完整藏文原文 · 德格版页 当前仅加载第 37 函德格 78a 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་གཞན་གྱི་ལུས་ཀྱི་སེང་གེའི་ཁྲི་ལས་བྱང་ཆུབ་སེམས་དཔའ་ཀུན་ཏུ་བཟང་པོའི་ལུས་ཀྱི་སེང་གེའི་ཁྲི་བརྒྱ་ཕྲག་སྟོང་གྱུར་དུ་བཟང་ཞིང་ཁྱད་པར་དུ་འཕགས་པར་སྣང་ངོ་། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་
D44.037.0078a01.01པོ་དེ་བཞིན་གཤེགས་པའི་རིགས་སུ་བྱུང་བའི་དཔལ་གྱིས། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དེ་བཞིན་གཤེགས་པས་ཆོ་འཕྲུལ་ཆེན་པོ་འཇིག་རྟེན་ཐམས་ཅད་ཀྱིས་ཁོང་དུ་
D44.037.0078a02.01ཆུད་པར་དཀའ་བ། བྱང་ཆུབ་སེམས་དཔའ་རྣམས་རབ་ཏུ་དགའ་བར་འགྱུར་བ་བསམ་གྱིས་མི་ཁྱབ་པ་འདི་ལྟ་བུ་བསྟན་ན། ཀྱེ་རྒྱལ་བའི་སྲས་དེ་གང་གི་སྔོན་གྱི་མཚན་མར་འགྱུར། དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་སེམས་དཔའ་
D44.037.0078a03.01ཆེན་པོ་ཀུན་ཏུ་བཟང་པོས། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པའི་རིགས་སུ་བྱུང་བའི་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དེ་ནི་བདག་འདི་སྙམ་དུ་སེམས་ཏེ། སྔོན་གྱི་ཡང་དག་པར་རྫོགས་པའི་སངས་རྒྱས་
D44.037.0078a04.01རྣམས་ཀྱི་ཆོ་འཕྲུལ་ཆེན་པོ་འདི་འདྲ་བ་དག་ཀྱང་མཐོང་སྟེ། དེ་བཞིན་གཤེགས་པ་རྣམས་ནི་དེ་བཞིན་གཤེགས་པ་སྐྱེ་བ་འབྱུང་བ་བསྟན་པ་ཞེས་བྱ་བའི་ཆོས་ཀྱི་རྣམ་གྲངས་བསྟན་པར་དགོངས་པ་དང་། ཆོ་འཕྲུལ་ཆེན་པོའི་རྣམ་པ་འདི་ལྟ་བུ་དག་སྟོན་པ་མཛད་དོ། །
D44.037.0078a05.01དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པའི་རིགས་སུ་བྱུང་བའི་དཔལ་གྱིས། དེ་བཞིན་གཤེགས་པ་སྐྱེ་བ་འབྱུང་བ་བསྟན་པའི་ཆོས་ཀྱི་རྣམ་གྲངས་ཀྱི་མིང་ཐོས་པར་གྱུར་མ་ཐག་ཏུ། དེའི་ཚེས་ཆེན་པོ་གཡོས་པར་གྱུར་ཏོ། །
D44.037.0078a06.01དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པའི་རིགས་སུ་བྱུང་བའི་དཔལ་གྱིས། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་ལེགས་པར་སྤོབས་པར་མཛོད་ཅིག །
D44.037.0078a07.01