完整藏文原文 · 德格版页 当前仅加载第 37 函德格 105a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་ཁེབས་པར་བྱེད་དོ། །སྤྲིན་གྱི་དྲ་བའི་རྒྱན་དེ་དག་ལ་ཡང་ཁ་དོག་རྣམ་པ་ཐ་དད་པའི་གཟུགས་རྣམ་པར་བྱེ་བ་འདི་ལྟ་བུ་དག་སྣང་ཞིང་ཡོད་དེ། །འདི་ལྟར་ལ་ལ་ནི་འཛམ་བུ་ཆུ་ཀླུང་གི་གསེར་གྱི་ཁ་དོག་ཏུ་སྣང་ངོ་། །ལ་ལ་ནི་བཻཌཱུརྱ་
D44.037.0105a01.01བཟང་པོའི་ཁ་དོག་ཏུ་སྣང་ངོ་། །ལ་ལ་ནི་དངུལ་གྱི་ཁ་དོག་ཏུ་སྣང་ངོ་། །ལ་ལ་ནི་ཤེལ་གྱི་ཁ་དོག་ཏུ་སྣང་ངོ་། །ལ་ལ་ནི་མུ་ས་ར་གལ་པའི་ཁ་དོག་ཏུ་སྣང་ངོ་། །ལ་ལ་ནི་ཨ་སྨ་གར་བྷའི་ཁ་དོག་ཏུ་སྣང་ངོ་། །ལ་ལ་ནི་དཔལ་གྱི་སྙིང་པོའི་ཁ་དོག་ཏུ་སྣང་ངོ་། །ལ་ལ་ནི་མུ་
D44.037.0105a02.01ཏིག་དམར་པོའི་ཁ་དོག་ཏུ་སྣང་ངོ་། །ལ་ལ་ནི་སྤོས་སྣ་ཚོགས་ཀྱི་ཁ་དོག་ཏུ་སྣང་ངོ་། །ལ་ལ་ནི་གོས་དཀར་པོ་དྲི་མ་མེད་པའི་ཁ་དོག་ཏུ་སྣང་ངོ་། །ལ་ལ་ནི་ཁ་དོག་གཅིག་ཏུ་སྣང་ངོ་། །ལ་ལ་ནི་ཁ་དོག་རྣམ་པ་ཐ་དད་པ་སྣ་ཚོགས་སུ་སྣང་ངོ་། །རྣམ་པ་དེ་ལྟ་བུའི་
D44.037.0105a03.01སྤྲིན་གྱི་དྲ་བས་གླིང་བཞི་པ་ཀུན་ནས་ཁེབས་པར་བྱས་ནས། རྣམ་པ་སྣ་ཚོགས་ཀྱི་གློག་འགྱེད་དེ། འདི་ལྟར་སྤྲིན་གསེར་གྱི་ཁ་དོག་ཏུ་འདུག་པ་ལས། གློག་གི་ཕྲེང་བ་བཻ་ཌཱུརྱའི་ཁ་དོག་ལྟ་བུ་འགྱེད་དོ། །སྤྲིན་བཻ་ཌཱུརྱ་བཟང་པོའི་ཁ་དོག་ཏུ་འདུག་པ་ལས་གློག་གི་
D44.037.0105a04.01ཕྲེང་བ་གསེར་གྱི་ཁ་དོག་ལྟ་བུ་འགྱེད་དོ། །སྤྲིན་དངུལ་གྱི་ཁ་དོག་ཏུ་འདུག་པ་ལས། གློག་གི་ཕྲེང་བ་མུ་ས་ར་གལ་པའི་ཁ་དོག་ལྟ་བུ་འགྱེད་དོ། །སྤྲིན་མུ་ས་ར་གལ་པའི་ཁ་དོག་ཏུ་འདུག་པ་ལས། གློག་གི་ཕྲེང་བ་དངུལ་གྱི་ཁ་དོག་ལྟ་བུ་འགྱེད་དོ། །སྤྲིན་ཨ་སྨ་
D44.037.0105a05.01གར་བྷའི་ཁ་དོག་ཏུ་འདུག་པ་ལས། གློག་གི་ཕྲེང་བ་མུ་ཏིག་དམར་པོའི་ཁ་དོག་ལྟ་བུ་འགྱེད་དོ། །སྤྲིན་མུ་ཏིག་དམར་པོའི་ཁ་དོག་ཏུ་འདུག་པ་ལས། གློག་གི་ཕྲེང་བ་ཨསྨ་གར་བྷའི་ཁ་དོག་ལྟ་བུ་འགྱེད་དོ། །སྤྲིན་ཨ་སྨ་གར་བྷའི་ཁ་དོག་ཏུ་འདུག་པ་ལས། གློག་
D44.037.0105a06.01གི་ཕྲེང་བ་དཔལ་གྱི་སྙིང་པོའི་ཁ་དོག་ལྟ་བུ་འགྱེད་དོ། །སྤྲིན་དཔལ་གྱི་སྙིང་པོའི་ཁ་དོག་ཏུ་འདུག་པ་ལས། གློག་གི་ཕྲེང་བ་སྤོས་རྣམ་པ་ཐ་དད་པའི་ཁ་དོག་ལྟ་བུ་འགྱེད་དོ། །སྤྲིན་སྤོས་རྣམ་པ་ཐ་དད་པའི་ཁ་དོག་ལྟ་བུར་འདུག་པ་ལས། གློག་གི་ཕྲེང་བ་ཤེལ་གྱི་ཁ་དོག་
D44.037.0105a07.01