完整藏文原文 · 德格版页 当前仅加载第 37 函德格 80a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་བཤད་མཛོད། །དེ་བཞིན་གཤེགས་པ་རྣམས་ཀྱི་རིགས་ཡང་ཡོངས་སུ་སྟོན་ཅིག །བྱང་ཆུབ་སེམས་དཔའ་འདི་དག་ཐམས་ཅད་ཐལ་མོ་སྦྱར་ཏེ། །ཡངས་པའི་ཆོས་ཀྱིས་སྐོམ་ཞིང་ཆོས་ལ་དོན་གཉེར་གནས་སོ། །དེ་
D44.037.0080a01.01སྐད་ཅེས་སྨྲས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པའི་རིགས་སུ་བྱུང་བའི་དཔལ་ལ་{དམྱིགས་,དམིགས་}ནས། བྱང་ཆུབ་སེམས་དཔའི་ཚོགས་ཐམས་ཅད་ལ་
D44.037.0080a02.01སྨྲས་པ། ཀྱེ་རྒྱལ་བའི་སྲས་དག་འདི་ལྟ་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྐྱེ་བ་འབྱུང་བ་བསྟན་པ། ཚད་མེད་པའི་ཆོས་ཀྱིས་འབྱུང་བ་འདི་ནི་བསམ་གྱིས་མི་ཁྱབ་པའི་གནས་ཏེ། ཀྱེ་རྒྱལ་བའི་སྲས་
D44.037.0080a03.01དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་སྐྱེ་བ་འབྱུང་བ་ནི། རྒྱུ་གཅིག་མ་ཡིན་པ་དང་། རྐྱེན་གཅིག་མ་ཡིན་པས་ཡང་དག་པར་འགྲུབ་བོ། །དེ་ཅིའི་ཕྱིར་ཞེ་ན། ཀྱེ་རྒྱལ་བའི་སྲས་དག །ཆོས་བཅུ་པོ་འདི་དག་ལ་
D44.037.0080a04.01སོགས་པ། །ཆོས་རྣམ་པ་ཐ་དད་པ་བརྒྱ་སྟོང་ཚད་མེད་གྲངས་མེད་པ་ཡོངས་སུ་རྫོགས་པར་བྱ་བའི་ཚུལ་ཡང་དག་པར་བསྒྲུབས་པའི་རྒྱུས་དེ་བཞིན་གཤེགས་པ་རྣམས་འབྱུང་བར་འགྱུར་རོ། །བཅུ་གང་ཞེ་ན། འདི་ལྟ་སྟེ། སྔོན་འགྲོ་བ་ཐམས་ཅད་
D44.037.0080a05.01ཡོངས་སུ་བསྐྱབ་པའི་སེམས་དང་། བྱང་ཆུབ་ཀྱི་སེམས་ཚད་མེད་པ་བསྐྱེད་པ་ཡང་དག་པར་བསྒྲུབས་པ་དང་། བསམ་པ་དང་ལྷག་པའི་བསམ་པ་སྔོན་ཤིན་ཏུ་སྦྱངས་ཤིང་ཡང་དག་པར་བསྒྲུབས་པ་དང་། བྱམས་པ་ཆེན་པོ་དང་། ཐུགས་རྗེ་ཆེན་པོ་ཚད་མེད་
D44.037.0080a06.01པས་སེམས་ཅན་ཡོངས་སུ་སྐྱབས་པ་ཡང་དག་པར་བསྒྲུབས་པ་དང་། སྤྱོད་པ་དང་སྨོན་ལམ་ཚད་མེད་པ་རྒྱུན་ཆད་པ་མེད་པར་ཡང་དག་པར་བསྒྲུབས་པ་དང་། བསོད་ནམས་དང་ཡེ་ཤེས་ཀྱི་ཚོགས་ཆེན་པོས་མི་ངོམས་པར་ཡང་དག་པར་བསྒྲུབས་པ་
D44.037.0080a07.01