完整藏文原文 · 德格版页 当前仅加载第 37 函德格 366b 版页；藏文 NFD、目录标记与异常页序保留在来源切片中，重复版页行以稳定序号区分。
ཀློག་གི་ཕྲེང་བ་འབྱུང་བའི་སྣང་བ་དང་། དེ་དག་ལ་སོགས་པ་ནོར་བུ་རིན་པོ་ཆེའི་སྣང་བ་ཆེན་པོ་བརྒྱ་སྟོང་ཕྲག་བཅུས་རྟག་ཏུ་སྣང་བར་བྱས་པའོ། །བཟའ་ཤིང་གི་ར་བ་དེ་ནི་རྒྱན་ཆེན་པོའི་སྤྲིན་བརྒྱ་སྟོང་ཕྲག་བཅུའི་ཆར་འབབ་པའི་རྒྱན་དང་ལྡན་པ་སྟེ། དུས་
D44.037.0366b01.01དང་མཐུན་པའི་ཙན་དན་གྱི་སྤྲིན་བརྒྱ་སྟོང་ཕྲག་བཅུའི་འབྲུག་སྒྲ་རབ་ཏུ་འབྱུང་བ། ལྷ་རྫས་ལས་འདས་པའི་ཕྲེང་བ་དང་། ལྡ་ལྡིའི་སྤྲིན་ཆེན་པོ་ཀུན་ཏུ་མཆེད་པས་རབ་ཏུ་བརྒྱན་པ། ལྷ་རྫས་ལས་འདས་པའི་གོས་ཚོན་སྣ་ཚོགས་དང་ལྡན་པའི་སྤྲིན་
D44.037.0366b02.01བརྒྱ་སྟོང་ཕྲག་བཅུའི་སྤྲིན་མངོན་པར་འབབ་པ། ལྷ་རྫས་ལས་འདས་པའི་རྒྱན་གྱི་སྤྲིན་བརྒྱ་སྟོང་ཕྲག་བཅུས་རྣམ་པར་ཀླུབས་པ། ལྷའི་བུ་བརྒྱ་སྟོང་ཕྲག་བཅུ་མཐོང་བར་དགའ་སྟེ། འོག་ཏུ་ལྟ་ཞིང་རབ་ཏུ་འདུད་པའི་ཕྱག་ཆར་བཞིན་དུ་འབབ་པ། ལྷ་
D44.037.0366b03.01མོའི་སྤྲིན་བརྒྱ་སྟོང་ཕྲག་བཅུ་སྔོན་གྱི་སྤྱོད་པའི་སྐལ་བ་མཉམ་པས་རང་རང་གི་ལུས་འབུལ་བའི་ཆར་མངོན་པར་འབབ་པ། བྱང་ཆུབ་སེམས་དཔའི་སྤྲིན་བརྒྱ་སྟོང་ཕྲག་བཅུ་ཆོས་མཉན་པས། སྐོམ་ཞིང་འོང་བའི་ཆར་མངོན་པར་འབབ་སྟེ། དེ་ན་དགེ་
D44.037.0366b04.01བསྙེན་མ་ཡིད་བཞིན་གསེར་གྱི་སྙིང་པོའི་ཁྲི་ཆེན་པོ་ལ་འདུག་ཅིང་། མུ་ཏིག་རྒྱ་མཚོའི་སྙིང་པོའི་དྲ་བས་བརྒྱན་པའི་ཅོད་པན་ཐོགས་པ། ལག་པ་ལ་ལྷ་རྫས་ལས་འདས་པའི་གསེར་གྱི་དཔུང་རྒྱན་དང་། གདུབ་བུ་ཐོགས་པ། ལག་པ་ནོར་བུ་རིན་པོ་ཆེ་
D44.037.0366b05.01དཔལ་གྱི་རང་བཞིན་གྱི་འོད་ཟེར་གྱིས་རྣམ་པར་མཛེས་པར་གྱུར་པ། རྣ་ཆ་རིན་པོ་ཆེ་མཐོན་ཏིང་དྲི་མ་མེད་པ་རབ་ཏུ་འཕྱང་བ། མགོ་ནོར་བུ་རིན་པོ་ཆེའི་དྲ་བས་མཛེས་པར་བརྒྱན་པ། ནོར་བུ་རིན་པོ་ཆེ་སེང་གེའི་གདོང་གི་རྣ་བའི་གོང་རྒྱན་ཐོགས་པ།
D44.037.0366b06.01ནོར་བུ་རིན་པོ་ཆེ་ཡིད་བཞིན་གྱི་རྒྱལ་པོའི་མགུལ་ཀོར་ཐོགས་པ། ལུས་རིན་པོ་ཆེ་ཐམས་ཅད་ཀྱི་དྲ་བས་ཡོག་ཅིང་འོད་རབ་ཏུ་འབར་བ། སྲོག་ཆགས་བྱེ་བ་ཁྲག་ཁྲིག་གི་ལུས་རབ་ཏུ་བཏུད་དེ། ཕྱག་བྱ་བ་ཞིག་འདུག་སྟེ། དགེ་བསྙེན་མ་ཡིད་
D44.037.0366b07.01