完整藏文原文 · 德格版页 当前仅加载第 37 函德格 14b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ནི་སེམས་ཅན་ཇི་ལྟར་ཡོངས་སུ་སྨིན་པ་དང་། སྨོན་ལམ་ཇི་ལྟར་བཏབ་པའི་ཚུལ་བཞིན་དུ། འདུལ་བ་ལ་ཐོགས་པ་མི་མངའ་བས་མངའ་ཆེ་བ་སྟེ། འདི་ནི་སངས་རྒྱས་ཀྱི་མངའ་ཆེན་པོས་མངའ་བསྒྱུར་བའི་ཆོས་གཉིས་པའོ། །སངས་རྒྱས་
D44.037.0014b01.01བཅོམ་ལྡན་འདས་རྣམས་ནི་འཇིག་རྟེན་གྱི་ཁམས་མ་ལུས་པ་ཐམས་ཅད་སེམས་ཅན་གཅིག་ལ་ཡང་གནོད་པ་མེད་པར་རྣམ་པ་དྲུག་ཏུ་རབ་ཏུ་བསྐྱོད་པ་དང་། འཇིག་རྟེན་གྱི་ཁམས་རྒྱན་རྣམ་པར་བཀོད་པ་གྲངས་མེད་ཚད་མེད་པ་དང་ལྡན་པ་ནམ་མཁའི་དབྱིངས་
D44.037.0014b02.01ཀྱི་མཐས་གཏུགས་པ་ཐམས་ཅད་གཅིག་ནས་གཅིག་ཏུ་འཕང་བ་དང་། གཅིག་ནས་གཅིག་ཏུ་གཞུག་པ་དང་། གཅིག་ནས་གཅིག་ཏུ་བསྡུ་བ་དང་། གཅིག་ནས་གཅིག་ཏུ་བསྲེ་བས་འཇིག་རྟེན་གྱི་ཁམས་གཞན་དང་གཞན་དག་གཞན་དང་གཞན་གྱི་ཕྱོགས་
D44.037.0014b03.01སུ་རབ་ཏུ་བཞག་ཀྱང་སེམས་ཅན་གྱི་ཁམས་རྣམས་འཁོར་ཞིང་རྨོངས་པར་མི་འགྱུར་ལ། ཐེ་ཙོམ་དུ་མི་འགྱུར་བར་མཛད་པས་མངའ་ཆེ་བ་སྟེ། འདི་ནི་སངས་རྒྱས་ཀྱི་མངའ་ཆེན་པོས་མངའ་བསྒྱུར་བའི་ཆོས་གསུམ་པའོ། །སངས་རྒྱས་བཅོམ་ལྡན་
D44.037.0014b04.01འདས་རྣམས་ནི་འཇིག་རྟེན་གྱི་ཁམས་མ་ལུས་པ་ཐམས་ཅད་བྱིན་གྱིས་རློབ་པའི་ཡེ་ཤེས་ཀྱིས་འཇིག་རྟེན་གྱི་ཁམས་ཀྱི་རྒྱན་ཕན་ཚུན་དུ་བྱིན་གྱིས་བརླབ་པ་དང་། དགོངས་པའི་སྐད་ཅིག་གིས་འཇིག་རྟེན་གྱི་ཁམས་ཐམས་ཅད་ཀྱི་རྒྱན་ཡང་དག་པར་
D44.037.0014b05.01བསྟན་པ་དང་། བསྐལ་པ་གྲངས་མེད་པར་བརྗོད་ཀྱང་ཡི་གེ་ཤིན་ཏུ་བསྟན་པ་ཟད་མི་ཤེས་པ་དང་། འཇིག་རྟེན་གྱི་ཁམས་མ་ལུས་པ་ཐམས་ཅད་རྒྱན་ཐམས་ཅད་ཀྱིས་རྣམ་པར་བརྒྱན་པ་དང་། མི་མཐུན་པ་མེད་ཅིང་ཉེ་བར་ཉོན་མོངས་པ་མེད་པ་དང་།
D44.037.0014b06.01སངས་རྒྱས་ཀྱི་ཞིང་གཅིག་ཏུ་ཡོངས་སུ་འདུ་བར་སངས་རྒྱས་ཀྱི་ཞིང་རྣམ་པར་དག་པ་ཐམས་ཅད་བྱིན་གྱིས་བརླབ་པ་ལ་མངའ་ཆེ་བ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་མངའ་ཆེན་པོས་མངའ་བསྒྱུར་བའི་ཆོས་བཞི་པའོ། །སངས་རྒྱས་
D44.037.0014b07.01