完整藏文原文 · 德格版页 当前仅加载第 37 函德格 213b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀྱི་འཁོར་ལོ་བསྐོར་བ་དང་། མྱ་ངན་ལས་འདས་པ་ཆེན་པོ་མངོན་སུམ་དུ་ཤེས་པས་སངས་རྒྱས་སྐྱེ་བ་ཐམས་ཅད་དུ་རྒྱས་པར་དགང་བ་དང་། བག་ཆགས་དང་དབང་པོ་ནམ་མཁའ་ལྟ་བུར་ཁོང་དུ་ཆུད་པས། སེམས་ཅན་གྱི་ཁམས་ཐམས་ཅད་དུ་རྒྱས་པར་དགང་བ་དང་།
D44.037.0213b01.01ཆོས་ཀྱི་དབྱིངས་ཐམས་ཅད་ཁོང་དུ་ཆུད་པའི་ཡེ་ཤེས་དང་ལྡན་པས་མིག་ཡོར་ལྟ་བུའི་ཡེ་ཤེས་ཀྱིས་རྒྱས་པར་དགང་བ་དང་། སྒྱུ་མའི་དྲ་བ་རྣམ་པ་ཐ་དད་པ་ལྟ་བུར་ཁོང་དུ་ཆུད་པས་མཐའ་དང་དབུས་མེད་པར་རྒྱས་པར་དགང་བ་དང་རང་བཞིན་མི་དམིགས་པས་མི་སྐྱེ་བར་
D44.037.0213b02.01རྒྱས་པར་དགང་བ་དང་། རང་གི་སེམས་དང་གཞན་གྱི་སེམས་ལ་ཐོགས་པ་མེད་པས་ཆགས་པ་མེད་པར་རྒྱས་པར་དགང་བ་དང་། སེམས་བསྐྱེད་པ་ཐམས་ཅད་ལ་མངོན་པར་རྫོགས་པར་བྱང་ཆུབ་པ་ཡོངས་སུ་སྟོན་པས་དབང་གིས་རྒྱས་པར་དགང་བའོ། །ཀྱེ་རྒྱལ་བའི་སྲས་
D44.037.0213b03.01བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སེམས་ཀྱིས་རྒྱས་པར་དགང་བ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་སངས་རྒྱས་ཀྱི་ཆོས་ཐམས་ཅད་ཀྱིས་རྒྱས་པར་དགང་བ་མཐའ་དང་དབུས་མེད་པའི་རྒྱན་བླ་ན་མེད་པ་འཐོབ་པར་འགྱུར་བ་དག་གོ། །ཀྱེ་རྒྱལ་
D44.037.0213b04.01བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་དབང་པོ་སྟེ། བཅུ་གང་ཞེ་ན་འདི་ལྟར་སངས་རྒྱས་ཐམས་ཅད་མཐོང་བར་དད་པ་ཕྱིར་ལྡོག་པ་མེད་པས། བྱང་ཆུབ་སེམས་དཔའ་རྣམས་ཀྱི་དབང་པོ་ནི་དགའ་བར་བྱེད་པའོ། །སངས་རྒྱས་ཀྱི་ཆོས་
D44.037.0213b05.01ཐམས་ཅད་མངོན་པར་འཚང་རྒྱ་བར་བྱེད་པས་བྱང་ཆུབ་སེམས་དཔའ་རྣམས་ཀྱི་དབང་པོ་ནི་མངོན་པར་མོས་པའོ། །བྱ་བ་ཐམས་ཅད་ཐོགས་པ་མེད་པས་བྱང་ཆུབ་སེམས་དཔའ་རྣམས་ཀྱི་དབང་པོ་ནི་ཕྱིར་མི་ལྡོག་པའོ། །བྱང་ཆུབ་སེམས་དཔའི་སྤྱོད་པ་ཐམས་
D44.037.0213b06.01ཅད་རྒྱུན་མི་གཅོད་པའི་ཕྱིར་བྱང་ཆུབ་སེམས་དཔའ་རྣམས་ཀྱི་དབང་པོ་ནི་གནས་པའོ། །ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་ཁོང་དུ་ཆུད་པའི་ཕྱིར། བྱང་ཆུབ་སེམས་དཔའ་རྣམས་ཀྱི་དབང་པོ་ནི་ཤིན་ཏུ་ཕྲ་བའོ། །སེམས་ཅན་ཐམས་ཅད་ཀྱི་དགོས་པ་ཡོངས་སུ་
D44.037.0213b07.01