完整藏文原文 · 德格版页 当前仅加载第 37 函德格 221b 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་ཡང་དག་པའི་ངག་རབ་ཏུ་བརྗོད་པ་དང་། ལུས་ཀྱི་ལས་ཐམས་ཅད་སེམས་ཅན་ཉེ་བར་འཚོ་བས་འགྲོ་བ་ཐམས་ཅད་ཐོགས་པ་མེད་པར་ཡོངས་སུ་སྨིན་པར་བྱེད་ཅིང་འདུལ་བས་མངོན་པར་བསྒྲུབས་པ་དང་། འཕགས་པའི་རིགས་ལ་རབ་ཏུ་གནས་ཤིང་སྦྱངས་
D44.037.0221b01.01པའི་ཡོན་ཏན་གྱིས་སྡོམ་པ་བྱང་ཆུབ་ཀྱི་ལམ་དང་ལྡན་པའི་སྤྱོད་ལམ་དང་། སྤྱོད་པ་དང་ཚུལ་ལ་རབ་ཏུ་གནས་ཤིང་ཐམས་ཅད་དུ་ཁ་ན་མ་ཐོ་བ་མེད་པས་ཡང་དག་པའི་འཚོ་བ་དང་། བྱང་ཆུབ་སེམས་དཔའ་ཐམས་ཅད་ཀྱི་བརྟུལ་ཞུགས་དང་། དཀའ་ཐུབ་ཀྱིས་
D44.037.0221b02.01ཀུན་ནས་གདུངས་པ་དང་། ཡོངས་སུ་གདུངས་པ་ཡང་དག་པར་སྟོན་ཅིང་། དེ་བཞིན་གཤེགས་པའི་སྟོབས་བཅུའི་རང་བཞིན་ཐོགས་པ་མེད་པ་དང་ལྡན་པའི་ཕྱིར་ཡང་དག་པའི་རྩོལ་བ་དང་། སྒྲ་ཐམས་ཅད་འཛིན་ཅིང་དྲན་པ་འཇིག་རྟེན་གྱི་རྣམ་པར་འཁྲུག་
D44.037.0221b03.01པ་ཐམས་ཅད་ཀྱིས་བར་དུ་མི་ཆོད་པའི་ཕྱིར་ཡང་དག་པའི་དྲན་པ་དང་། བྱང་ཆུབ་སེམས་དཔའི་རྣམ་པར་ཐར་པ་བསམ་གྱིས་མི་ཁྱབ་པའི་ཏིང་ངེ་འཛིན་གཅིག་གིས་ཏིང་ངེ་འཛིན་ཐམས་ཅད་མངོན་པར་བསྒྲུབ་པ་ལ་མཁས་པའི་ཕྱིར་ཡང་དག་པའི་ཏིང་ངེ་འཛིན་
D44.037.0221b04.01དང་ལྡན་པས་བྱང་ཆུབ་སེམས་དཔའ་རྣམས་ཀྱི་ལམ་ནི་འཕགས་པའི་ལམ་གྱི་ཡན་ལག་བརྒྱད་དང་ལྡན་ཞིང་བྱང་ཆུབ་དང་མཐུན་པར་གྱུར་པ་དང་། འདི་ལྟ་སྟེ་འདོད་པ་དང་གནོད་སེམས་དང་། འཚོ་བ་མེད་པ་དང་ངག་གི་ལས་ཐམས་ཅད་ཀྱིས་མ་བསྒྲིབས་
D44.037.0221b05.01པར་ཆོས་སྟོན་པའི་ཚུལ་དང་ལྡན་པས་རྣམ་པར་རྟོག་པ་དང་། རྣམ་པར་དཔྱོད་པ་གསལ་བ་དང་། ཐམས་ཅད་མཁྱེན་པའི་ཡེ་ཤེས་ལ་སེམས་ཅན་ཡོངས་སུ་སྨིན་པར་བྱ་བའི་བསམ་པ་ཡོངས་སུ་མི་གཏོང་ཞིང་དགའ་བ་ཟིང་ཟིང་པོ་དང་བྲལ་བ་དང་།
D44.037.0221b06.01དེ་བཞིན་གཤེགས་པ་ཐམས་ཅད་མཐོང་བས་དགའ་བའི་ཡིད་བདེ་བ་ཡང་རྒྱུན་མི་འཆད་ཅིང་འཇིག་རྟེན་པའི་བདེ་བ་དང་། སྡུག་བསྔལ་དང་བྲལ་བས་འཕགས་པ་འཇིག་རྟེན་ལས་འདས་པའི་བྱང་ཆུབ་སེམས་དཔའི་ལམ་དང་མཐུན་པ་དང་། མི་གཡོ་བའི་གཟུགས་
D44.037.0221b07.01