完整藏文原文 · 德格版页 当前仅加载第 37 函德格 88b 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་། ཀུན་ནས་འབྱུང་བ་མེད་ཅིང་ནམ་ཡང་ནུབ་པ་མེད། །དེ་བཞིན་འཇིག་རྟེན་ཀུན་འདས་དེ་དག་སྤྱོད་ཡུལ་ཏེ། །དེ་བཞིན་ཉིད་དང་ཚུལ་མཚུངས་འཕེལ་དང་འགྲིབ་པ་སྤངས། །ཡང་དག་མཐའ་ནི་མཐའ་མེད་མཐའ་ལ་གནས་པ་སྟེ། །དུས་
D44.037.0088b01.01གསུམ་ཀུན་དང་རྣམ་པ་ཀུན་ཏུ་རྣམ་པར་བྲལ། །དེ་བཞིན་མགོན་པོ་ཕན་མཛད་ཀུན་གྱི་སྤྱོད་ཡུལ་ཏེ། །དུས་གསུམ་རྒྱས་མཛད་རྣམ་པ་ཀུན་ཏུ་ཆགས་མི་མངའ། །རང་བཞིན་བྱས་པ་མེད་པས་རྣམ་པར་འགྱུར་བ་མེད། །རང་བཞིན་མཁའ་འདྲ་དྲི་
D44.037.0088b02.01མེད་ཉོན་མོངས་མེད་པ་སྟེ། །དེ་བཞིན་རྒྱལ་བ་རྣམས་ཀྱི་རང་བཞིན་ཀུན་ཏུ་དག །རང་བཞིན་འགྱུར་དང་བྲལ་ཞིང་ཡོད་དང་མེད་པ་མིན། །སྒྲ་དང་ཚིག་ལས་རྣམ་གྲོལ་དབྱངས་རྣམས་ཐམས་ཅད་མེད། །འགྲོ་དང་འོད་བྲལ་རྣམ་རྟོག་མེད་པས་
D44.037.0088b03.01མྱ་ངན་འདས། །དེ་བཞིན་སྟོབས་བཅུ་མངའ་བའི་སྤྱོད་ཡུལ་རང་བཞིན་མེད། །ཚིག་གི་རང་བཞིན་ཀུན་གྱིས་བརྗོད་པར་མི་ནུས་སོ། །དེ་ལྟར་ཆོས་ཀུན་རང་བཞིན་ཞི་བ་མཁྱེན་གྱུར་པས། །ཇི་ལྟར་ནམ་མཁའི་རླུང་དང་བྱ་རྗེས་འདྲ་བ་སྟེ། །སྔོན་
D44.037.0088b04.01ཆད་སྨོན་ལམ་མཛད་པ་གཟུགས་ཀྱི་སྐུར་ཡང་སྣང་། །སྟོབས་བཅུ་མངའ་བ་རྣམས་ཀྱི་ཆོ་འཕྲུལ་ཅི་འདྲ་ལྟོས། །རྒྱལ་བའི་སྤྱོད་ཡུལ་འདི་ལ་འཇུག་པར་སུ་འདོད་པ། །དེས་ནི་ནམ་མཁའ་འདྲ་བ་བསམ་པ་ཡོངས་སུ་སྦྱོངས། །རྟོག་དང་རྣམ་
D44.037.0088b05.01པར་རྟོག་དང་འདུ་ཤེས་འཛིན་སྤངས་ཏེ། །ནམ་མཁའ་ལྟ་བུའི་ཡིད་ཀྱིས་དེ་ལ་འཇུག་པར་གྱིས། །དེ་བས་བདེ་གཤེགས་སྲས་རྣམས་མགོན་པོའི་སྤྱོད་ཡུལ་རྣམས། །བདག་གིས་དཔེ་ཙམ་ཆུང་ཤས་བཤད་ཀྱིས་མཉན་པར་གྱིས། །སྟོབས་
D44.037.0088b06.01བཅུ་མངའ་བའི་ཡོན་ཏན་མཐར་ཕྱིན་མི་ནུས་ཀྱང་། །ཤས་ཙམ་ཤེས་པར་བྱ་བའི་དོན་དུ་{ཆུང་ཟད་,ཅུང་ཟད་}བརྗོད། །དེ་དག་སྐུ་ཡི་ཕྲིན་ལས་ཇི་ལྟར་འབྱུང་བ་དང་། །མགོན་པོ་རྣམས་ཀྱི་གསུང་དང་ཐུགས་ཀྱི་སྤྱོད་ཡུལ་དང་། །སྟོབས་བཅུ་རྣམས་ཀྱི་ཡུལ་དང་
D44.037.0088b07.01