完整藏文原文 · 德格版页 当前仅加载第 37 函德格 126b 版页；藏文 NFD、目录标记与异常页序保留在来源切片中，重复版页行以稳定序号区分。
དུས་ཐམས་ཅད་ཀྱི་ཚད་ཇི་སྙེད་པ་དང་། དེ་བཞིན་གཤེགས་པ་ཐམས་ཅད་ཀྱི་ཚད་ཇི་སྙེད་པ་དང་། སངས་རྒྱས་ཐམས་ཅད་ཀྱི་ཚད་ཇི་སྙེད་པ་དང་། ཐ་སྙད་ཐམས་ཅད་ཀྱི་ཚད་ཇི་སྙེད་པ་དང་། དེ་བཞིན་ཉིད་དང་ཆོས་ཀྱི་དབྱིངས་ཀྱི་ཚད་ཇི་སྙེད་པ་དང་།
D44.037.0126b01.01ནམ་མཁའི་དབྱིངས་དང་ཆགས་པ་མེད་པའི་དབྱིངས་ཀྱི་ཚད་ཇི་སྙེད་པ་དང་། མངོན་པར་བསྒྲུབ་པའི་དབྱིངས་དང་། རྣམ་པར་སྤྱོད་པའི་དབྱིངས་ཀྱི་ཚད་ཇི་སྙེད་པ་དང་། མྱ་ངན་ལས་འདས་པའི་དབྱིངས་ཀྱི་ཚད་ཇི་སྙེད་པ་དེ་སྙེད་ཀྱི་སྐུ་ཀུན་ནས་གནས་
D44.037.0126b02.01པར་འགྱུར་རོ། །ཀྱེ་རྒྱལ་བའི་སྲས་དེ་བཞིན་དུ་སྐུའི་ཚད་ཇི་སྙེད་པ་དེ་སྙེད་ཀྱི་ཚད་ཀྱི་གསུང་ཡང་ཀུན་ནས་གནས་པར་འགྱུར་རོ། །སྐུ་དང་གསུང་གི་ཚད་ཇི་སྙེད་པ་དེ་སྙེད་དུ་ཆགས་པ་མེད་པའི་དགོངས་པ་ཀུན་ནས་གནས་པར་འགྱུར་ཏེ། དེ་དེ་ལྟ་བུར་ཚད་
D44.037.0126b03.01མེད་པའི་སྐུ་དང་། གསུང་དང་དགོངས་པའི་ཕྲིན་ལས་འཁོར་གསུམ་ཡོངས་སུ་དག་པ་བརྙེས་པས་རང་གི་སྐུ་དེ་ཉིད་ལས་སེམས་ཅན་ཐམས་ཅད་མངོན་པར་འཚང་རྒྱ་བའི་དམིགས་པ་སྟོན་ཏོ། །དེ་བཞིན་དུ་སེམས་ཅན་ཐམས་ཅད་ཀྱང་མྱ་ངན་ལས་འདས་
D44.037.0126b04.01པ་ཞི་བའི་དབྱིངས་སུ་ཡང་དག་པར་གཞོལ་བའི་བར་དུ་རབ་ཏུ་སྟོན་ཏེ། དེས་ནི་འདི་ལྟར་ཐམས་ཅད་དངོས་པོ་མེད་པའི་རང་བཞིན་དང་། མཚན་ཉིད་མེད་པའི་རང་བཞིན་དང་། མི་སྐྱེ་མི་འགག་པའི་རང་བཞིན་དང་། བདག་ལ་བདག་མེད་པའི་
D44.037.0126b05.01རང་བཞིན་དང་། སེམས་ཅན་ལ་སེམས་ཅན་མེད་པའི་རང་བཞིན་དང་། སངས་རྒྱས་རྣམ་པར་མི་རྟོག་པའི་རང་བཞིན་དང་། ཆོས་ཀྱི་དབྱིངས་ཀྱི་རང་བཞིན་དང་། ནམ་མཁའི་དབྱིངས་ཀྱི་རང་བཞིན་ཐུགས་སུ་ཆུད་དེ། དེ་ལྟ་བུའི་རང་བཞིན་
D44.037.0126b06.01མངོན་པར་རྫོགས་པར་སངས་རྒྱས་ནས་མ་ལུས་པར་ཐུགས་སུ་ཆུད་པ་དང་། ཆོས་ཀྱི་དབྱིངས་རབ་ཏུ་བརྙེས་པ་དང་། དེ་བཞིན་གཤེགས་པའི་ཐུགས་རྗེ་ཆེན་པོ་རྒྱུན་མི་འཆད་པས་སེམས་ཅན་གྱི་དོན་ཡོངས་སུ་བསྒྲུབ་པ་མཛད་དོ། །ཀྱེ་རྒྱལ་
D44.037.0126b07.01