ཀྱི་རིགས་དགེ་བ་རིན་པོ་ཆེའི་འབྱུང་གནས་སུ་གྱུར་པ་ལ་ཤིན་ཏུ་བྱུང་བའོ། །ཆོས་ཉིད་ཀྱི་རྣམ་པ་ཐམས་ཅད་དུ་ཁྱད་པར་ཡོད་པ་དང་ཁྱད་པར་མེད་པའི་སྤྱོད་པས་
D44.037.0013b06.01རྣམ་པར་དག་པའི་རྒྱན་གྱི་ཡེ་ཤེས་སྐྱེ་བ་ཐམས་ཅད་ཀྱི་ནང་དུ་གཏོགས་པ་དང་། དེ་བཞིན་གཤེགས་པའི་རིགས་བསྒྲིབས་པ་མེད་པའི་རྒྱུད་རྣམ་པར་དག་པས། འཇིག་རྟེན་གྱི་མི་སྙན་པ་ཐམས་ཅད་ཀྱིས་མི་སྙན་པར་བརྗོད་དུ་མེད་པ་སྟེ། འདི་ནི་སངས་
D44.037.0013b07.01