完整藏文原文 · 德格版页 当前仅加载第 37 函德格 163a 版页；藏文 NFD、目录标记与异常页序保留在来源切片中，重复版页行以稳定序号区分。
འཐོབ་བོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་དབུགས་ཕྱིན་པ་ཆེན་པོ་རབ་ཏུ་འཐོབ་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་ཡེ་ཤེས་ཆེན་
D44.037.0163a01.01པོ་ལ་མངོན་པར་འཚང་རྒྱ་བ་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའི་སངས་རྒྱས་ཀྱི་ཆོས་ཟབ་མོ་ལ་འཇུག་པ་རྣམས་ཏེ། བཅུ་གང་ཞེ་ན་འདི་ལྟར་འཇིག་རྟེན་གྱི་ཁམས་ཐམས་ཅད་དུ་
D44.037.0163a02.01འདས་པའི་དུས་ལ་འཇུག་པ་འདི་ནི་སངས་རྒྱས་ཀྱི་ཆོས་ཟབ་མོ་ལ་འཇུག་པ་དང་པོའོ། །འཇིག་རྟེན་གྱི་ཁམས་འགྲངས་པ་དེ་དང་དེ་དག་གི་འཇིག་རྟེན་གྱི་ཁམས་ཐམས་ཅད་དུ་མ་འོངས་པའི་དུས་ལ་འཇུག་པ་འདི་ནི་སངས་རྒྱས་ཀྱི་ཆོས་ཟབ་མོ་ལ་
D44.037.0163a03.01འཇུག་པ་གཉིས་པའོ། །འཇིག་རྟེན་གྱི་ཁམས་འགྲངས་པ་དང་འཇིག་རྟེན་གྱི་ཁམས་ཡོད་པ་དང་། འཇིག་རྟེན་གྱི་ཁམས་སུ་བསྟན་པ་དང་། འཇིག་རྟེན་གྱི་ཁམས་ཡོངས་སུ་དག་པ་དང་། འཇིག་རྟེན་གྱི་ཁམས་སུ་ཤེས་པ་གང་ཇི་སྙེད་པའི་
D44.037.0163a04.01འཇིག་རྟེན་གྱི་ཁམས་ཐམས་ཅད་དུ་ད་ལྟར་བྱུང་བའི་དུས་ལ་འཇུག་པ་འདི་ནི་སངས་རྒྱས་ཀྱི་ཆོས་ཟབ་མོ་ལ་འཇུག་པ་གསུམ་པའོ། །འཇིག་རྟེན་གྱི་ཁམས་ཐམས་ཅད་དུ་སྣ་ཚོགས་སུ་འཇུག་པ་འདི་ནི་སངས་རྒྱས་ཀྱི་ཆོས་ཟབ་མོ་ལ་འཇུག་པ་བཞི་པའོ། །
D44.037.0163a05.01སེམས་ཅན་གྱི་ལས་དང་རྣམ་པར་སྨིན་པ་སྣ་ཚོགས་ཐམས་ཅད་ལ་འཇུག་པ་འདི་ནི་སངས་རྒྱས་ཀྱི་ཆོས་ཟབ་མོ་ལ་འཇུག་པ་ལྔ་པའོ། །བྱང་ཆུབ་སེམས་དཔའི་སྤྱོད་པ་སྣ་ཚོགས་ལ་འཇུག་པ་འདི་ནི་སངས་རྒྱས་ཀྱི་ཆོས་ཟབ་མོ་ལ་འཇུག་པ་དྲུག་པའོ། །
D44.037.0163a06.01ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་དེ་བཞིན་གཤེགས་པ་འདས་པ་རྣམས་ཀྱི་མཚམས་སྦྱོར་བ་ཤེས་པ་འདི་ནི་སངས་རྒྱས་ཀྱི་ཆོས་ཟབ་མོ་ལ་འཇུག་པ་བདུན་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་སངས་རྒྱས་
D44.037.0163a07.01