完整藏文原文 · 德格版页 当前仅加载第 37 函德格 106a 版页；藏文 NFD、目录标记与异常页序保留在来源切片中，重复版页行以稳定序号区分。
བསྒྱུར་གྱི་གནས་ཉེ་བར་བཟུང་བ་མན་ཅད་སའི་སྟེང་ན་ཡོད་པའི་གནས་ཀྱི་བར་དུ་ཆར་པ་རྣམ་པ་ཐ་དད་པ་འབེབས་ཏེ། འདི་ལྟར་རྒྱ་མཚོ་ཆེན་པོར་ནི་ཐ་མི་དད་པ་ཞེས་བྱ་བའི་ཆར་སྤྲིན་ཆེན་པོའི་ཆར་འབེབས་སོ། །དབང་བསྒྱུར་གྱི་ལྷ་
D44.037.0106a01.01རྣམས་ལ་ནི་ཤིན་ཏུ་སྙན་ཅིང་མཉན་པར་འོས་པ་ཞེས་བྱ་བའི་སྒྲ་སྙན་པའི་གླུ་དང་རོལ་མོའི་ཆར་ཆེན་པོ་འབེབས་སོ། །འཕྲུལ་དགའི་ལྷ་རྣམས་ལ་ནི་སྣང་བ་རབ་ཏུ་གཏོང་བ་ཞེས་བྱ་བའི་ནོར་བུ་རིན་པོ་ཆེའི་ཆར་ཆེན་པོ་འབེབས་སོ། །དགའ་ལྡན་གྱི་ལྷ་རྣམས་ལ་ནི།
D44.037.0106a02.01གཙུག་ཕུད་འཕྱང་བ་ཞེས་བྱ་བའི་རྒྱན་གྱི་ཆར་ཆེན་པོ་འབེབས་སོ། །མཚེ་མའི་ལྷ་རྣམས་ལ་ནི་རྒྱན་སྣ་ཚོགས་ཤེས་བྱ་བ་མེ་ཏོག་གི་ཆར་ཆེན་པོ་འབེབས་སོ། །སུམ་ཅུ་རྩ་གསུམ་གྱི་ལྷ་རྣམས་ལ་ནི་སྤོས་ཡིད་དུ་འོང་བ་ཞེས་བྱ་བའི་ལྷ་རྫས་ཀྱི་སྤོས་ཀྱི་ཆར་ཆེན་པོ་འབེབས་
D44.037.0106a03.01སོ། །རྒྱལ་པོ་ཆེན་པོ་བཞིའི་རིས་ཀྱི་ལྷ་རྣམས་ལ་ནི་དགའ་བར་བྱེད་པ་ཞེས་བྱ་བ་ལྷ་རྫས་ཀྱི་གོས་ཀྱི་ཆར་ཆེན་པོ་འབེབས་སོ། །ཀླུའི་རྒྱལ་པོ་ཆེན་པོའི་གནས་སུ་ནི་འོད་ཤིན་ཏུ་འཕགས་པ་ཞེས་བྱ་བ་མུ་ཏིག་དམར་པོའི་ཆར་ཆེན་པོ་འབེབས་སོ། །ལྷ་མ་ཡིན་གྱི་
D44.037.0106a04.01གནས་སུ་ནི་དགྲ་ཕ་རོལ་ཤིན་ཏུ་འཇོམ་པ་ཞེས་བྱ་བ་གཞུ་དང་མཚོན་ཆའི་ཆར་ཆེན་པོ་འབེབས་སོ། །བྱང་གི་སྒྲ་མི་སྙན་དུ་ནི་མེ་ཏོག་ཤིན་ཏུ་རྒྱས་པ་ཞེས་བྱ་བའི་མེ་ཏོག་སྣ་ཚོགས་ཀྱི་ཆར་ཆེན་པོ་འབེབས་སོ། །གཞུང་དེ་བཞིན་དུ་གླིང་ཆེན་པོ་བཞི་པའི་འཇིག་རྟེན་
D44.037.0106a05.01གྱི་ཁམས་ཐམས་ཅད་ཀྱི་གནས་སྣ་ཚོགས་སུ་རྣམ་པ་ཐ་དད་པའི་ཆར་སྣ་ཚོགས་རབ་ཏུ་འབེབས་སོ། །ཀྱེ་རྒྱལ་བའི་སྲས་ཀླུའི་རྒྱལ་པོ་གང་ཆེན་མཚོ་ལ་སེར་སྣ་ཅུང་ཟད་ཀྱང་མེད་དེ། འོན་ཀྱང་སེམས་ཅན་རྣམས་ཀྱི་དགེ་བའི་རྩ་བ་དང་། བསོད་ནམས་ཀྱི་
D44.037.0106a06.01ཚོགས་རྣམ་པ་སྣ་ཚོགས་ཐ་དད་པའི་ཁྱད་པར་གྱིས་ཆར་རྣམ་པ་ཐ་དད་པའང་སྣང་ཞིང་ཡོད་པར་གྱུར་ཏོ། །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བླ་ན་མེད་པའི་ཆོས་ཀྱི་རྒྱལ་པོ་ཆེན་པོ་ཡང་རྟག་ཏུ་
D44.037.0106a07.01