完整藏文原文 · 德格版页 当前仅加载第 37 函德格 97b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་ནད་དང་སྡུག་བསྔལ་གྱི་གཙེ་བ་ཐམས་ཅད་མེད་པར་འགྱུར་རོ། །སེམས་ཅན་ཇི་སྙེད་ཅིག་ནོར་བུ་རིན་པོ་ཆེའི་རྒྱལ་པོ་དེ་ལ་འདོད་པས་སེམས་པ་དེ་དག་ཐམས་ཅད་ཀྱི་བསམ་པ་ཡོངས་སུ་རྫོགས་པར་བྱེད་དེ། རིན་པོ་ཆེའི་རྒྱལ་པོ་ཆེན་པོ་དེ་ནི་བསོད་ནམས་མ་བྱས་
D44.037.0097b01.01པའི་སེམས་ཅན་རྣམས་ཀྱི་མིག་ལམ་དུ་སྣང་བར་འགྱུར་བ་མ་ཡིན་ནོ། །ཀྱེ་རྒྱལ་བའི་སྲས་དེ་ལ་ནོར་བུ་རིན་པོ་ཆེའི་རྒྱལ་པོ་ཆེན་པོ་ཞེས་བྱ་བ་དེ་ནི་དེ་བཞིན་གཤེགས་པའི་སྐུ་སེམས་ཅན་ཐམས་ཅད་ཤིན་ཏུ་ཚིམ་པར་མཛད་པའི་ཚིག་{བླ་དགས་,བླ་དྭགས་}ཏེ། གང་ན་དེ་བཞིན་
D44.037.0097b02.01གཤེགས་པའི་སྐུ་བལྟར་ཡོད་ཅིང་མཚན་མཉན་དུ་ཡོད་ལ་ཡོན་ཏན་དང་ལེགས་པ་ཡོངས་སུ་བརྗོད་དུ་ཡོད་པ། དེ་ཕྱོགས་ཀྱི་སེམས་ཅན་ཀུན་གྱི་འཁོར་བ་ལ་གནས་པའི་སྡུག་བསྔལ་དང་། མི་བདེ་བ་ཐམས་ཅད་མེད་པར་འགྱུར་རོ། །ཀྱེ་རྒྱལ་བའི་སྲས་དེ་བཞིན་
D44.037.0097b03.01གཤེགས་པའི་སྐུ་རིན་པོ་ཆེ་དེ་ནི་ཇི་སྟེ། སེམས་ཅན་འཇིག་རྟེན་གྱི་ཁམས་ཐམས་ཅད་དུ་གཏོགས་པ་ཀུན་གྱིས་སྔ་ཕྱི་མེད་པར་སེམས་རྩེ་གཅིག་ཏུ་ཡིད་ལ་བྱ་བ་མ་འཁྲུགས་པས། དེ་བཞིན་གཤེགས་པའི་སྐུ་བལྟ་བའི་ཕྱིར་དམིགས་པ་བྱས་ན་དེ་དག་ཐམས་
D44.037.0097b04.01ཅད་ཀྱིས་སོ་སོ་ནས་དེ་བཞིན་གཤེགས་པའི་སྐུའང་མཐོང་བར་འགྱུར་ལ། ཐམས་ཅད་ཀྱི་ཆོས་ཀྱི་བསམ་པ་ཡང་ཡོངས་སུ་རྫོགས་པར་འགྱུར་རོ། །དེ་བཞིན་གཤེགས་པའི་སྐུ་དེ་ཡང་སེམས་ཅན་འདུལ་བའི་དབང་དུ་དེ་བཞིན་གཤེགས་པའི་བྱིན་གྱི་རླབས་
D44.037.0097b05.01ཀྱིས་བསྟན་པ་མ་གཏོགས་པར་སེམས་ཅན་བསོད་ནམས་མ་བྱས་པ་རྣམས་ཀྱི་མིག་ལམ་དུ་སྣང་བར་མི་འགྱུར་ཏེ། སེམས་ཅན་སུ་ལ་ཡང་རུང་སྟེ། དགེ་བའི་རྩ་བ་དེ་བཞིན་གཤེགས་པའི་སྐུ་བསྟན་པས་ཡོངས་སུ་སྨིན་པར་བྱ་བ་ཞིག་ཡོད་ན། དེ་དག་ཡོངས་
D44.037.0097b06.01སུ་སྨིན་པར་བྱ་བའི་དོན་དུ་དེ་བཞིན་གཤེགས་པའི་སྐུ་རིན་པོ་ཆེ་སྟོན་ཏོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཚད་མེད་པའི་རྗེས་སུ་སོང་ཞིང་ཕྱོགས་ཀྱི་དྲ་བ་ཐམས་ཅད་རྒྱས་པར་འགེངས་པ། ནམ་མཁའ་ལྟ་བུར་ཆགས་
D44.037.0097b07.01