完整藏文原文 · 德格版页 当前仅加载第 37 函德格 210a 版页；藏文 NFD、目录标记与异常页序保留在来源切片中，重复版页行以稳定序号区分。
གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་འཕྲིན་ལས་རྒྱ་ཆེན་པོ་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ལུས་ཏེ། བཅུ་གང་ཞེ་ན་འདི་
D44.037.0210a01.01ལྟར་འགྲོ་བ་ཐམས་ཅད་དུ་བྱུང་བ་མེད་པས། བྱང་ཆུབ་སེམས་དཔའི་ལུས་ནི་འོངས་པ་མེད་པའོ །འགྲོ་བ་ཐམས་ཅད་དུ་མི་དམིགས་པ་མེད་པས་བྱང་ཆུབ་སེམས་དཔའི་ལུས་ནི་འོངས་པའོ། །འཇིག་རྟེན་ཐམས་ཅད་ཀྱིས་དམིགས་པ་ཇི་ལྟ་བ་བཞིན་དུ་བྱང་ཆུབ་
D44.037.0210a02.01སེམས་དཔའི་ལུས་ནི་བདེན་པ་མ་ཡིན་པའོ། །འཇིག་རྟེན་གྱི་བདེན་པ་རྣམ་པར་དམིགས་པ་ཇི་ལྟ་བ་བཞིན་དུ་བྱང་ཆུབ་སེམས་དཔའི་ལུས་ནི་{བརྫུན་,རྫུན་}པ་མ་ཡིན་ནོ། །ཕྱི་མའི་མཐའི་མུར་རྒྱུན་མི་འཆད་པས་བྱང་ཆུབ་སེམས་དཔའི་ལུས་ནི་རྒྱུན་མི་ཟད་པའོ། །བདུད་
D44.037.0210a03.01ཐམས་ཅད་ཀྱིས་མི་ཤིགས་པས་བྱང་ཆུབ་སེམས་དཔའ་རྣམས་ཀྱི་ལུས་ནི་བརྟེན་པའོ། །བདུད་ཀྱི་རྒོལ་བ་ཐམས་ཅད་ཀྱིས་མི་སྒུལ་བས་བྱང་ཆུབ་སེམས་དཔའི་ལུས་ནི་སྲ་བའོ། །བསོད་ནམས་བརྒྱ་པའི་མཚན་གྱིས་ཤིན་ཏུ་རྣམ་པར་དག་པར་སྣང་བས་བྱང་
D44.037.0210a04.01ཆུབ་སེམས་དཔའི་ལུས་ནི་མཚན་བཟང་པོ་དང་ལྡན་པའོ། །ཆོས་ཀྱི་མཚན་ཉིད་མེད་པའི་མཐར་ཐུག་པས་བྱང་ཆུབ་སེམས་དཔའི་ལུས་ནི་མཚན་ཉིད་མེད་པའོ། །འདས་པ་དང་། མ་བྱོན་པ་དང་། ད་ལྟར་བྱུང་བའི་དེ་བཞིན་གཤེགས་པ་ཐམས་ཅད་ཀྱི་
D44.037.0210a05.01སྐུ་དང་མཉམ་པ་ཉིད་ཐོབ་པས་བྱང་ཆུབ་སེམས་དཔའི་ལུས་ནི་ཀུན་ཏུ་སོང་བའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ལུས་ཏེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་སྐུ་མི་ཟད་པ་བླ་ན་
D44.037.0210a06.01མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ལུས་ཀྱི་ལས་ཏེ། བཅུ་གང་ཞེ་ན། འདི་ལྟར་འཇིག་རྟེན་གྱི་ཁམས་ཐམས་ཅད་ལུས་གཅིག་གིས་རྒྱས་པར་འགེངས་པའི་ལུས་ཀྱི་ལས་དང་། སེམས་
D44.037.0210a07.01