完整藏文原文 · 德格版页 当前仅加载第 37 函德格 2b 版页；藏文 NFD、目录标记与异常页序保留在来源切片中，重复版页行以稳定序号区分。
ཅིང་ཁོང་དུ་ཆུད་པས་ཆགས་པ་མེད་པའི་དབྱིངས་སུ་སྒྲུབ་པའི་ཡིད་དང་། ཆོས་ཐམས་ཅད་ལ་བསྒྲིབས་པ་མེད་པར་གནས་པའི་བྱང་ཆུབ་སེམས་དཔའི་སྤྱོད་པ་དང་། ཀུན་ཏུ་བཟང་པོའི་སྨོན་ལམ་དང་ལྡན་པའི་ཡང་དག་པར་འཇུག་པ་དང་། སངས་རྒྱས་ཐམས་ཅད་ཀྱི་
D44.037.0002b01.01རྗེས་སུ་སོང་བའི་སངས་རྒྱས་བལྟ་བ་དང་། སྙིང་རྗེ་ཆེན་པོས་ལྟ་བའི་སེམས་ཅན་ཐམས་ཅད་ཡོངས་སུ་སྦྱོང་བའི་གོ་ཆ་ཆེན་པོ་དང་། བྱང་ཆུབ་སེམས་དཔའི་ཡི་དམ་དང་། སྤྱོད་པའི་དཀྱིལ་འཁོར་རྒྱུན་ཆད་པ་{མྱེད་,མེད་}པ་དང་། སངས་རྒྱས་ཀྱི་ཡེ་ཤེས་མངོན་པར་བསྒྲུབ་པ་སྐད་
D44.037.0002b02.01ཅིག་གི་ཆ་ཤས་ལ་རྣམ་པར་སྤྱོད་པ་དང་། ཐམས་ཅད་མཁྱེན་པ་ཉིད་ཀྱི་སྒོ་མཐོང་བ་མི་ཟད་པ་དང་། སོ་སོ་ཡང་དག་པར་རིག་པའི་རྣམ་པ་གཟུངས་ཐམས་ཅད་ཀྱིས་སྣང་བར་བྱས་པ་དང་ལྡན་པས་སངས་རྒྱས་ཀྱི་མཐུས་བྱང་ཆུབ་སེམས་དཔའ་པད་མོའི་སྙིང་པོ་ལ་
D44.037.0002b03.01འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས། སངས་རྒྱས་བཅོམ་ལྡན་འདས་རྣམས་ནི། ཚད་མེད་པ་ལ་རྣམ་པར་སྤྱོད་པ་སྟེ། ཀྱེ་རྒྱལ་བའི་སྲས། སངས་རྒྱས་བཅོམ་ལྡན་འདས་རྣམས་ནི་རྣམ་པར་འཕྲུལ་པ་ཆེན་པོ་ལ་རྣམ་པར་སྤྱོད་པའོ། །ཀྱེ་རྒྱལ་བའི་
D44.037.0002b04.01སྲས། སངས་རྒྱས་བཅོམ་ལྡན་འདས་རྣམས་ནི་སངས་རྒྱས་ཀྱི་མཛད་པ་ཐམས་ཅད་ལ། སྐུའི་མཚན་ཐམས་ཅད་རབ་ཏུ་བརྙེས་པའོ། །སངས་རྒྱས་བཅོམ་ལྡན་འདས་རྣམས་ཀྱི་ཆོས་ཀྱི་འཁོར་ལོ་འཁོར་བ་ནི་ཏིང་ངེ་འཛིན་དང་། དགོངས་པས་སྦྱར་
D44.037.0002b05.01བའོ། །སངས་རྒྱས་བཅོམ་ལྡན་འདས་རྣམས་ཀྱི་སོ་སོ་ཡང་དག་པར་རིག་པ་བཞི་ནི་བརྗོད་དུ་མེད་པ་ཡང་བརྗོད་དུ་མེད་པ་ཤིན་ཏུ་བསྟན་པའོ། །སངས་རྒྱས་བཅོམ་ལྡན་འདས་རྣམས་ནི་སངས་རྒྱས་ཀྱི་ཆོས་ཐམས་ཅད་ལ་བསམ་གྱིས་མི་ཁྱབ་པར་རྣམ་པར་སྤྱོད་པའོ། །སངས་
D44.037.0002b06.01རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་གསུང་དང་དབྱངས་ནི་ཚད་མེད་པའོ། །སངས་རྒྱས་བཅོམ་ལྡན་འདས་རྣམས་ཀྱི་ཆོས་ཀྱི་དབྱིངས་ཐུགས་སུ་ཆུད་པ་ནི་བརྗོད་དུ་{མྱེད་,མེད་}པའོ། །སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཁྱུ་མཆོག་གི་མཐུ་ཕྱུང་བ་ནི་ཐམས་ཅད་
D44.037.0002b07.01